Home | Tamil Lens

ஹலால் விதிமுறைகளை மீறுவோருக்கு கடுமையான தண்டனை அவசியம் - பெர்மிம்

கோலாலம்பூர், நவம்பர் 4 –

புச்சோங்கில் செயல்பட்டு வந்த ஒரு கோழி இறைச்சி விநியோக நிறுவனத்தில் ஹலால்நடைமுறைகள் மீறப்பட்டதாக கண்டறியப்பட்டதைத் தொடர்ந்து அதிகாரிகள் மேற்கொண்டஉடனடி நடவடிக்கையை பெர்மிம் (மலேசிய இந்திய முஸ்லிம் தேசிய பேரவை) வரவேற்றுள்ளது.

பொது மக்களின் நம்பிக்கையையும் நாட்டின் ஹலால் சான்றிதழ் அமைப்பின் மதிப்பையும்பாதுகாக்கும் நோக்கில் திடீர் சோதனைகளை மேற்கொண்டு விரைவாக நடவடிக்கை எடுத்தமலேசிய இஸ்லாமிய மேம்பாட்டுத் துறை (ஜாக்கிம்), சிலாங்கூர் இஸ்லாமிய சமயத் துறை(ஜாய்ஸ்) மற்றும் அது தொடர்புடைய அமலாக்க அதிகாரிகளுக்கு பெர்மிம் தனதுபாராட்டுகளைத் தெரிவித்துக்கொண்டது.

அதேசமயம், ஹலால் விதிமுறைகளையும் நடைமுறைகளையும் மீறுவோர் மீது மிகக்கடுமையான சட்ட நடவடிக்கை எடுக்கப்பட வேண்டும் என்றும் பெர்மிம் வலியுறுத்தியது. இத்தகைய குற்றங்களுக்கு விதிக்கப்படும் தண்டனைகள் மற்றவர்களுக்கு பாடமாகவும்எச்சரிக்கையாகவும் அமைய வேண்டும் என அது தெரிவித்தது.

மலேசியா இன்று உலக அரங்கில் ஹலால் துறையின் முன்னணி நாடாக விளங்குகிறது. மலேசிய ஹலால் சான்றிதழ் உலகளாவிய அளவில் உயர்ந்த நம்பகத்தன்மையையும்மரியாதையையும் பெற்றுள்ளது. இதனை பாதிக்கும் எந்தவொரு அலட்சியமோ அல்லதுவேண்டுமென்றே செய்யப்பட்ட விதிமுறை மீறலோ நாட்டின் நற்பெயருக்கு சேதத்தைஏற்படுத்தக்கூடும்.

பெர்மிம் தேசியத் தலைவர் முகம்மது அஸ்மான் ஷா கூறுகையில்:

"ஹலால் சான்றிதழ் என்பது ஒரு வணிக அனுமதி மட்டுமல்ல. அது முஸ்லிம் சமூகத்தின்நம்பிக்கையோடும் இஸ்லாமிய மதிப்புகளோடும் தொடர்புடைய ஒரு புனிதமானபொறுப்பாகும். ஹலால் நடைமுறைகளை மீறுவோர் மீது எவ்வித சமரசமும் இன்றிகடுமையான நடவடிக்கை எடுக்கப்பட வேண்டும். அத்தகைய நடவடிக்கைகளே மற்றதொழில்துறையினருக்கு ஒரு தெளிவான எச்சரிக்கையாக அமையும்."

மேலும், இத்தகைய சம்பவங்கள் தொடர்ந்தால் மலேசியாவின் இஸ்லாமியஅடையாளத்திற்கும் உலகளாவிய ஹலால் மையம் என்ற அந்தஸ்திற்கும் பாதிப்புஏற்படுவதுடன், ஹலால் சான்றிதழ் மீதான உள்ளூர் மற்றும் சர்வதேச நுகர்வோரின்நம்பிக்கையும் குறையக்கூடும் என்று அவர் சுட்டிக்காட்டினார்.

எனவே, ஹலால் வழங்கல் சங்கிலியில் ஈடுபட்டுள்ள அனைத்து தரப்பினரும்விதிமுறைகளை முழுமையாகப் பின்பற்ற வேண்டும் என்றும், அரசாங்கமும் அமலாக்கஅமைப்புகளும் தொடர்ந்து தீவிர கண்காணிப்பை மேற்கொள்ள வேண்டும் என்றும் பெர்மிம்கேட்டுக்கொண்டுள்ளது.

மலேசியா

ஜெலாப்பாங் மக்களுக்கு தீபாவளி பலகாரங்கள் வழங்கினார் சியா பாவ் ஹியான்!

ஈப்போ, நவ 4-

தீபாவளிப் பண்டிகையை முன்னிட்டு, ஜெலாப்பாங் சட்டமன்றத் தொகுதி மக்களுக்கு தீபாவளி பலகாரங்களை அத்தொகுதி சட்டமன்ற உறுப்பினர் சியா பாவ் ஹியான் வழங்கினார்.

ஒவ்வோர் ஆண்டும் தீபாவளிப் பண்டிகையின்போது இதுபோன்று மக்களுக்கு அன்பளிப்புப் பொருட்களை வழங்கி மகிழ்விப்பது வழக்கமான ஒன்று என அவர் தெரிவித்தார்.

இந்தப் பலகாரங்களை வழங்கிய நிகழ்வின்போது, பொதுமக்கள் அனைவருக்கும் தனது இனிய தீபாவளி நல்வாழ்த்துகளையும் சியா பாவ் ஹியான் தெரிவித்துக் கொண்டார்.

மலேசியா

மலாக்கா மாநிலத்தின் 55 மேம்பாட்டுத் திட்டங்களின் தற்போதைய நிலை என்ன? – அப்துல் ரவூப் விளக்கமளிக்க வேண்டும்! -சிவமலர் கணபதி

மலாக்கா மாநிலத்தில் தொடங்கப்படாமல் இருந்த 55 மேம்பாட்டுத் திட்டங்களின் தற்போதைய நிலை குறித்து, புதிய ஐந்தாண்டு ஆட்சிக்கான மக்கள் ஆணையைக் கோருவதற்கு முன்பாக முதலமைச்சர் டத்தோ ஸ்ரீ அப்துல் ரவூப் யூசோப் விளக்கமளிக்க வேண்டும் என பிகேஆர் கட்சியின் துணைப் பொதுச் செயலாளர் சிவமலர் கணபதி வலியுறுத்தியுள்ளார்.

கடந்த 2025ஆம் ஆண்டு ஜூன் 10ஆம் தேதி, மலாக்கா மாநிலத்தில் மொத்தம் 241 மேம்பாட்டுத் திட்டங்கள் அறிவிக்கப்பட்டிருந்த நிலையில், அவற்றில் 86 திட்டங்கள் நிறைவடைந்துள்ளதாகவும், 100 திட்டங்கள் செயல்பாட்டில் இருப்பதாகவும், 55 திட்டங்கள் இன்னும் தொடங்கப்படவில்லை என்றும் முதலமைச்சர் தெரிவித்திருந்தார்.

அதே ஆண்டு மே 31ஆம் தேதி நிலவரப்படி, மாநில மேம்பாட்டிற்காக ஒதுக்கப்பட்ட 8 கோடியே 80 லட்சம் ரிங்கிட்டில், 1 கோடியே 95 லட்சத்து 20 ஆயிரம் ரிங்கிட் மட்டுமே செலவிடப்பட்டிருந்தது. இது மொத்த ஒதுக்கீட்டில் 22.18 விழுக்காடாகும்.

இந்நிலையில், ஏறக்குறைய 17 மாதங்கள் கடந்துள்ளதால், அந்த 55 திட்டங்களில் எத்தனை தொடங்கப்பட்டுள்ளன, எத்தனை நிறைவடைந்துள்ளன, இன்னும் எத்தனை திட்டங்கள் தாமதத்தில் உள்ளன என்பதை மாநில அரசு தற்போதைய தரவுகளுடன் வெளியிட வேண்டும் என சிவமலர் கேட்டுக்கொண்டார்.

தாமதமாகும் திட்டங்கள் பொதுமக்கள் எதிர்பார்த்துக் காத்திருக்கும் அடிப்படை வசதிகள், உள்கட்டமைப்பு மற்றும் சமூக மேம்பாட்டுப் பணிகளைப் பாதிக்கக்கூடும். எனவே, திட்டங்களின் முன்னேற்றம் குறித்த தகவல்களை மக்களிடமிருந்து மறைக்காமல் வெளிப்படையாக அறிவிப்பது அரசின் பொறுப்பாகும் என்றார்.

நிலப் பிரச்சினைகள், தொழில்நுட்ப அனுமதிகள், கொள்முதல் நடைமுறைகள், ஒப்பந்ததாரர்கள் தொடர்பான சிக்கல்கள் மற்றும் நிதி ஒதுக்கீட்டுத் தாமதங்கள் போன்ற காரணங்களால் திட்டங்கள் பாதிக்கப்படலாம். இருப்பினும், இத்தகைய தடைகளைத் தீர்ப்பதற்கான நடவடிக்கைகளை மாநில அரசு துரிதப்படுத்த வேண்டும் என்றும் அவர் வலியுறுத்தினார்.

மேலும், தொடங்கப்படாமல் இருந்த 55 திட்டங்களின் முழுமையான பட்டியலை மாநில அரசு வெளியிட வேண்டும். ஒவ்வொரு திட்டத்தின் அமைவிடம், ஒதுக்கப்பட்ட நிதி, பொறுப்பான அரசுத் துறை, ஆரம்பகால கால அட்டவணை, தற்போதைய செயலாக்க நிலை மற்றும் நிறைவு செய்வதற்கான இலக்கு தேதி ஆகிய விவரங்கள் அதில் இடம்பெற வேண்டும்.

அத்துடன், அங்கீகரிக்கப்பட்ட நிதி, இதுவரை வழங்கப்பட்ட தொகை மற்றும் செலவிடப்பட்ட தொகை குறித்த விவரங்களையும் வெளியிட வேண்டும். இதன் மூலம் அரசின் திட்டச் செயலாக்கத்தை மக்கள் உண்மையான தரவுகளின் அடிப்படையில் மதிப்பிட முடியும்.

புதிய ஐந்தாண்டு மக்கள் ஆணையைக் கோருவதற்கு முன்பாக, கடந்த கால நிர்வாகத்தின் செயல்பாடுகளுக்குப் பதிலளிப்பது அவசியம். மக்கள் வரிப்பணத்தில் மேற்கொள்ளப்படும் திட்டங்கள் எவ்வாறு செயல்படுத்தப்பட்டுள்ளன என்பதற்கான ஆதாரங்களை அரசு முன்வைக்க வேண்டும்.

புதிய வாக்குறுதிகளை வழங்குவதற்கு முன்னர், ஏற்கெனவே அறிவிக்கப்பட்ட திட்டங்களின் நிறைவேற்றம் குறித்த வெளிப்படையான அறிக்கையை அப்துல் ரவூப் தலைமையிலான அரசு வெளியிட வேண்டும் என சிவமலர் கணபதி தெரிவித்தார்.

மலேசியா

350 குடும்பங்களுக்கு தீபாவளி அன்பளிப்பு வழங்கிய ஸ்ரீ தர்ம சாஸ்த அன்புக் கரங்கள்!

பத்துகேவ்ஸ், நவ.2-

பத்து கேவ்ஸ் வட்டாரத்தில் வசிக்கும் 350 இந்தியக் குடும்பங்களுக்கு ஸ்ரீ தர்ம சாஸ்த அன்புக்கரங்கள் சிலாங்கூர் அமைப்பின் சார்பில் தீபாவளி அன்பளிப்புகள் வழங்கப்பட்டன.

அமைப்பின் தலைவர் எஸ். மருதையா தலைமையில் நடைபெற்ற தீபத் திருநாள்கொண்டாட்ட நிகழ்ச்சியில், பத்து கேவ்ஸ் வட்டாரத்தைச் சேர்ந்த குடும்பங்களுக்குதீபாவளியை மகிழ்ச்சியுடன் கொண்டாடும் வகையில் இந்த அன்பளிப்புகள் வழங்கப்பட்டன.

இந்த நிகழ்ச்சி கடந்த ஐந்து ஆண்டுகளாகத் தொடர்ந்து நடத்தப்பட்டு வருவதாகக் குறிப்பிட்டஎஸ். மருதையா, ஒவ்வோர் ஆண்டும் ஏழை மற்றும் தேவையுடைய குடும்பங்களுக்கு உதவவேண்டும் என்ற நோக்கத்தில் இத்திட்டத்தை முன்னெடுத்து வருவதாகத் தெரிவித்தார்.

இந்த முயற்சிக்கு பல்வேறு முக்கியப் பிரமுகர்கள் தங்களால் இயன்ற நிதி மற்றும் பொருள்உதவிகளை வழங்கி ஆதரவு அளித்துள்ளதாகவும் அவர் கூறினார்.

குறிப்பாக, டத்தோஸ்ரீ ஹரி, டத்தோ பார்த்திபன், டத்தோ பிரகாஷ், கோம்பாக் மஇகா தலைவர்கோபி, டத்தோ பாலமுருகன், செலாயாங் மாவட்ட நகராண்மைக் கழக உறுப்பினர் தேவாஉள்ளிட்டோர் வழங்கிய ஆதரவுக்கு அவர் நன்றியைத் தெரிவித்துக் கொண்டார்.

மேலும், இந்த நிகழ்ச்சி சிறப்பாக நடைபெறுவதற்குப் பல்வேறு வகைகளில் உதவிக்கரம்நீட்டிய அனைவருக்கும் அமைப்பின் சார்பில் நன்றியைத் தெரிவித்துக் கொண்ட அவர், எதிர்காலத்தில் இதைவிடப் பெரிய அளவில் தீபாவளி அன்பளிப்பு நிகழ்ச்சியை நடத்தத்திட்டமிட்டுள்ளதாகவும் குறிப்பிட்டார்.

மலேசியா

புற்றுநோயால் பாதிக்கப்பட்ட பெண்ணுக்கு மருத்துவ உதவிகள் வழங்கி ஆறுதல் கூறினார் யுவனேஸ்வரன்

ஜொகூர், அக்.31-

நுரையீரல் புற்றுநோயால் பாதிக்கப்பட்டு கீமோதெரபி சிகிச்சை பெற்று வரும் திருமதிமாரியம்மாள் சுப்பிரமணியம் என்பவருக்கு மருத்துவமனை கட்டில் மற்றும் சக்கர நாற்காலிஆகியவற்றை வழங்கி ஆறுதல் கூறினார் செகமாட் நாடாளுமன்ற உறுப்பினர்யுவனேஸ்வரன்.

மக்களவை மற்றும் அமைச்சுப் பணிகள் என பல்வேறு பொறுப்புகளுக்கு மத்தியில், ஜெமந்தா, தாமான் ஜெயாவில் உள்ள மாரியம்மாளின் இல்லத்திற்குச் சென்று அவரைச்சந்தித்ததாக அவர் தெரிவித்தார்.

நுரையீரல் புற்றுநோயால் பாதிக்கப்பட்டுள்ள மாரியம்மாள் தற்போது கீமோதெரபி சிகிச்சைபெற்று வருகிறார். அவரது உடல்நிலையையும், குடும்பத்தினர் எதிர்கொண்டு வரும்சிரமங்களையும் அறிந்த அவர், மாரியம்மாளின் அன்றாட பராமரிப்புக்கும் சிகிச்சைக்காலத்தில் வசதியாக இருப்பதற்கும் மருத்துவமனை கட்டில் மற்றும் சக்கர நாற்காலியைவழங்கினார்.

தாம் வழங்கிய உதவி அவரது வலியையும் சிரமத்தையும் முழுமையாகப் போக்கிவிடாதுஎன்றாலும், குடும்பத்தினரின் சுமையைக் குறைத்து அன்றாட பராமரிப்புக்கு ஓரளவுஉதவியாக இருக்கும் என நம்புவதாக அவர் குறிப்பிட்டார்.

மேலும், மாரியம்மாள் மனவலிமையுடன் இருந்து, இந்த நோயின் சவாலைத் துணிவுடன்எதிர்கொள்ள வேண்டும் என்றும் ஆறுதல் கூறினார்.

நோயிலிருந்து மீண்டு, அவரது உடல்நிலையில் நல்ல முன்னேற்றம் ஏற்பட இறைவன்அருள்புரிய வேண்டும் என்றும் அவர் வாழ்த்தினார்.

மக்கள் பிரதிநிதி என்பவர் மக்களுக்கு உதவி தேவைப்படும் நேரத்தில் மட்டும்உடனிருப்பவராக இல்லாமல், அவர்கள் துயரங்களை எதிர்கொள்ளும்போதுதனித்துவிடப்படவில்லை என்ற நம்பிக்கையையும் ஆதரவையும் வழங்க வேண்டும் என்பதேதமது நோக்கம் என்றும் அவர் தெரிவித்தார்.

மலேசியா

மலாக்கா தேர்தலில் தேசிய முன்னணியின் வெற்றிக்கு பிபிபி முழு ஆதரவு!

சிகமாட், அக். 30-

எதிர்வரும் 14ஆம் தேதி நடைபெறவுள்ள மலாக்கா மாநிலத் தேர்தலில் தேசியமுன்னணியின் வெற்றிக்கு பிபிபி கட்சி முழுமையான ஆதரவை வழங்கும் என்றுஅக்கட்சியின் தேசிய இளைஞர் அணித் தலைவர் சத்தியா தெரிவித்தார்.

தேசிய முன்னணி அரசாங்கத்திற்கு பிபிபி தொடர்ந்து தனது முழு ஆதரவை வழங்கிவருவதாகக் குறிப்பிட்ட அவர், மலாக்கா மாநிலத் தேர்தலில் தேசிய முன்னணிவேட்பாளர்களின் வெற்றிக்காக விலாயா மாநில பிபிபி கட்சி களமிறங்கிப் பணியாற்றும்என்றார்.

இதன் ஒரு பகுதியாக, மலாக்காவில் உள்ள இரண்டு சட்டமன்றத் தொகுதிகளில் விலாயாமாநில பிபிபி கட்சியினர் 14 நாட்கள் தேர்தல் பிரச்சாரப் பணிகளில் ஈடுபடவுள்ளனர்.

தேசிய முன்னணியின் வெற்றிக்கு தங்களால் இயன்ற அனைத்து ஒத்துழைப்புகளையும்வழங்குவதுடன், தேர்தல் களத்தில் முழுமையாகப் பணியாற்றுவோம் என்றும் அவர்உறுதியளித்தார்.

மேலும், சிகமாட் தொகுதி பிபிபி கட்சித் தலைவர் டத்தோ வினோத்தின் மக்கள் சேவைகள்தொடர்ந்து நீடிக்க வேண்டும் என்றும் சத்தியா குறிப்பிட்டார்.

இதற்கிடையில், சிகமாட் தொகுதி பிபிபி கட்சியின் ஆண்டுப் பொதுக்கூட்டம் இன்றுநடைபெற்றது. இதில் பிபிபி தேசிய உதவித் தலைவர் இளையப்பன் முத்துசாமி, தேசியஇளைஞர் அணித் தலைவர் சத்தியா உள்ளிட்ட கட்சியின் பல்வேறு நிலை தலைவர்கள்கலந்து சிறப்பித்தனர்.

இக்கூட்டத்தில் உரையாற்றிய தொகுதித் தலைவர் டத்தோ வினோத், கட்சியின் அனைத்துநிலைத் தலைவர்களும் தமக்கும் தொகுதி நிர்வாகத்திற்கும் முழுமையான ஒத்துழைப்பைவழங்கி வருவதாகத் தெரிவித்தார்.

மேலும், மக்கள் நலன் சார்ந்த நடவடிக்கைகளின் ஒரு பகுதியாக இன்றைய நிகழ்ச்சியில் 10 சக்கர நாற்காலிகள் தேவைப்படுவோருக்கு வழங்கப்பட்டதாகவும் அவர் கூறினார்.

கடந்த ஆண்டும் இதேபோன்ற மக்கள் நலச் சேவையின் மூலம் 32 சக்கர நாற்காலிகள்வழங்கப்பட்டதாகக் குறிப்பிட்ட டத்தோ வினோத், தொடர்ந்து மக்களுக்குத் தேவையானஉதவிகளை வழங்குவதில் பிபிபி கட்சி முனைப்புடன் செயல்படும் என்றார்.

மலேசியா

பிரச்சினைகள் உள்ள ஆலயங்களுக்கு மாநில அரசு மானியம் வழங்காது! – பாப்பா ராயுடு

கிள்ளான், அக். 27 –

முறையான பதிவு இல்லாத ஆலயங்களுக்கு சிலாங்கூர் மாநில அரசு மானியம் வழங்காதுஎன்று சிலாங்கூர் மாநில ஆட்சிக்குழு உறுப்பினர் பாப்பா ராயுடு தெரிவித்தார்.

இதற்கான விதிமுறைகள் ஏற்கெனவே நடைமுறையில் உள்ளதாகவும், தற்போது அவற்றைத்தமது தரப்பு முறையாகக் கடைப்பிடித்து வருவதாகவும் அவர் கூறினார்.

முறையான பதிவு இல்லாத ஆலய நிர்வாகங்கள் தாராளமாகத் தங்களை அணுகலாம்என்றும், அவர்களின் பிரச்சினைகளுக்குத் தீர்வு காணத் தாங்கள் தயாராக இருப்பதாகவும்அவர் தெரிவித்தார்.

ஆனால், பிரச்சினைகளுக்குத் தீர்வு காண எந்தவொரு முயற்சியையும் மேற்கொள்ளாமல், அரசு மானியம் வழங்கவில்லை என்று குறை கூறுவதில் நியாயமில்லை என்றும் அவர்சுட்டிக்காட்டினார்.

இதற்கிடையில், அண்மையில் ஓர் ஆலயத்தில் போதைப்பொருள் கைப்பற்றப்பட்டசம்பவத்தைத் தாம் வன்மையாகக் கண்டிப்பதாக அவர் கூறினார். இத்தகைய சம்பவம்ஒட்டுமொத்த இந்தியச் சமுதாயத்திற்கும் இழிவை ஏற்படுத்துவதாக அவர் வருத்தம்தெரிவித்தார்.

ஆலயங்கள் இடிக்கப்படும் சம்பவங்கள் அவ்வப்போது நிகழ்ந்து வரும் நிலையில், இதுபோன்ற செயல்கள் ஆலயங்களின் நற்பெயருக்குக் களங்கம் ஏற்படுத்துவதாகவும் அவர்குறிப்பிட்டார்.

எனவே, சம்பந்தப்பட்ட தரப்பினர் இத்தகைய செயல்களை உடனடியாக நிறுத்திக்கொள்ளவேண்டும் என்றும், புனிதத் தலங்களில் இதுபோன்ற சட்டவிரோதச் செயல்களில்ஈடுபடுவோர் மீது கடுமையான நடவடிக்கை எடுக்கப்பட வேண்டும் என்றும் பாப்பா ராயுடுவலியுறுத்தினார்.

மலேசியா

அரசாங்கச் சேவைகளை ஒரே தளத்தில் பெற MyGOV Malaysia –அமைச்சர் கோபிந்த் சிங் டியோ மக்களவையில் பதில்

மலேசிய மக்கள் அரசாங்கச் சேவைகளை எளிதாகவும், விரைவாகவும், பாதுகாப்பாகவும்பெறுவதற்கு MyGOVMalaysia செயலி முக்கியப் பங்காற்றி வருவதாகஇலக்கவியல்அமைச்சர் கோபிந்த் சிங் டியோ தெரிவித்தார்.

பல்வேறு அரசாங்க நிறுவனங்களின் சேவைகளை ஒரேதளத்தில் ஒருங்கிணைக்கும் இந்தச்செயலி, மக்களின்நேரத்தையும் செலவையும் மிச்சப்படுத்துவதுடன், நாட்டின்அரசாங்கநிர்வாகத்தை மேலும் திறன்மிக்கதாகமாற்றுவதற்கும் உதவுவதாக அவர் கூறினார்.

அரசாங்கச் சேவைகளை இலக்கவியல் முறையில் விரைவாகமாற்றியமைப்பதற்காக, முழுஅரசாங்க அணுகுமுறையின்(Whole-of-Government – WoG) அடிப்படையில்செயல்படுத்தப்படும் அரசாங்கத்தின் முக்கிய உத்திபூர்வமுயற்சியே GovTech Malaysia ஆகும்.

இந்த அணுகுமுறை, பல்வேறு அமைச்சுகள் மற்றும்அரசாங்க நிறுவனங்களுக்குஇடையிலான தரவுப் பகிர்வு, பொதுவான இலக்கவியல் தளங்களின் பயன்பாடுமற்றும்அரசாங்கச் சேவைகளின் ஒருங்கிணைப்பு ஆகியவற்றுக்குமுக்கியத்துவம்அளிக்கிறது. இதன் வழி பொதுமக்களும்வணிகத் துறையினரும் அரசாங்கச் சேவைகளைமேலும்எளிதாகவும், விரைவாகவும், பாதுகாப்பாகவும், ஒருங்கிணைந்த முறையிலும் பெறமுடியும்.

GovTech Malaysia முன்னெடுப்பின் கீழ் உருவாக்கப்பட்டMyGOV Malaysia, அரசாங்கத்தின்பல்வேறு இலக்கவியல்சேவைகளை ஒரே இடத்தில் வழங்கும் செயலியாகும். MyDigital ID வழி ஒரே உள்நுழைவு முறையைப் (Single Sign-On) பயன்படுத்தி, பொதுமக்கள் பல்வேறுஅரசாங்கச்சேவைகளை அணுக முடியும்.

2026 அக்டோபர் 8ஆம் தேதி நிலவரப்படி, MyGOV Malaysia செயலி 31 இலட்சத்து 99 ஆயிரத்து 120 முறை பதிவிறக்கம்செய்யப்பட்டுள்ளது. மேலும், 30 இலட்சத்து 14 ஆயிரத்து96 செயலில் உள்ள பயனர்களைக் கொண்டுள்ள இந்தச்செயலியில், 22 அரசாங்கநிறுவனங்களின் 62 சேவைகள்ஒருங்கிணைக்கப்பட்டுள்ளதாக கோபிந்த் சிங்டியோதெரிவித்தார்.

இந்தச் செயலியின் வழி பொதுமக்கள் அபராதங்களைச்சரிபார்த்துச் செலுத்துதல், MyKad அடையாள அட்டைக்குப்பதிலாகப் புதிய அட்டைக்கு விண்ணப்பித்தல், பொருட்களின்விலைகளைச் சரிபார்த்தல், பயணத்தகவல்கள் மற்றும் உரிமங்கள் தொடர்பானவிவரங்களைப்பெறுதல் போன்ற சேவைகளைப் பயன்படுத்திக் கொள்ளமுடியும்.

மேலும், சுகாதாரச் சேவைகளுக்கான முன்பதிவுகளைநிர்வகித்தல், தேர்வு முடிவுகளைச்சரிபார்த்தல் மற்றும்உரிமை கோரப்படாத பணம் தொடர்பானவிவரங்களைஅறிந்துகொள்ளுதல் போன்ற வசதிகளும் இந்தச்செயலியில்இடம்பெற்றுள்ளன.

இதன் வழி பொதுமக்கள் ஒவ்வொரு சேவைக்கும் வெவ்வேறுஅரசாங்கஅலுவலகங்களுக்குச் செல்ல வேண்டிய அவசியம்குறைகிறது. குறிப்பாக, பயணச் செலவு, நேர விரயம் மற்றும்நீண்ட நேரக் காத்திருப்பு ஆகியவற்றைக் குறைப்பதற்குMyGOV Malaysia உதவுகிறது.

அதேவேளையில், இந்தச் செயலி பொதுமக்களுக்குமட்டுமின்றி, நாட்டின் அரசாங்கநிர்வாகத் திறனைமேம்படுத்துவதற்கும் முக்கியப் பங்களிப்பை வழங்குகிறது.

பல்வேறு அமைச்சுகளும் அரசாங்க நிறுவனங்களும்தங்களது சேவைகளை ஒரேஇலக்கவியல் தளத்தில்ஒருங்கிணைப்பதன் வழி, ஒரே மாதிரியானஅமைப்புகளைத்தனித்தனியாக உருவாக்க வேண்டிய தேவை குறைகிறது. இதன் வழிஅரசாங்கச் செலவினங்களையும் வளங்களையும்சிறந்த முறையில் பயன்படுத்த முடியும்.

MyGOV Malaysia செயலிக்கு அப்பால், செயற்கைநுண்ணறிவை அடிப்படையாகக் கொண்டுதகவல்களையும்உதவிகளையும் வழங்கும் TanyaKerajaan சேவையையும்GovTech Malaysia உருவாக்கியுள்ளதாக அமைச்சர்தெரிவித்தார்.

மேலும், பயனர்களின் தனிப்பட்ட தேவைகளுக்கு ஏற்பசேவைகளை வழங்கும் MyPersona மற்றும் சந்திப்பு நேரமுன்பதிவுகளை நிர்வகிக்கும் MyAppointment ஆகியசேவைகளும்எதிர்காலத்தில் ஒருங்கிணைக்கப்படவுள்ளன.

2026ஆம் ஆண்டு இறுதிக்குள் MyGOV Malaysia செயலியில்மேலும் அதிகமான அரசாங்கச்சேவைகளைஇணைப்பதற்கும், அரசாங்க நிர்வாகத்தில் செயற்கைநுண்ணறிவின்நடைமுறைப் பயன்பாட்டைவிரிவுபடுத்துவதற்கும் முன்னுரிமை அளிக்கப்படும்என்றுகோபிந்த் சிங் டியோ தெரிவித்தார்.

இதில், செயற்கை நுண்ணறிவுத் தொழில்நுட்பத்தைப்பயன்படுத்தி கூட்டங்களின்ஒலிப்பதிவு, உரை வடிவிலானபதிவுகளைத் தயாரித்தல், கூட்டக் குறிப்புகளைஉருவாக்குதல்மற்றும் தொடர் நடவடிக்கைகளைக்கண்காணித்தல் போன்ற பணிகளைத் தானியங்கிமுறையில்மேற்கொள்ளும் Agenda AI திட்டமும் அடங்கும்.

2027ஆம் ஆண்டு முதல், பல்வேறு அமைச்சுகளும் அரசாங்கநிறுவனங்களும்பயன்படுத்தக்கூடிய பொதுவானஇலக்கவியல் தளங்களை விரிவுபடுத்துவதுடன், அரசாங்கநிறுவனங்களுக்கு இடையிலான தரவுப் பகிர்வையும்வலுப்படுத்தத்திட்டமிடப்பட்டுள்ளது.

இதன் வழி பொதுமக்கள் ஒரே தகவலைப் பல்வேறுஅரசாங்க நிறுவனங்களிடம் மீண்டும்மீண்டும் வழங்கவேண்டிய அவசியத்தைக் குறைக்க முடியும்.

மேலும், செயற்கை நுண்ணறிவு மற்றும் Agentic AI தொழில்நுட்பங்களின் பயன்பாட்டைப்பொறுப்பானமுறையில் விரிவுபடுத்துதல், இணையப் பாதுகாப்பு, தனியுரிமை, தரவுநிர்வாகம் மற்றும் அரசாங்க ஊழியர்களின்இலக்கவியல் திறன்களை மேம்படுத்துதல்ஆகியவற்றுக்கும்முக்கியத்துவம் அளிக்கப்படும்.

2028 முதல் 2030ஆம் ஆண்டு வரையிலான காலப்பகுதியில், குழந்தை பிறப்பு, பள்ளியில்சேருதல், வேலைவாய்ப்பைப்பெறுதல், தொழில் தொடங்குதல் மற்றும்ஓய்வுபெறுதல்போன்ற மக்களின் முக்கிய வாழ்க்கை நிகழ்வுகளுடன்தொடர்புடையஅரசாங்கச் சேவைகளை மேலும்ஒருங்கிணைந்த முறையில் வழங்குவதே GovTech Malaysia-வின் இலக்காகும்.

இதன் வழி பொதுமக்கள் பல்வேறு அரசாங்கநிறுவனங்களைத் தனித்தனியாக அணுகவேண்டியஅவசியமின்றி, தங்களுக்குத் தேவையான சேவைகளைஎளிதாகப் பெறுவதற்குவழிவகை செய்யப்படும்.

GovTech Malaysia-வின் நோக்கம் தற்போதுள்ள அரசாங்கநடைமுறைகளை வெறுமனேஇலக்கவியல் மயமாக்குவதுமட்டுமல்ல. மாறாக, அரசாங்கம் மக்களுக்குச்சேவைகளைவழங்கும் முறையையே மறுவடிவமைப்பதாகும்.

குறைவான நடைமுறைகள், குறைந்த எண்ணிக்கையிலானஆவணங்கள் மற்றும் குறுகியகாத்திருப்பு நேரத்துடன்பொதுமக்கள் அரசாங்கச் சேவைகளைப் பெறுவதேஇந்தமுயற்சியின் வெற்றிக்கான முக்கிய அளவுகோலாக அமையும்என்று அமைச்சர்விளக்கினார்.

MyGOV Malaysia மற்றும் GovTech Malaysia திட்டங்களின்சாதனைகள், மக்களுக்கும்வணிகத் துறையினருக்கும்கிடைக்கும் நன்மைகள், அத்துடன் இலக்கவியல்அரசாங்கச்சேவைகளை மேம்படுத்துவதற்கான எதிர்காலத் திட்டங்கள்குறித்து பெந்தோங்நாடாளுமன்ற உறுப்பினர் யங்சியெஃபுரா பிந்தி ஒத்மான் எழுப்பிய கேள்விக்கு, இலக்கவியல்அமைச்சர் கோபிந்த் சிங் டியோமக்களவையில் பதிலளிக்கையில் இந்தவிவரங்களைத்தெரிவித்தார்.

மலேசியா

டான்ஶ்ரீ ச. விக்னேஸ்வரன் இல்லத் திருமணம்: டான்ஸ்ரீ ரெனா துரைசிங்கம் உள்ளிட்ட மஇகா பிரமுகர்கள் நேரில் வாழ்த்து!

மஇகா தேசியத் தலைவர் டான்ஸ்ரீ டத்தோஸ்ரீ ச. விக்னேஸ்வரன் – புவான் ஸ்ரீ டத்தின் ஸ்ரீ சுசிலா தம்பதியரின் புதல்வி துஹினா விக்னேஸ்வரனுக்கும், டத்தோ இன்ஜினியர் தனராஜா கனகரத்தினம் – டத்தின் விமலீஸ்வரி ராஜேந்திரன் தம்பதியரின் புதல்வர் திவேஷ் ராஜ் தனராஜாவுக்கும் இடையிலான திருமண வைபவம் நேற்று பத்துமலை, ஸ்ரீ அலர்மேல் மங்கை சமேத ஸ்ரீ வெங்கடாஜலபதி ஆலயத்தில் வெகு விமரிசையாக நடைபெற்றது.

இத்திருமண விழாவில், லோட்டஸ் குழுமத்தின் நிர்வாக இயக்குநர் டான்ஸ்ரீ ரெனா துரைசிங்கம், அக்குழுமத்தின் இயக்குநர்களான டத்தோ ரெனா ராமலிங்கம் மற்றும் டத்தோ ரெனா நாகசுந்தரம் ஆகியோர் நேரில் கலந்து கொண்டு, மணமக்களுக்கு மனமார்ந்த வாழ்த்துகளையும் ஆசிகளையும் தெரிவித்தனர்.

அதேவேளையில், மஇகாவின் முக்கியப் பிரமுகர்கள் மற்றும் கட்சிப் பொறுப்பாளர்கள் பலரும் இத்திருமண விழாவில் கலந்து கொண்டு, புதுமணத் தம்பதியரை வாழ்த்திச் சிறப்பித்தனர்.

மேலும், முன்னாள் பிரதமர் டத்தோஸ்ரீ இஸ்மாயில் சப்ரி யாக்கோப், அமைச்சர்கள், அரசியல் தலைவர்கள் மற்றும் பொதுமக்கள் எனப் பலரும் இவ்விழாவில் பங்கேற்று, மணமக்களுக்கு தங்களது வாழ்த்துகளைத் தெரிவித்துக் கொண்டனர்.

மலேசியா

45 ஆண்டுகளுக்கும் மேலாக தமிழ்ப்பத்திரிகைத் துறையில் பணியாற்றிய டாக்டர் பி.ஆர். ராஜனின் இறுதிச் சடங்கு!

செலாயாங், அக்.26-

தமிழ்ப்பத்திரிகைத் துறையில் 45 ஆண்டுகளுக்கும் மேலாகப் பணியாற்றி, பத்திரிகைஆசிரியராகத் திகழ்ந்த டாக்டர் பி.ஆர். ராஜனின் இறுதிச் சடங்கு இன்று (26ஆம் தேதி) நடைபெற்றது.

செலாயாங்கிலுள்ள அவரது இல்லத்தில் நடைபெற்ற இறுதிச் சடங்கில் பத்திரிகையாளர்கள், அரசியல்வாதிகள் உள்ளிட்ட பலர் கலந்து கொண்டு அன்னாருக்கு இறுதி அஞ்சலிசெலுத்தினர்.

இதனிடையே, பிரதமர் டத்தோஸ்ரீ அன்வார் இப்ராஹிம் மற்றும் அவரது துணைவியார்டத்தோஸ்ரீ டாக்டர் வான் அசிசா வான் இஸ்மாயில், அத்துடன் பல்லூடகத் துறைதுணையமைச்சர் தியோ நிங் சிங் ஆகியோர் மலர் வளையங்களைச் சமர்ப்பித்து தங்களதுஇரங்கலைத் தெரிவித்திருந்தனர்.

இல்லத்தில் நடைபெற்ற இறுதிச் சடங்குகளைத் தொடர்ந்து, அவரது உடல் செந்தூல்மயானத்திற்குக் கொண்டு செல்லப்பட்டு தகனம் செய்யப்பட்டது.

தமிழ்ப்பத்திரிகைத் துறையில் நான்கு தசாப்தங்களுக்கும் மேலாகப் பணியாற்றிய டாக்டர்பி.ஆர். ராஜனின் மறைவு, பத்திரிகைத் துறையினரிடையே சோகத்தை ஏற்படுத்தியுள்ளது.

அன்னாரின் ஆன்மா சாந்தியடைய இறைவனைப் பிரார்த்திப்பதுடன், அவரை இழந்து வாடும்குடும்பத்தினருக்கும் உறவினர்களுக்கும் ஆழ்ந்த இரங்கலையும் அனுதாபங்களையும்தெரிவித்துக் கொள்கிறோம்.

மலேசியா

20 ஆண்டுகளாகத் தொடரும் தீபாவளி உதவி; இம்முறை 100 பேருக்கு அன்பளிப்பு! -டத்தோ சுரேஷ் ராவ்

ராவாங், அக்.25-

விலை உயர்ந்து வரும் அத்தியாவசிய உணவுப் பொருட்களால் பொதுமக்கள் எதிர்நோக்கும்சுமையைக் குறைக்கும் நோக்கில், வவாசான் கட்சியின் செலாயாங் தொகுதி பொருளாளர்டத்தோ சுரேஷ் ராவ், இம்முறை கட்சி சார்பில் 100 பேருக்குத் தீபாவளி அன்பளிப்புகளைவழங்கினார்.

கடந்த 20 ஆண்டுகளாகத் தனது சொந்த முயற்சியில் தீபாவளி காலத்தில் உதவிகள் வழங்கிவருவதாகக் குறிப்பிட்ட அவர், இவ்வாண்டு கட்சி சார்பில் இந்த உதவித் திட்டத்தைமுன்னெடுத்ததாகத் தெரிவித்தார்.

தற்போது அத்தியாவசிய உணவுப் பொருட்களின் விலைகள் தொடர்ந்து உயர்ந்து வருவதால், மக்களின் அன்றாட வாழ்க்கைச் செலவுகளும் அதிகரித்து வருகின்றன. இதனைக் கருத்தில்கொண்டு, உதவி பெற்றவர்கள் அடுத்த இரு வாரங்களுக்குத் தேவையான அடிப்படைஉணவுப் பொருட்களைப் பயன்படுத்திக் கொள்ளும் வகையில் அவை வழங்கப்பட்டதாக அவர்கூறினார்.

மேலும், நாட்டில் நிலவி வரும் புகை மூட்டத்தைக் கருத்தில் கொண்டு, பொதுமக்கள்தங்களது சுகாதாரத்தில் கூடுதல் கவனம் செலுத்த வேண்டும் என்றும் அவர்வலியுறுத்தினார்.

குறிப்பாக, தேவையற்ற வெளிப்புறப் பயணங்களைக் குறைத்துக் கொள்வதுடன், புகைமூட்டத்தால் ஏற்படக்கூடிய உடல்நலப் பாதிப்புகளிலிருந்து தங்களைப் பாதுகாத்துக் கொள்ளஉரிய முன்னெச்சரிக்கை நடவடிக்கைகளை மேற்கொள்ள வேண்டும் என்றும் டத்தோ சுரேஷ்ராவ் கேட்டுக்கொண்டார்.

தீபாவளி பண்டிகைக் காலத்தில் தேவையுடைய மக்களுக்கு உதவுவதுடன், அவர்களின்அன்றாடத் தேவைகளுக்கும் ஆதரவளிக்கும் நோக்கில் இந்த முயற்சி மேற்கொள்ளப்பட்டதாகஅவர் தெரிவித்தார்.

மலேசியா

கல்வி, வணிகம் மற்றும் விளையாட்டுத் துறையினரைக் கௌரவித்த BNP அமைப்பு! 200 தமிழ்ப்பள்ளி மாணவர்களுக்கு கல்வி உதவிப்பொருள்கள்; 100-க்கும் மேற்பட்ட கல்விமான்கள், வியாபாரிகளுக்கு விருது!

கோலாலம்பூர்,அக்.24-

இந்தியச் சமூகத்தினரிடையே வணிக ஒற்றுமையை வலுப்படுத்துவதோடு, கல்வி மற்றும்விளையாட்டுத் துறைகளில் சிறந்து விளங்குவோரைக் கௌரவிக்கும் நோக்கில் BNP அமைப்பின் விருது விழா பத்துமலையில் உள்ள செங்கா மண்டபத்தில் நடைபெற்றது.

இந்த நிகழ்ச்சியில் நான்கு தமிழ்ப்பள்ளிகளைச் சேர்ந்த 200 மாணவர்களுக்கு கல்விஉதவிப்பொருள்கள் வழங்கப்பட்டன. மேலும், மூத்த பூப்பந்து விளையாட்டு வீரர்களும்அவர்களின் பங்களிப்பைப் பாராட்டி கௌரவிக்கப்பட்டனர்.

BNP அமைப்பு தொடங்கப்பட்டு 24 ஆண்டுகள் நிறைவடைந்துள்ள நிலையில், கல்வி, வணிகம் உள்ளிட்ட பல்வேறு துறைகளில் சிறப்பான பங்களிப்பை வழங்கிய 100-க்கும்மேற்பட்ட கல்விமான்கள் மற்றும் வியாபாரிகளுக்கு விருதுகள் வழங்கப்பட்டன.

இந்நிகழ்ச்சியில் பேசிய BNP அமைப்பின் தோற்றுநர் கலைவாணன், இந்தியச் சமூகத்தைச்சேர்ந்த வியாபாரிகள் அனைவரும் ஒன்றிணைந்து செயல்பட வேண்டும் என்பதேஅமைப்பின் முக்கிய நோக்கம் என்று தெரிவித்தார்.

“இந்திய வியாபாரிகள் அனைவரும் ஒன்றிணைந்து செயல்பட்டால் மட்டுமே வணிகத்துறையில் அடுத்த கட்ட வளர்ச்சியை நோக்கி முன்னேற முடியும். வியாபாரிகளுக்கு இடையேஒற்றுமையையும் ஒத்துழைப்பையும் ஏற்படுத்தி, அவர்களின் வளர்ச்சிக்கான தளமாக BNP அமைப்பு தொடர்ந்து செயல்பட வேண்டும் என்பதே எங்களின் நோக்கமாகும்” என்று அவர்வலியுறுத்தினார்.

BNP அமைப்பு வணிகத் துறையினருக்கான ஒரு தளமாகச் செயல்படுவதுடன், கல்வி மற்றும்சமூக நலனிலும் தனது பங்களிப்பைத் தொடர்ந்து வழங்கி வருவதாகக் குறிப்பிடப்பட்டது.

குறிப்பாக, வசதி குறைந்த குடும்பங்களைச் சேர்ந்த மாணவர்களுக்கு கல்விஉதவிப்பொருள்கள் வழங்குவது, சமூகத்தில் சிறப்பாகச் செயல்படுவோரைக் கௌரவிப்பதுமற்றும் பல்வேறு துறைகளில் சாதனை படைத்தவர்களுக்கு அங்கீகாரம் வழங்குவது போன்றநடவடிக்கைகள் மூலம் சமூக முன்னேற்றத்திற்குப் பங்களித்து வருகிறது.

24 ஆண்டுகாலப் பயணத்தைத் தொடர்ந்து வரும் BNP அமைப்பு, இந்தியச்சமூகத்தினரிடையே வணிக ஒற்றுமையை மேம்படுத்துவதோடு, கல்வி மற்றும் சமூக நலச்சேவைகளையும் முன்னெடுத்துச் செல்லும் நோக்கில் இத்தகைய நிகழ்ச்சிகளை நடத்திவருவது குறிப்பிடத்தக்கது.

மலேசியா

பிரிக்பீல்ட்ஸ் தீபாவளி சந்தை விவகாரம்: அனுபவம் உள்ளவர்களிடம் ஆலோசனை பெற்று முடிவெடுக்க வேண்டும்! – டத்தோஸ்ரீ எம். சரவணன்

கோலாலம்பூர்,அக்.24-

ராணி சில்க்ஸ் நிறுவனத்தின் உரிமையாளர் ஏற்பாட்டில், 1,000 ஆதரவற்ற இல்லக்குழந்தைகளுக்குத் தீபாவளி புத்தாடைகள் வழங்கும் நிகழ்ச்சி சிறப்பாக நடைபெற்றது. கடந்த12 ஆண்டுகளாகத் தொடர்ந்து மேற்கொள்ளப்பட்டு வரும் இந்த உன்னதமான சமூகப்பணியின் ஒரு பகுதியாக இந்நிகழ்ச்சி அமைந்தது.

இந்த நிகழ்ச்சியின் சிறப்பம்சமாக, ஆதரவற்ற இல்லக் குழந்தைகளை நேரடியாக அழைத்துவந்து, அவர்களுக்குப் பிடித்தமான ஆடைகளை அவர்களே தேர்வு செய்துவாங்கிக்கொள்ளும் வாய்ப்பு வழங்கப்பட்டது. குழந்தைகளின் விருப்பங்களுக்குமுக்கியத்துவம் அளித்து, அவர்களுக்கு மகிழ்ச்சியையும் தீபாவளிப் பண்டிகையின்உண்மையான உணர்வையும் ஏற்படுத்தும் வகையில் இந்த ஏற்பாடு அமைந்தது.

இந்த நிகழ்ச்சியில் கலந்து கொண்ட ம.இ.கா. தேசியத் துணைத் தலைவர் டத்தோஸ்ரீ எம். சரவணன், ராணி சில்க்ஸ் நிறுவனத்தின் சமூகப் பணியைப் பாராட்டினார். முன்னாள்காவல்துறை அதிகாரி டத்தோ சசிகலாவும் சிறப்பு வருகை தந்து நிகழ்ச்சியைச் சிறப்பித்தார்.

மேலும், ராணி சில்க்ஸ் நிறுவனத்தின் சாதனைகள் அங்கீகரிக்கப்பட்டு, ஆசியான் சாதனைப்புத்தகம் மற்றும் ஆசிய சாதனைப் புத்தகத்தில் இடம்பெற்றுள்ள நிலையில், இந்நிகழ்ச்சியின்போது விருதும் வழங்கப்பட்டது.

இதற்கிடையில், பிரிக்பீல்ட்ஸ் தீபாவளி சந்தை தொடர்பான சர்ச்சை குறித்து கருத்துரைத்தடத்தோஸ்ரீ எம். சரவணன், இத்தகைய முக்கியமான முடிவுகளை எடுப்பதற்கு முன்னதாக, அப்பகுதி மக்களுடனும் வியாபாரிகளுடனும் கலந்தாலோசிப்பது அவசியம் எனவலியுறுத்தினார்.

தாம் ஐந்து ஆண்டுகளும், டத்தோ லோகபாலா ஐந்து ஆண்டுகளும், டத்தோ எட்மண்ட்சந்தாரா இரண்டு ஆண்டுகளும் கூட்டரசுப் பிரதேச துணை அமைச்சர்களாக பொறுப்புகளைவகித்த காலகட்டங்களில், இத்தகைய பிரச்சினைகள் எழவில்லை என்பதை அவர்சுட்டிக்காட்டினார்.

“ஒரு திட்டத்திற்காக எவ்வளவு செலவு செய்யப்பட்டது என்பது மட்டுமே முக்கியமல்ல. அந்தச்செலவினால் மக்களுக்கும் வியாபாரிகளுக்கும் உண்மையில் பயன் கிடைத்துள்ளதாஎன்பதுதான் முக்கியம். எனவே, முடிவுகளை எடுப்பதற்கு முன்னதாக அப்பகுதி மக்களிடம்பேசி, அவர்களின் கருத்துகளைக் கேட்டறிய வேண்டும்,” என்றார்.

மேலும், இதுபோன்ற விவகாரங்களில் ஏற்கெனவே அனுபவம் பெற்றவர்களின்ஆலோசனைகளையும் பெறுவது அவசியம் என அவர் குறிப்பிட்டார்.

கூட்டரசுப் பிரதேச அமைச்சர் ஹனா யோவின் பணிகளைப் பொதுவாகப் பாராட்டியசரவணன், சில சிறிய விவகாரங்களில் உரிய கவனம் செலுத்தத் தவறுவதால் தேவையற்றபிரச்சினைகள் உருவாகின்றன என்றும் கருத்துரைத்தார்.

பிரிக்பீல்ட்ஸ் தீபாவளி சந்தை போன்ற மக்கள் மற்றும் சிறு வியாபாரிகளின்வாழ்வாதாரத்துடன் தொடர்புடைய விவகாரங்களில், சம்பந்தப்பட்ட தரப்பினரின்கருத்துகளைக் கேட்டறிந்து, அனைவருக்கும் பயனளிக்கும் வகையில் முடிவுகள் எடுக்கப்படவேண்டும் என்பதே அவரது கருத்தின் சாரமாக அமைந்தது.

மலேசியா

அமைச்சர் ஹனா யோ குழப்பங்களை ஏற்படுத்துகிறார்; வியாபாரிகளின் பிரச்சினைகளுக்குத் தீர்வு காண்பதே முக்கியம்! – டத்தோ ராஜா சைமன்

கோலாலம்பூர்,அக்.24-

பிரிக்பீல்ட்ஸ் தீபாவளி சந்தை தொடர்பான விவகாரத்தில் வியாபாரிகளின் நலனுக்கும் தமிழ்மொழிக்கும் உரிய முக்கியத்துவம் வழங்கப்பட வேண்டும் என்று சிலாங்கூர் மாநில மஇகாதலைவர் டத்தோ ராஜா சைமன் வலியுறுத்தியுள்ளார்.

பிரிக்பீல்ட்ஸ் தீபாவளி சந்தை தொடர்பாக எழுந்துள்ள விவாதங்கள் குறித்து கருத்துரைத்தஅவர், கூட்டரசுப் பிரதேச அமைச்சர் ஹனா யோ பத்திரிகையாளர் சந்திப்பின்போது, தீபாவளியைக் குறிக்கும் அதிகாரப்பூர்வ சொல்லாக 'தீபாவளி' பயன்படுத்தப்படுவதாகக்குறிப்பிட்டிருந்த நிலையில், இந்த விவகாரத்திற்கு முற்றுப்புள்ளி வைக்க வேண்டும் என்றுகூறுவது சரியான அணுகுமுறையா எனக் கேள்வி எழுப்பினார்.

இந்த விவகாரத்தில் சொல் பயன்பாடு குறித்த விவாதங்களைத் தாண்டி, அங்கு வியாபாரம்செய்து வரும் சிறு வியாபாரிகளின் வாழ்வாதாரப் பிரச்சினைகளுக்கும் கவனம் செலுத்தப்படவேண்டும் என்று அவர் சுட்டிக்காட்டினார்.

பிரிக்பீல்ட்ஸ் தீபாவளி சந்தையில் வியாபாரம் செய்யும் வியாபாரிகள் போதியவாடிக்கையாளர்கள் இல்லாததால் வருமானமின்றித் தவித்து வருவதாகக் குறிப்பிட்ட டத்தோராஜா சைமன், அவர்களின் வியாபாரத்தை ஊக்குவிக்க அரசாங்கம் ஏன் அரசு வானொலிமற்றும் தொலைக்காட்சி வாயிலாக விளம்பரங்களைச் செய்யவில்லை என்றும் கேள்விஎழுப்பினார்.

தீபாவளி சந்தை என்பது பண்டிகைக்கான பொருட்களை வாங்கும் இடமாக மட்டுமல்லாமல், சிறு வியாபாரிகளின் வருமானத்திற்கும் வாழ்வாதாரத்திற்கும் ஆதரவளிக்கும் முக்கியமானவாய்ப்பாகவும் இருப்பதாக அவர் தெரிவித்தார்.

எனவே, சந்தைக்கு வரும் மக்களின் எண்ணிக்கையை அதிகரிப்பதற்கும் வியாபாரிகளின்விற்பனையை மேம்படுத்துவதற்கும் அரசாங்கம் உரிய விளம்பர நடவடிக்கைகளைமேற்கொள்ள வேண்டும் என்று அவர் வலியுறுத்தினார்.

இதற்கிடையில், பிரிக்பீல்ட்ஸ் தீபாவளி சந்தையின் நுழைவாயிலில் அமைக்கப்பட்டுள்ளவிளம்பரப் பதாகையில் தமிழ் மொழி இடம்பெறாதது குறித்தும் டத்தோ ராஜா சைமன்கேள்வி எழுப்பினார்.

மலேசியத் தமிழர்கள் பெரும்பான்மையாகக் கொண்டாடும் முக்கியமான பண்டிகையானதீபாவளியை முன்னிட்டு நடத்தப்படும் சந்தையில், விளம்பரப் பதாகைகளில் தமிழ் மொழிக்குஏன் உரிய முக்கியத்துவம் வழங்கப்படவில்லை என்று அவர் வினவினார்.

தமிழ் மொழி என்பது மலேசிய இந்தியர்களின் அடையாளத்துடனும் பண்பாட்டுடனும்நெருங்கிய தொடர்புடையது என்பதால், தமிழர்களை இலக்காகக் கொண்ட பண்டிகைநிகழ்ச்சிகளிலும் சந்தைகளிலும் தமிழ் மொழிக்கு உரிய இடம் வழங்கப்பட வேண்டும் என்றும்அவர் வலியுறுத்தினார்.

மேலும், பிரிக்பீல்ட்ஸ் தீபாவளி சந்தை தொடர்பான இந்த விவகாரத்தில் கூட்டரசுப் பிரதேசஅமைச்சர் ஹனா யோ குழப்பங்களை ஏற்படுத்துகிறார் என்றும் டத்தோ ராஜா சைமன்குறிப்பிட்டார்.

இந்த விவகாரத்தைத் தொடர்ந்து சர்ச்சையாகக் கொண்டுசெல்லாமல், வியாபாரிகளின்பிரச்சினைகளுக்குத் தீர்வு காண்பது, சந்தைக்கு மக்களை ஈர்ப்பது, விளம்பரநடவடிக்கைகளை வலுப்படுத்துவது மற்றும் தமிழ் மொழிக்கு உரிய அங்கீகாரம் வழங்குவதுஆகியவற்றில் சம்பந்தப்பட்ட தரப்பினர் கவனம் செலுத்த வேண்டும் என்பதே முக்கியம்என்றும் அவர் வலியுறுத்தினார்.

மலேசியா

பி.கே.ஆர். கட்சியின் முன்னாள் மாநில மகளிர் உதவித் தலைவர் மகேஸ்வரி காலமானார்

பினாங்கு, அக். 23:

மறைந்த பி.கே.ஆர். கட்சித் தலைவர் அர்ஜூணனின் மனைவியும், தம்பூன் தொகுதி துணைத் தலைவர் கலைமுகிலனின் தாயாருமான மகேஸ்வரி, உடல்நலக் குறைவால் பினாங்கில் காலமானார்.

மறைந்த மகேஸ்வரி, 2003 முதல் 2009ஆம் ஆண்டு வரை பி.கே.ஆர். கட்சியின் மாநில மகளிர் உதவித் தலைவராகவும், தேசிய அளவில் மகளிர் உச்சமன்ற உறுப்பினராகவும் பணியாற்றி, கட்சியின் வளர்ச்சிக்காகத் தீவிரமாக உழைத்தவர் ஆவார்.

குறிப்பாக, 2004ஆம் ஆண்டு தனது தலைமையில் ஐந்து கட்சிக் கிளைகளை முழுமையாக மகளிரைக் கொண்ட கிளைகளாக உருவாக்கிய பெருமை அவரைச் சாரும். அப்போது கட்சியின் தலைவராக இருந்த டத்தின் ஸ்ரீ டாக்டர் வான் அசிசா வான் இஸ்மாயில், தாசேக் தாமான் ஏசானில் உள்ள அவரது இல்லத்திற்கு நேரில் சென்று, அந்தக் கிளைகளைத் திறந்து வைத்ததுடன், இல்ல விருந்திலும் கலந்து கொண்டார் என்பது குறிப்பிடத்தக்கது.

கட்சி அரசியலைத் தாண்டியும், பினாங்கு மாநிலத்தின் புக்கிட் மெர்த்தாஜாம் வட்டாரத்தில் பல்வேறு பொதுச் சேவைகளில் ஈடுபட்டு, தமது இறுதிக்காலம் வரை மக்களுக்காகப் பணியாற்றியவர் மகேஸ்வரி.

அவரது மறைவுக்குத் தங்களின் ஆழ்ந்த இரங்கலைத் தெரிவித்துள்ள அல்மா தாமான் பெர்மாத்தா அடுக்குமாடிக் குடியிருப்பு மக்கள் மற்றும் பி.கே.ஆர். கட்சியினர், அவரது ஆன்மா சாந்தியடைய இறைவனைப் பிரார்த்திப்பதாகக் கூறினர்.

மலேசியா

மலேசிய சாதனைப் புத்தகத்தில் இடம்பிடித்தது டும் டும் மேட்ரிமோனி! மலேசியாவின் மிகப்பெரிய இந்தியத் திருமணத் தளமாக அங்கீகாரம்

கோலாலம்பூர், அக். 22:

மலேசியாவில் வீட்டிலிருந்து சிறிய முயற்சியாகத் தொடங்கப்பட்ட டும் டும் மேட்ரிமோனி (Dum Dum Matrimony), இன்று மலேசியாவின் மிகப்பெரிய இந்தியத் திருமணத் தளமாக மலேசிய சாதனைப் புத்தகத்தில் (Malaysia Book of Records) அங்கீகரிக்கப்பட்டுள்ளது.

2020ஆம் ஆண்டு போஷினி தேவி என்பவரால் தொடங்கப்பட்ட இத்தளம், ஆறு ஆண்டுகளில் குறிப்பிடத்தக்க வளர்ச்சியைக் கண்டுள்ளது. தொடக்கத்தில் வாட்ஸ்அப் வழியாக நண்பர்கள் மற்றும் உறவினர்களுக்குப் பொருத்தமான வாழ்க்கைத் துணையை அறிமுகப்படுத்தும் சிறிய முயற்சியாகத் தொடங்கிய இச்சேவை, பின்னர் தொழில்நுட்பம் சார்ந்த திருமணத் தளமாக வளர்ச்சியடைந்தது.

தொடக்கத்தில் பதிவுகள் 1,000ஐக் கடந்தபோது, பயனர்களின் வயது, கல்வி, தொழில், இருப்பிடம் மற்றும் குடும்பப் பின்னணி உள்ளிட்ட விவரங்களை நிர்வகிப்பதில் சவால்கள் ஏற்பட்டன. இதையடுத்து, 2023ஆம் ஆண்டு இணையத் தளமாக விரிவுபடுத்தப்பட்ட டும் டும் மேட்ரிமோனி, 2025ஆம் ஆண்டு கைப்பேசிச் செயலியையும் அறிமுகப்படுத்தியது.

தற்போது இத்தளத்தில் 12,000க்கும் மேற்பட்டோர் பதிவு செய்துள்ளதுடன், இதன் மூலம் 1,000க்கும் மேற்பட்ட திருமணங்கள் நடைபெற்றுள்ளதாகத் தெரிவிக்கப்பட்டுள்ளது.

திருமணமாகாதவர்கள், விவாகரத்து பெற்றவர்கள், வாழ்க்கைத் துணையை இழந்தவர்கள் எனப் பல்வேறு தரப்பினருக்கும் இத்தளம் சேவையாற்றி வருகிறது. மலேசியா மற்றும் சிங்கப்பூரைச் சேர்ந்தவர்கள் இதில் இணைந்து பயன்பெறுகின்றனர். மேலும், பெற்றோர்களும் உடன்பிறப்புகளும் தங்களின் அன்புக்குரியவர்களுக்காகச் சுயவிவரங்களைப் பதிவு செய்து நிர்வகிப்பதும் இத்தளத்தின் சிறப்பம்சங்களில் ஒன்றாகும்.திருமணத்தை மட்டுமே முதன்மையாகக் கொண்ட சேவை பிற டேட்டிங் தளங்களிலிருந்து மாறுபட்டு, திருமணத்தை முதன்மை நோக்கமாகக் கொண்டு வாழ்க்கைத் துணையைத் தேடுபவர்களுக்காகவே டும் டும் மேட்ரிமோனி வடிவமைக்கப்பட்டுள்ளது. பயனர்களின் தனியுரிமை மற்றும் தகவல் பாதுகாப்புக்கும் இத்தளம் முக்கியத்துவம் அளிக்கிறது.

சுயபடம், அடையாளம், தொலைபேசி எண் மற்றும் மின்னஞ்சல் முகவரி ஆகியவற்றைச் சரிபார்க்கும் நடைமுறைகளுடன், சுயவிவரங்களை யார் அணுகலாம் என்பதைக் கட்டுப்படுத்தும் வசதிகளும் வழங்கப்படுகின்றன. பயனர்களின் தனிப்பட்ட தகவல்கள் விற்பனை செய்யப்படுவதோ, வெளிப்புறத் தனிநபர்கள் அல்லது நிறுவனங்களுடன் பகிரப்படுவதோ இல்லை என நிறுவனம் தெரிவித்துள்ளது.

உயிரித்தொழில்நுட்பத் துறையில் பட்டம் பெற்ற போஷினி தேவி, சமூகத்தின் தேவையை அடிப்படையாகக் கொண்டு இந்த முயற்சியைத் தொடங்கினார். நிறுவனத்தின் வளர்ச்சியில் அவருக்குத் துணையாக இருந்த அவரது கணவர் தி. சத்தியவர்மன், தற்போது அதன் நிர்வாக இயக்குநராகப் பணியாற்றி வருகிறார். இருவரும் இணைந்து இம்முயற்சியை முறையான வணிகக் கட்டமைப்புடன் கூடிய தொழில்நுட்ப நிறுவனமாக வளர்த்துள்ளனர்.

பிரிக்ஃபீல்ட்ஸில் அலுவலகம்; வெளிநாடுகளுக்கு விரிவாக்கத் திட்டம் வீட்டிலிருந்து தொடங்கப்பட்ட இந்நிறுவனம், தற்போது கோலாலம்பூர் பிரிக்ஃபீல்ட்ஸில் உள்ள அலுவலகத்திலிருந்து 10க்கும் மேற்பட்ட முக்கியப் பணியாளர்களின் ஆதரவுடன் இயங்கி வருகிறது. மலேசிய அரசாங்க நிறுவனங்கள், அரசு சாரா அமைப்புகள், சமூக அமைப்புகள் மற்றும் உத்திசார் பங்காளிகளின் ஆதரவும் நிறுவனத்தின் வளர்ச்சிக்குப் பங்களித்துள்ளதாகத் தெரிவிக்கப்பட்டுள்ளது.

மலேசியாவில் தனது சேவையை நிலைநிறுத்தியுள்ள டும் டும் மேட்ரிமோனி, சிங்கப்பூருக்கும் விரிவுபடுத்தப்பட்டுள்ளது. இதற்கிடையில், ஆஸ்திரேலியா, கனடா, இலங்கை மற்றும் இந்தியா ஆகிய நாடுகளில் வாழும் இந்தியச் சமூகத்தினரிடமிருந்தும் விசாரணைகள் வந்துள்ளதாக நிறுவனம் கூறியுள்ளது. எதிர்காலத்தில் இந்நாடுகளிலும் தனது சேவையை விரிவுபடுத்துவதற்கான வாய்ப்புகளை ஆராயத் திட்டமிட்டுள்ளது.

மலேசிய சாதனைப் புத்தகத்தின் அங்கீகாரம், நிறுவனத்தின் வளர்ச்சியில் முக்கிய மைல்கல்லாக அமைந்துள்ளது. சமூகத்தின் தேவையிலிருந்து உருவான ஒரு சிறிய முயற்சி, ஆயிரக்கணக்கான பயனர்களைக் கொண்ட தொழில்நுட்ப வணிகமாக வளர்ந்துள்ளதுடன், பல குடும்பங்கள் தங்களுக்குப் பொருத்தமான வாழ்க்கைத் துணையைக் கண்டறியவும் உதவியுள்ளது.

டும் டும் மேட்ரிமோனி குறித்த தகவல்களுக்கு: இந்நிறுவனம் வழங்கும் இணையத் தளம் மற்றும் கைப்பேசிச் செயலி வாயிலாக அதன் சேவைகளைப் பெற்றுக்கொள்ளலாம்.

மலேசியா

சிரம்பானில் 120 சிறு வியாபாரிகளுடன் தீபாவளி சந்தை! அக்டோபர் 29 முதல் நவம்பர் 7 வரை நடைபெறும்; இரு சந்தைகளுக்கும் மக்கள் ஆதரவளிக்க வேண்டும்! -முகுந்தன்

சிரம்பான், அக். 21 –

சிரம்பானில் சிறு வியாபாரிகளின் நலனைக் கருத்தில் கொண்டு, இவ்வாண்டு ஏ.எஸ்.டி. பகுதியில் தீபாவளி சந்தை நடத்துவதற்கு ஏற்பாடுகள் செய்யப்பட்டுள்ளன. இச்சந்தையில்சுமார் 120 சிறு வியாபாரிகள் தங்களது பொருள்களை விற்பனை செய்வதற்கான வசதிகள்ஏற்படுத்தப்பட்டுள்ளன.

கடந்த ஆறு ஆண்டுகளாக இரண்டு இடங்களில் தீபாவளி சந்தையை நடத்தி வந்தநிலையில், இவ்வாண்டு ஆட்சி மாற்றத்தைக் கருத்தில் கொண்டு தாங்கள் தீபாவளிசந்தையை நடத்துவதில்லை என முடிவு செய்திருந்ததாக சிரம்பான் ஜெயா சட்டமன்றஉறுப்பினர் முகுந்தன் தெரிவித்தார்.

இருப்பினும், சிறு வியாபாரிகள் தங்களை அணுகி தீபாவளி சந்தையை நடத்துமாறுகேட்டுக்கொண்டதன் அடிப்படையில், மாநகர் மன்றத்திடம் விண்ணப்பம் சமர்ப்பிக்கப்பட்டது. இதையடுத்து, ஏ.எஸ்.டி. பகுதியில் தீபாவளி சந்தையை நடத்துவதற்கு அனுமதிகிடைத்துள்ளதாகத் தெரிவித்தார்.இந்தத் தீபாவளி சந்தை இம்மாதம் 29ஆம் தேதி தொடங்கி, அடுத்த மாதம் 7ஆம் தேதி வரைநடைபெறவுள்ளது.

சிறு வியாபாரிகளின் வாழ்வாதாரத்தையும் அவர்களுக்குக் கிடைக்க வேண்டிய வியாபாரவாய்ப்புகளையும் கருத்தில் கொண்டே இந்த முடிவு எடுக்கப்பட்டதாக அவர் சொன்னார்.

இதற்கிடையில், மாநில அரசாங்கத்தின் ஏற்பாட்டிலும் மற்றொரு தீபாவளி சந்தைநடத்தப்படவுள்ளது. எனவே, பொதுமக்கள் இரண்டு இடங்களிலும் நடைபெறும் தீபாவளிசந்தைகளுக்கும் ஆதரவு வழங்க வேண்டும் என்றும் அவர் கேட்டுக் கொண்டார்.

இந்தத் தீபாவளி சந்தையில் பொருள்கள் விற்பனை மட்டுமின்றி, பொதுமக்களைக் கவரும்வகையில் பல்வேறு கலை நிகழ்ச்சிகளுக்கும் ஏற்பாடு செய்யப்பட்டுள்ளது. உள்ளூர்கலைஞர்கள் தங்களது கலைப் படைப்புகளை நிகழ்ச்சிகளின் வாயிலாகப் படைக்கவுள்ளனர்.

மேலும், சந்தைக்கு வருகை தரும் பொதுமக்களின் வசதிக்காக வாகன நிறுத்துமிடவசதிகளும் ஏற்பாடு செய்யப்பட்டுள்ளன. தீபாவளி பண்டிகையை முன்னிட்டு பொருள்கள் வாங்குவதற்கும், சிறு வியாபாரிகளுக்குஆதரவு வழங்குவதற்கும் பொதுமக்கள் இந்தச் சந்தையைப் பயன்படுத்திக்கொள்ளலாம் எனஅவர் சொன்னார்.

மலேசியா

வழிபாட்டுத் தலங்களைச் சேதப்படுத்துவோருக்கு அபராதம் வேண்டாம்; நேரடியாகச் சிறைத்தண்டனை விதிக்க வேண்டும்! சட்டத் திருத்தம் செய்ய அரசாங்கத்திடம் பிரகாரன் வலியுறுத்தல்!

கோலாலம்பூர், அக்.21—

நாட்டில் மத நல்லிணக்கத்தையும் சமூக ஒற்றுமையையும் பாதுகாக்கும் வகையில், வழிபாட்டுத் தலங்கள் மற்றும் புனிதப் பொருட்களைச் சேதப்படுத்துவோருக்கு அபராதம்விதிப்பதற்குப் பதிலாக, நேரடியாகச் சிறைத்தண்டனை விதிக்கும் வகையில் சட்டத்தில்திருத்தம் செய்ய வேண்டும் என்று பத்து நாடாளுமன்ற உறுப்பினர் பி. பிரபாகரன்வலியுறுத்தியுள்ளார்.

நாடாளுமன்றத்தில் 2027ஆம் ஆண்டுக்கான வரவு செலவுத் திட்ட விவாதத்தில் பங்கேற்றஅவர், குற்றவியல் சட்டத்தின் 295ஆவது பிரிவில் உள்ள அபராதம் விதிக்கும் தண்டனைமுறையை நீக்க வேண்டும் என்று முன்மொழிந்தார்.

தற்போது, இச்சட்டப் பிரிவின்கீழ் குற்றவாளியாகத் தீர்ப்பளிக்கப்படுபவருக்கு அதிகபட்சமாகஇரண்டு ஆண்டுகள் சிறைத்தண்டனை அல்லது அபராதம் அல்லது இரண்டும் சேர்த்துவிதிக்கப்படலாம்.

இந்நிலையில், வழிபாட்டுத் தலங்களை அவமதிப்பது மற்றும் அங்குள்ள புனிதப்பொருட்களைச் சேதப்படுத்துவது போன்ற செயல்களில் ஈடுபடுவோருக்கு அபராதம்விதிப்பதற்குப் பதிலாக, சிறைத்தண்டனையை மட்டுமே தண்டனையாக வழங்க வேண்டும்என்று பிரபாகரன் தெரிவித்துள்ளார்.

கோலாலம்பூர், நியூ பந்தாய் விரைவுச்சாலைக்கு (NPE) அருகிலுள்ள ஆலயத்தில்அண்மையில் நடைபெற்றதாகக் கூறப்படும் அத்துமீறல் சம்பவத்தையும் அவர்நாடாளுமன்றத்தில் சுட்டிக்காட்டினார்.

ஒரே நபருடன் தொடர்புடையதாகக் கூறப்படும் இதுபோன்ற சம்பவங்கள் லங்காவி, ராவாங்மற்றும் கோலாலம்பூர் என மூன்று இடங்களில் நிகழ்ந்துள்ளதாக அவர் குறிப்பிட்டார்.

குறிப்பாக, கோலாலம்பூர் ஜாலான் கிள்ளான் லாமாவில் உள்ள ஓர் ஆலயத்திற்குள் அத்துமீறிநுழைந்து, இந்து சமயத்தினர் வழிபடும் சிலைகளைச் சேதப்படுத்தியதாகக் கூறப்படும்சம்பவம் குறித்து அவர் கவலை தெரிவித்தார்.

இத்தகைய செயல்கள் மதங்களுக்கு இடையிலான பதற்றத்தை ஏற்படுத்தி, நாட்டின்அமைதிக்கும் சமூக நல்லிணக்கத்திற்கும் பாதிப்பை உருவாக்கக்கூடும் என்பதால், அரசாங்கம் கடுமையான நடவடிக்கை எடுக்க வேண்டும் என்றும் அவர் கேட்டுக்கொண்டார்.

“சமூகத்தின் அமைதியைக் குலைக்கும் வகையில் செயல்படுவோருக்கு அபராதம் விதிக்கவேண்டிய அவசியமில்லை. அவர்களை நேரடியாகச் சிறையில் அடைக்க வேண்டும். இதுமதம் தொடர்பான வழக்குகளுக்கு மட்டுமே பொருந்தும் என நான் வலியுறுத்துகிறேன்” என்று பிரபாகரன் தெரிவித்தார்.

மேலும், குற்றச்சாட்டுக்கு உள்ளானவர்களுக்கு பிணை வழங்குவது உள்ளிட்ட நடவடிக்கைகள்விவகாரத்தை மேலும் சிக்கலாக்கக்கூடும் என்றும் அவர் கருத்து தெரிவித்தார்.

இதற்கிடையில், அனுமதியின்றிக் கட்டப்பட்டுள்ள ஆலயங்கள் தொடர்பானபிரச்சினைகளைச் சட்டப்படி அதிகாரிகள் கையாள வேண்டும் என்றும், பொதுமக்கள்தாங்களாகவே சட்டத்தைக் கையில் எடுத்துக்கொள்ளக் கூடாது என்றும் பிரபாகரன்வலியுறுத்தினார்.

லங்காவியில் உள்ள பழைய ஆலயத் தளத்தில் இந்து சமயத்தினரின் புனிதப் பொருளானசூலத்தை அவமதித்ததாகக் கூறப்படும் குற்றச்சாட்டில், தமிம் தஹ்ரி அப்துல் ரசாக் என்பவர்மீது ஏற்கெனவே வழக்குத் தொடரப்பட்டுள்ளது.

கடந்த ஜூலை 21ஆம் தேதி லங்காவி மஜிஸ்திரேட் நீதிமன்றத்தில் அவர் மீதான குற்றச்சாட்டுவாசிக்கப்பட்டபோது, அவர் குற்றத்தை ஒப்புக்கொள்ளவில்லை. பின்னர், அவருக்கு இரண்டுஉத்தரவாததாரர்களுடன் 10,000 ரிங்கிட் பிணை வழங்கப்பட்டது. கடவுச்சீட்டைநீதிமன்றத்தில் ஒப்படைக்கவும், இரண்டு வாரங்களுக்கு ஒருமுறை அருகிலுள்ள காவல்நிலையத்தில் ஆஜராகவும் நிபந்தனைகள் விதிக்கப்பட்டன.

இதற்கிடையில், கடந்த அக்டோபர் 6ஆம் தேதி ஜாலான் கிள்ளான் லாமா ஆலயத்தில் நான்குசிலைகள் சேதப்படுத்தப்பட்ட சம்பவம் தொடர்பான விசாரணைக்கு உதவுவதற்காக, தமிம்தஹ்ரி உள்ளிட்ட மூவர் கைது செய்யப்பட்டதாகவும், பின்னர் அவர்கள் காவல் பிணையில்விடுவிக்கப்பட்டதாகவும் மலேசியாKini செய்தி வெளியிட்டுள்ளது.

நாட்டில் அனைத்து மதங்களின் வழிபாட்டுத் தலங்களும் பாதுகாக்கப்பட வேண்டும்என்பதுடன், மத உணர்வுகளைப் புண்படுத்தும் செயல்களில் ஈடுபடுவோர் மீது சட்டப்படிஉறுதியான நடவடிக்கை எடுக்கப்பட வேண்டும் என்பதே பிரபாகரனின் கோரிக்கையாகும்.

மலேசியா

ஒன்பது ஆண்டுகளாகியும் தீர்வு காணப்படாத மெங்கிபோல் தோட்டத் தமிழ்ப்பள்ளி நில விவகாரம்! 14 நாட்களுக்குள் அதிகாரப்பூர்வ விளக்கம் அளிக்க ஜோகூர் மாநில அரசுக்கு சிவமலர் கணபதி கோரிக்கை

குளுவாங், அக்.20-

ஜோகூர் மாநிலம், குளுவாங் பகுதியில் அமைந்துள்ள மெங்கிபோல் தோட்டத்தமிழ்ப்பள்ளியின் புதிய வளாகத்திற்கான நில விவகாரம், 2017ஆம் ஆண்டு நிலம்கையகப்படுத்துவதற்கான அறிவிப்பு அரசிதழில் வெளியிடப்பட்டும், இதுவரை தீர்வுகாணப்படாமல் இருப்பது ஏன் என ஜோகூர் மாநில அரசுக்கு கேள்வி எழுப்பப்பட்டுள்ளது.

ஒன்பது ஆண்டுகளாகியும் நில உரிமை தொடர்பான நடைமுறைகள் நிறைவடையாததுமிகுந்த கவலையளிப்பதாகக் குறிப்பிட்டுள்ள மக்கள் நீதிக் கட்சியின் (KEADILAN) மத்தியதலைமை மன்ற உறுப்பினரும், அகிலப் பொதுச் செயலாளர் துணைச் செயலாளருமானசிவமலர் கணபதி, இவ்விவகாரத்தில் மாநில அரசு பொறுப்பேற்று உரிய விளக்கமளிக்கவேண்டும் என வலியுறுத்தியுள்ளார்.

2017ஆம் ஆண்டு மே 11ஆம் தேதி வெளியிடப்பட்ட ஜோகூர் மாநில அரசிதழில், நிலம்கையகப்படுத்துதல் சட்டம் 1960இன் பிரிவு 8இன் கீழ், அறிவிப்பு எண் 2652 மூலம்இப்பள்ளியின் புதிய வளாகத்திற்காக 1.210 ஹெக்டர் நிலத்தைக் கையகப்படுத்துவதுகுறிப்பிடப்பட்டுள்ளதாக அவர் சுட்டிக்காட்டினார்.

குளுவாங் வட்டாரத்தில் அமைந்துள்ள அந்த நிலம், மலேசியக் கல்வி அமைச்சின்பயன்பாட்டிற்காக ஒதுக்கப்படுவதாக அரசிதழில் தெளிவாகக் குறிப்பிடப்பட்டுள்ள நிலையில், ஒன்பது ஆண்டுகளாகியும் நில உரிமை தொடர்பான நடைமுறைகள் ஏன்முடிவடையவில்லை என அவர் கேள்வி எழுப்பினார்.

மேலும், நிலத்திற்கான இழப்பீட்டுத் தொகையை மலேசியக் கல்வி அமைச்சு ஏற்கெனவேசெலுத்திவிட்டதாகக் கிடைத்துள்ள தகவலின் அடிப்படையில், நில உரிமையைஇறுதிப்படுத்துவதற்கான அடுத்தகட்ட நடவடிக்கைகளை மாநில அதிகாரிகள் மேற்கொள்ளவேண்டியுள்ளதாகவும் அவர் தெரிவித்தார்.

எனவே, நில விண்ணப்பத்தின் தற்போதைய நிலை என்ன, நில அலுவலகம் இதுவரைமேற்கொண்ட நடவடிக்கைகள் என்ன, நடைமுறைகளை நிறைவு செய்வதில் உள்ள தடைகள்யாவை என்பன குறித்து பள்ளி நிர்வாகம், பெற்றோர் மற்றும் மாணவர்களுக்கு தெளிவானவிளக்கம் அளிக்கப்பட வேண்டும் என அவர் கேட்டுக்கொண்டார்.

இந்த விவகாரம் இன்று மக்களவையிலும் குளுவாங் நாடாளுமன்ற உறுப்பினரால்எழுப்பப்பட்டுள்ளதாகக் குறிப்பிட்ட சிவமலர் கணபதி, ஒரு பள்ளியின் நிலப் பிரச்சினைக்குத்தீர்வு காண நாடாளுமன்றத்தில் மீண்டும் மீண்டும் அழுத்தம் கொடுக்க வேண்டிய நிலைஏற்படுவது வருத்தமளிப்பதாகத் தெரிவித்தார்.

ஜோகூர் மந்திரி பெசார் இவ்விவகாரத்தில் நேரடியாகத் தலையிட்டு, குளுவாங் நிலஅலுவலகம் தற்போதைய நிலவரம் குறித்த அறிக்கையைச் சமர்ப்பிக்கவும், தீர்வுக்கான காலஅட்டவணையை வகுக்கவும் உத்தரவிட வேண்டும் என அவர் வலியுறுத்தினார்.

14 நாட்களுக்குள் அதிகாரப்பூர்வ விளக்கம்!

நில விவகாரம் தொடர்பாக ஜோகூர் மாநில அரசு அடுத்த 14 நாட்களுக்குள் அதிகாரப்பூர்வவிளக்கத்தை வெளியிட வேண்டும் எனக் கோரிக்கை விடுத்துள்ள சிவமலர் கணபதி, இப்பணிகளை ஒருங்கிணைக்கப் பொறுப்பான அதிகாரி ஒருவரை நியமிப்பதுடன், நிலஉரிமை நடைமுறைகளை நிறைவு செய்வதற்கான இலக்குத் தேதியையும் அறிவிக்கவேண்டும் என வலியுறுத்தினார்.

மேலும், இந்நடவடிக்கைகளில் ஏதேனும் தடைகள் இருந்தால், அவற்றைக் களைவதற்கானகுறிப்பிட்ட திருத்த நடவடிக்கைகளையும் அரசு அறிவிக்க வேண்டும் என்றார்.

புதிய பள்ளி வளாகத் திட்டத்தைத் தொடர்ந்து முன்னெடுத்துச் செல்லும் வகையில், மாநிலநிர்வாகம் தனது செயல்திறனை நடைமுறையில் நிரூபிக்க வேண்டும் என்றும், நீண்டகாலத்தாமதத்தால் மாணவர்களும் பெற்றோர்களும் தொடர்ந்து பாதிக்கப்படக் கூடாது என்றும்அவர் கேட்டுக்கொண்டார்.

மலேசியா

‘தீவாளி’ அல்ல, ‘தீபாவளி’ என்ற சொல்லாடலையே நிலைநிறுத்த வேண்டும்! இது ஒரு சொல்லைப் பற்றிய சர்ச்சையல்ல; நம் மொழியின் எதிர்காலம் பற்றிய சிந்தனை! -எஸ்.எஸ். பாண்டியன்

மலேசியத் தமிழ்ச் சூழலில் ‘Deepavali’ அல்லது ‘தீபாவளி’ என்ற சொல்லைப் பயன்படுத்துவதன் முக்கியத்துவத்தை வலியுறுத்தியுள்ள மலேசியத் தமிழ் அமைப்புகளின் பேரவைத் தலைவர் எஸ்.எஸ். பாண்டியன், தமிழ்மொழியின் சொல்வளம், பண்பாடு மற்றும் மரபைப் பாதுகாப்பதில் அனைவரும் அக்கறை காட்ட வேண்டும் எனக் கேட்டுக்கொண்டுள்ளார்.

‘தீபாவளி’ என்பதற்குப் பதிலாக ‘தீவாளி’ என்ற சொல்லைப் பயன்படுத்துவது தொடர்பாக எழுந்துள்ள விவாதம் வெறும் சொல்லாடல் சார்ந்த பிரச்சினை மட்டுமல்ல; அது தமிழ்மொழியின் எதிர்காலம் குறித்த சிந்தனையையும் எழுப்புகிறது என அவர் தெரிவித்துள்ளார்.

ஒரு மொழியின் சொற்கள் வெறும் ஒலிகளின் தொகுப்பல்ல. அவை அந்த மொழியின் வரலாறு, பண்பாடு, இலக்கியம் மற்றும் மக்களின் வாழ்வியல் மரபுகளைத் தாங்கி நிற்கின்றன. எனவே, ஒரு சொல்லைப் பயன்படுத்துவதற்கு முன்பு அதன் பொருளையும் பின்னணியையும் புரிந்துகொள்வது அவசியம் என அவர் சுட்டிக்காட்டியுள்ளார்.

மலேசியக் கல்வி அமைச்சின் 2025/2026 கல்வியாண்டுக்கான சுற்றறிக்கையிலும், உயர்கல்வி அமைச்சின் 2025ஆம் ஆண்டு ஊடக அறிக்கையிலும் ‘Deepavali’ என்ற பெயர் பயன்படுத்தப்பட்டுள்ளதை அவர் குறிப்பிட்டுள்ளார். மலேசிய அரசாங்கத்தின் அதிகாரபூர்வப் பயன்பாட்டிலும் தமிழ்மொழிக் கல்வி ஆவணங்களிலும் இடம்பெறும் சொற்களை ஆராய்ந்து பயன்படுத்துவது முக்கியம் என்றும் அவர் வலியுறுத்தியுள்ளார்.

‘தீபாவளி’ என்ற சொல்லின் பயன்பாட்டைப் பாதுகாப்பது, தமிழ்மொழியின் தனித்துவத்தைப் பாதுகாப்பதற்கான ஒரு முயற்சியாகும். அதேவேளையில், பிற மொழிகளை மதிப்பதற்கும் அவற்றின் பயன்பாட்டைப் புரிந்துகொள்வதற்கும் இடமளிக்க வேண்டும். ஆனால், பிற மொழிகளில் பயன்படுத்தப்படும் சொற்களை அப்படியே ஏற்றுக்கொள்வதற்காகத் தமிழில் நிலைபெற்றுள்ள சொற்களைப் புறக்கணிக்க வேண்டிய அவசியமில்லை என அவர் கருத்துரைத்துள்ளார்.

தமிழ்ப்பள்ளிகள் மொழியைக் கற்பிக்கும் இடங்களாக மட்டுமல்லாமல், தமிழின் சொல்வளம், இலக்கியம், பண்பாடு, வரலாறு ஆகியவற்றை அடுத்த தலைமுறைக்குக் கொண்டு செல்லும் பொறுப்பையும் கொண்டுள்ளன. எனவே, மாணவர்களிடையே தமிழ்மொழியின் மீதான பற்றையும் சரியான சொல் பயன்பாடு குறித்த விழிப்புணர்வையும் வளர்க்க வேண்டும் என அவர் வலியுறுத்தியுள்ளார்.

ஒரு மொழியின் சொற்கள் புறக்கணிக்கப்படும்போது, அதன் இலக்கியமும் மரபும் அடுத்த தலைமுறைக்குக் கடத்தப்படாமல் போகும் அபாயம் உள்ளது. இதனால், மொழியின் தனித்துவத்தைப் பாதுகாப்பதில் குடும்பங்கள், கல்வி நிறுவனங்கள், ஊடகங்கள் மற்றும் சமூக அமைப்புகள் இணைந்து செயல்பட வேண்டியது அவசியமாகிறது.

“தமிழைக் காப்போம்! தமிழ்ச் சொற்களைப் பேணுவோம்! தலைமுறைகள் தோறும் தமிழ்மொழி வாழ வைப்போம்!” என மலேசியத் தமிழ் அமைப்புகளின் பேரவைத் தலைவர் எஸ்.எஸ். பாண்டியன் வலியுறுத்தியுள்ளார்.

மலேசியா

கோலா காரிங் தேவி ஸ்ரீ கருமாரியம்மன் ஆலயத்தின் கட்டுமானச் சிறப்புக்கு மலேசிய சாதனையாளர் புத்தகத்தில் அங்கீகாரம்!

கோலா காரிங்,அக்.19-

மலேசியாவின் ஆன்மிகம், கலை மற்றும் கலாச்சாரப் பாரம்பரியத்தைப் பறைசாற்றும்வகையில் அமைந்துள்ள கோலா காரிங் தேவி ஸ்ரீ கருமாரியம்மன் ஆலயத்தின் கட்டுமானச்சிறப்புக்காக, தவத்திரு சிவநெறிச் செல்வர் சிவஸ்ரீ கே.கே.எம். கிருஷ்ணமூர்த்தி குருக்கள்மலேசிய சாதனையாளர் புத்தகத்தில் அங்கீகாரம் பெற்றுள்ளார்.

இந்த ஆலயத்தின் தனித்துவமான கட்டுமான அமைப்பு, தூண்களில் இடம்பெற்றுள்ளநுணுக்கமான சிற்பங்கள் மற்றும் மனித வாழ்க்கையின் பல்வேறு நிலைகளை விளக்கும்கலைப்படைப்புகள் ஆகியவை இந்த அங்கீகாரத்திற்கான முக்கியச் சிறப்புகளாகஅமைந்துள்ளன.

கோலா காரிங் தேவி ஸ்ரீ கருமாரியம்மன் ஆலயத்தில் கடந்த 28 ஆண்டுகளாகப் பணியாற்றிவரும் தவத்திரு சிவநெறிச் செல்வர் சிவஸ்ரீ கே.கே.எம். கிருஷ்ணமூர்த்தி குருக்கள், ஆலயத்தின் ஆன்மிக வளர்ச்சியிலும் அதன் தனித்துவமான கட்டுமானச் சிறப்பைப் பேணிப்பாதுகாப்பதிலும் தொடர்ந்து பங்காற்றி வருகிறார்.

இந்த ஆலயம் வழிபாட்டுத் தலமாக மட்டுமின்றி, இந்து சமயத்தின் தத்துவங்கள், தமிழர்கலை மற்றும் கலாச்சாரம், சிற்பக்கலை ஆகியவற்றை ஒருங்கிணைத்துக் காட்சிப்படுத்தும்ஓர் ஆன்மிகக் கலைக்கூடமாகவும் திகழ்கிறது.

இந்த ஆலயத்தின் கட்டுமானத்தில் இடம்பெற்றுள்ள சிற்பங்களும் கலைப்படைப்புகளும்அதன் தனித்துவத்தை வெளிப்படுத்துகின்றன. குறிப்பாக, ஆலயத் தூண்களில்வடிவமைக்கப்பட்டுள்ள சிற்பங்கள் மனித வாழ்க்கையின் பல்வேறு பரிமாணங்களைஎடுத்துரைக்கும் வகையில் அமைந்துள்ளன.

மனிதன் பிறப்பது முதல் இறப்பது வரையிலான வாழ்க்கைப் பயணத்தின் பல்வேறுஅம்சங்கள் இந்தச் சிற்பங்களில் நுணுக்கமாகப் பதிவு செய்யப்பட்டுள்ளன. மனிதவாழ்க்கையின் அனுபவங்கள், சமய நம்பிக்கைகள், பண்பாட்டுக் கூறுகள் மற்றும் வாழ்க்கைதொடர்பான சிந்தனைகள் ஆகியவற்றை விளக்கும் வகையில் இக்கலைப்படைப்புகள்அமைந்துள்ளன.

மேலும், நிகழ்கால வாழ்க்கையுடன் தொடர்புடைய அம்சங்கள் மட்டுமின்றி, எதிர்காலம்குறித்த விளக்கங்களும் இங்கு சிற்பங்களாகவும் கலை வடிவங்களாகவும்இடம்பெற்றுள்ளதாகக் கூறப்படுகிறது.

இத்தகைய தனித்துவமான கலைப்படைப்புகளையும் சிற்பங்களையும் உள்ளடக்கிய ஆலயக்கட்டுமானத்தை உருவாக்குவதற்கு சுமார் 20 ஆண்டுகள் தேவைப்பட்டதாக சிவஸ்ரீகே.கே.எம். கிருஷ்ணமூர்த்தி குருக்கள் தெரிவித்துள்ளார்.

இவ்வளவு நீண்ட கால உழைப்பில் உருவாக்கப்பட்டுள்ள இந்த ஆலயம், சிற்பக்கலை மற்றும்ஆன்மிகப் பாரம்பரியத்தின் மீது கொண்டுள்ள அர்ப்பணிப்பைப் பறைசாற்றுகிறது.

பொதுவாக ஆலயங்கள் இறைவழிபாட்டிற்கான இடங்களாகக் கருதப்பட்டாலும், கோலாகாரிங் தேவி ஸ்ரீ கருமாரியம்மன் ஆலயம் அதற்கும் அப்பாற்பட்ட தனித்துவத்தைக்கொண்டுள்ளது.

ஆலயத்தின் தூண்களில் இடம்பெற்றுள்ள சிற்பங்கள், இந்து சமயக் கருத்துகள், தமிழர்கலை மரபுகள் மற்றும் கலாச்சார அடையாளங்களை ஒருங்கிணைத்துவெளிப்படுத்துகின்றன.

ஒவ்வொரு சிற்பமும் தனித்துவமான கருத்தையும் விளக்கத்தையும் கொண்டிருப்பதால், இந்த ஆலயத்தைப் பார்வையிடுவோர் அதன் கலை நுணுக்கங்களையும் அவற்றின்பின்னணியில் உள்ள கருத்துகளையும் அறிந்துகொள்ளும் வாய்ப்பைப் பெறுகின்றனர்.

குறிப்பாக, மனித வாழ்க்கையின் பல்வேறு நிலைகளைச் சிற்பங்கள் மூலம் எடுத்துரைக்கும்இந்தக் கட்டுமான அமைப்பு, பாரம்பரியக் கலைகளை அடுத்த தலைமுறையினருக்கு எடுத்துச்செல்லும் முயற்சியாகவும் விளங்குகிறது.

ஆலயத்தின் கட்டுமானத்தில் இடம்பெற்றுள்ள தனித்துவமான சிற்பங்கள், கலைநுணுக்கங்கள் மற்றும் மனித வாழ்க்கையின் பல்வேறு அம்சங்களை உள்ளடக்கியவடிவமைப்பு ஆகியவற்றின் சிறப்புக்காகத் தமக்கு மலேசிய சாதனையாளர் புத்தகத்தில்அங்கீகாரம் கிடைத்துள்ளதாக சிவஸ்ரீ கே.கே.எம். கிருஷ்ணமூர்த்தி குருக்கள்குறிப்பிட்டுள்ளார்.

இந்த அங்கீகாரம் தமக்குக் கிடைத்த தனிப்பட்ட பெருமையாக மட்டுமின்றி, ஆலயத்தின்சிறப்பையும் அதன் பின்னணியில் உள்ள நீண்டகால உழைப்பையும் வெளிப்படுத்தும்ஒன்றாக அமைந்துள்ளதாகக் கருதப்படுகிறது.

20 ஆண்டுகாலக் கட்டுமானப் பணியின் மூலம் உருவான கலைப்படைப்புகளும், 28 ஆண்டுகால ஆலயத் தொண்டின் அனுபவமும் இந்தச் சாதனையின் பின்னணியில் முக்கியஇடம் பெறுகின்றன.

சமயத்தையும் கலாச்சாரத்தையும் கலை வடிவில் பாதுகாத்து, மனித வாழ்க்கையின்பல்வேறு அம்சங்களைச் சிற்பங்களின் வழியாக எடுத்துரைக்கும் கோலா காரிங் தேவி ஸ்ரீகருமாரியம்மன் ஆலயம், மலேசிய இந்தியச் சமூகத்தின் ஆன்மிக மற்றும் கலைப்பாரம்பரியத்தை வெளிப்படுத்தும் தனித்துவமான அடையாளமாகத் திகழ்கிறது.

மலேசியா

“என் குரலில் பாடும் வளம் கவிமாறனுக்கு உண்டு” – மறைந்த இசையமைப்பாளர் தேவாவை நினைவுகூரும் பாடகர் கவிமாறன்

கோலாலம்பூர்:

மறைந்த இசையமைப்பாளர் தேவா, தனது குரலில் பாடும் திறமை கவிமாறனுக்கு இருப்பதாகப் பாராட்டியதுடன், சென்னைக்கு வந்தால் திரைப்படத்தில் பாடுவதற்கான வாய்ப்பை ஏற்படுத்தித் தருவதாகவும் கூறியிருந்தார் எனப் பாடகர் கவிமாறன் தெரிவித்துள்ளார்.

தேவாவின் மறைவு குறித்து தனது நினைவுகளைப் பகிர்ந்துகொண்ட கவிமாறன், தேவா மலேசியாவுக்கு அடிக்கடி வருகை தந்து பல்வேறு இசை நிகழ்ச்சிகளில் பங்கேற்றவர் என்றும், அவருடன் இணைந்து பல மேடைகளில் பாடும் வாய்ப்பு தமக்குக் கிடைத்ததாகவும் குறிப்பிட்டார்.

ஆரம்பகாலத்தில் மைக்கல் கானா மூலம் கவிமாறனின் இசை நிகழ்ச்சிகளுக்கு தேவா அழைத்து வரப்பட்டதாகவும், கவிமாறன் ராகாவில் அறிவிப்பாளராகப் பணியாற்றிய காலத்தில் தேவா இசையமைத்த பாடல்களைத் தவறாமல் ஒலிபரப்பி வந்ததாகவும் அவர் தெரிவித்தார். பின்னர் தனது இசைத் தொகுப்பிலும் தேவா பாடியுள்ளதாகக் கூறினார்.

தேவா தம்மிடம், “நீ நல்லா வருவாய். என் குரல் உன்னிடம் இருக்கிறது. ‘சங்கராபரணம்’ போன்ற ஒரு புராணப் படத்தை நீ தயாரிக்க வேண்டும், அந்த படத்திற்கு நான் இசையமைத்துத் தருகிறேன். சென்னைக்கு வா” என்று கூறியிருந்ததை நினைவுகூர்ந்த கவிமாறன், அந்த வாய்ப்பு நிறைவேறுவதற்குள் இத்தகைய துயரச் சம்பவம் நிகழ்ந்துவிட்டதாக வேதனையுடன் தெரிவித்தார்.

தனது இசைப் பயணத்தில் தேவா அளித்த ஊக்கத்தையும் ஆதரவையும் நினைவுகூர்ந்த கவிமாறன், மறைந்த இசையமைப்பாளர் தேவாவுக்கு தனது ஆழ்ந்த இரங்கலைத் தெரிவித்துக்கொண்டார்.

மலேசியா

மாபெரும் 6ஆவது மீலாது மாநாட்டில் 1,500-க்கும் மேற்பட்டோர் பங்கேற்பு! 1973 முதல் கல்விச் சேவையில் பெர்மிம்! -முகமட் அஸ்மான் ஷா தகவல்

கோலாலம்பூர், அக்.18-

இந்திய முஸ்லிம் சமூகத்தின் கல்வி முன்னேற்றத்திற்கும், சமூக நலன்களுக்கும் பெர்மிம்(PERMIM) அமைப்பு 1973-ஆம் ஆண்டு முதல் தொடர்ந்து முக்கியத்துவம் அளித்து வருவதாகஅதன் தலைவர் முகமட் அஸ்மான் ஷா தெரிவித்தார்.

இன்று நடைபெற்ற மாபெரும் மீலாது மாநாட்டில் 1,500-க்கும் மேற்பட்டோர் பங்கேற்றதாகக்குறிப்பிட்ட அவர், இந்திய முஸ்லிம் சமூகத்தின் வளர்ச்சி, கல்வி முன்னேற்றம் மற்றும்சமூகத்திற்குக் கிடைக்க வேண்டிய உரிமைகள், சலுகைகள் தொடர்பாகவும் பல்வேறுமுயற்சிகள் மேற்கொள்ளப்பட்டு வருவதாகக் கூறினார்.

PERMIM அமைப்பின் இணை ஏற்பாட்டில், IMIM மற்றும் PRESMA ஆகிய அமைப்புகளுடன்இணைந்து நடைபெற்ற இந்த மாநாடு, இந்திய முஸ்லிம் சமூகத்தினரை ஒருங்கிணைக்கும்முக்கிய நிகழ்வாக அமைந்தது.

இந்திய முஸ்லிம் சமூகத்தின் தேவைகள் மற்றும் அவர்களுக்கு வழங்கப்பட வேண்டியசலுகைகள் குறித்து பிரதமர் டத்தோஸ்ரீ அன்வார் இப்ராஹிமை நேரடியாகச் சந்தித்துப்பேசியுள்ளதாக முகமட் அஸ்மான் ஷா தெரிவித்தார்.

சமூகத்தின் தேவைகளை அரசாங்கத்தின் கவனத்திற்குக் கொண்டு செல்வதுடன், தகுதியானவர்களுக்கு அரசாங்கத்தின் உதவித் திட்டங்கள் சென்றடைவதையும்உறுதிப்படுத்துவது அவசியம் என்று அவர் வலியுறுத்தினார்.

இந்திய சமூகத்தின் பொருளாதார மற்றும் சமூக மேம்பாட்டிற்காகச் செயல்படும் மித்ரா(MITRA) அமைப்பின் மூலம் இந்திய முஸ்லிம் சமூகத்தினருக்கும் மானியங்கள்வழங்கப்படுவதாக அவர் சுட்டிக்காட்டினார்.

மித்ரா மானியம் தொடர்பான தகவல்களைச் சமூகத்தினரிடம் பகிர்ந்துகொண்டதைத்தொடர்ந்து, இந்திய முஸ்லிம் சமூகத்தைச் சேர்ந்த 50 பேர் அந்த மானியத்தைப்பெறுவதற்காக விண்ணப்பித்துள்ளதாக அவர் தெரிவித்தார்.

இதன் மூலம், அரசாங்கத்தின் உதவித் திட்டங்கள் குறித்த விழிப்புணர்வைச்சமூகத்தினரிடையே ஏற்படுத்துவதன் முக்கியத்துவம் வெளிப்படுவதாகவும் அவர்குறிப்பிட்டார்.

அரசாங்கத்தால் வழங்கப்படும் உதவிகள் மற்றும் மானியங்கள் குறித்து மக்கள் முறையாகஅறிந்துகொண்டு, தங்களுக்குத் தகுதியான உதவிகளைப் பெற்றுக்கொள்ள முன்வரவேண்டும் என்றும் அவர் வலியுறுத்தினார்.

இதற்கிடையில், பெர்மிம் அமைப்பு 1973-ஆம் ஆண்டு முதல் கல்விக்கு முக்கியத்துவம்அளித்து வருவதாகக் குறிப்பிட்ட முகமட் அஸ்மான் ஷா, மாணவர்களின் கல்வி வளர்ச்சிக்கும்குடும்பங்களின் சுமையைக் குறைப்பதற்கும் பல்வேறு உதவிகளை வழங்கி வருவதாகத்தெரிவித்தார்.

குறிப்பாக, ஒவ்வோர் ஆண்டும் ஒரு லட்சம் ரிங்கிட்டிற்கும் அதிகமான கல்வி உதவி நிதியைப்பெர்மிம் வழங்கி வருவதாக அவர் கூறினார்.

கல்வி என்பது ஒரு சமூகத்தின் எதிர்கால வளர்ச்சிக்கு அடித்தளமாக விளங்குவதால், மாணவர்களுக்குத் தேவையான உதவிகளை வழங்குவது அவசியம் என்றும் அவர்குறிப்பிட்டார்.

கல்வி உதவிகள் மூலம் மாணவர்கள் தங்களது கல்வியைத் தடையின்றித் தொடர்வதற்கானவாய்ப்புகளை உருவாக்குவதுடன், எதிர்காலத்தில் சமூகத்தின் முன்னேற்றத்திற்குப்பங்களிக்கக்கூடிய திறமையான தலைமுறையை உருவாக்குவதும் பெர்மிமின் முக்கியநோக்கங்களில் ஒன்றாகும்.

மாபெரும் மீலாது மாநாட்டில் 1,500-க்கும் மேற்பட்டோர் கலந்துகொண்டது, சமூகத்தினரிடையே இத்தகைய நிகழ்வுகளுக்கான ஆர்வத்தையும் ஒற்றுமையையும்வெளிப்படுத்துவதாக அமைந்தது.

இந்திய முஸ்லிம் சமூகத்தின் கல்வி மற்றும் சமூக முன்னேற்றத்திற்காக பெர்மிம் தொடர்ந்துசெயல்பட்டு வருவதாக அதன் தலைவர் முகமட் அஸ்மான் ஷா மேலும் தெரிவித்தார்.

இதற்கிடையில் இந்த மாநாட்டை கூட்டரசு பிரதேச இஸ்லாமிய மன்ற தலைவர் டத்தோ சைட்கமாருல்ஜாமான் அதிகாரப்பூர்வமாக தொடக்கி வைத்தார்.

மலேசியா

‘தீவாளி’ அல்ல; ‘தீபாவளி’ என்ற சொல்லாடலையே நிலைநிறுத்த வேண்டும்! பிரிக்ஃபீல்ட்ஸ் வணிக மையத்தின் தலைவாசல் பெயர்ப்பலகைக்கு மலேசியத் தமிழ் எழுத்தாளர் சங்கம் கண்டனம்

கோலாலம்பூர், அக்.17-

மலேசிய இந்தியர்கள் கொண்டாடும் முதன்மையான பண்டிகைகளில் ஒன்றாகத் தீபாவளி விளங்குகிறது. மலேசியப் பதிவேடுகளில் தீபாவளி முதன்மையான பண்டிகைகளில் ஒன்றாகக் குறிப்பிடப்பட்டு, அன்றைய தினம் பொது விடுமுறையும் அறிவிக்கப்பட்டு நடைமுறையில் இருந்து வருகிறது.

தீபாவளி வாழ்த்துகள், தீபாவளியை முன்னிட்டுப் பிரசுரிக்கப்படும் வாழ்த்து அட்டைகள், அச்சு ஊடகங்களின் தீபாவளி வாழ்த்துச் செய்திகள் என அனைத்திலும் ‘தீபாவளி’ என்ற சொல்லே பயன்படுத்தப்பட்டு வருகிறது.

இந்நிலையில், பிரிக்ஃபீல்ட்ஸ் வணிக மையத்தின் தலைவாசல் பெயர்ப்பலகையில் ‘தீவாளி’ எனக் குறிப்பிடப்பட்டிருப்பது தவறானது என்று சுட்டிக்காட்டிய பின்னரும், அந்தத் தவறை ஒப்புக்கொண்டு திருத்தாமல், தங்களின் செயலுக்கு நியாயம் கற்பிக்கும் வகையில் அதனை அப்படியே விட்டிருப்பது கண்டனத்துக்குரியது.

மலேசியாவில் வாழும் இந்தியர்களில் பெரும்பான்மையான தமிழர்கள் ‘தீபாவளி’ என்றே இப்பண்டிகையை அழைக்கின்றனர். அவ்வாறு இருக்கும்போது, அந்தச் சொல்லை மாற்ற வேண்டிய அவசியம் ஏன் ஏற்பட்டது?

மொழி என்பது ஓர் இனத்தின் அடையாளமாகும். தமிழர்கள் அதிகம் வாழும் பிரிக்ஃபீல்ட்ஸ் பகுதியில், அவர்களின் உணர்வுகளை அவமதிக்கும் வகையில் இத்தகைய பெயர்ப்பலகை தேவையா?

இத்தகைய செயல் தீபாவளிக் கொண்டாட்டத்தின் மகிழ்ச்சியைக் குறைப்பதுடன், தீபாவளியின் அடையாளத்தையும் அவமதிக்கும் வகையில் அமைந்துள்ளது.

பல்லின மக்கள் இணைந்து வாழும் மலேசியாவில், பிற இன மக்களின் மொழி உணர்வுகளையும் அடிப்படை அடையாளங்களையும் பாதிக்கும் அல்லது புண்படுத்தும் செயல்கள், குறிப்பாக அரசாங்கத்தின் சார்பில், தவிர்க்கப்பட வேண்டும்.

மலேசியத் தமிழ் எழுத்தாளர் சங்கம், ‘தீபாவளி’ என்ற சொல்லையே நிலைநிறுத்த வேண்டும் என்பதை உறுதியாக வலியுறுத்துகிறது.

‘தீபாவளி’ என்ற சரியான வரலாற்றுச் சொல்லை முழுமையாக நிலைநிறுத்துவதில் நாங்கள் உறுதியாக உள்ளோம். நாட்டின் நல்லிணக்கத்தையும் தமிழர்களின் மொழி உணர்வையும் பாதுகாக்கும் பொருட்டு, சம்பந்தப்பட்ட அதிகாரிகள் உடனடியாகத் தலையிட்டு, பெயர்ப்பலகையில் உள்ள பிழையைத் திருத்தி, ‘தீபாவளி’ என்ற சரியான சொல்லைப் பயன்படுத்த நடவடிக்கை எடுக்க வேண்டும் என வலியுறுத்துகிறோம்.

சாந்தா காளியப்பன்

செயலாளர்

மலேசியத் தமிழ் எழுத்தாளர் சங்கம்

மலேசியா

9 ஆண்டுகளாக நடத்தப்பட்ட ரத ஊர்வலம்! இப்போது நடத்தப்படாததற்குக் காரணம் தலைவரா? அதிருப்தியில் மக்கள்! ஆலய நிர்வாக உறுப்பினர் கணபதி கேள்வி!

சுபாங், அக்.16-

கடந்த 9 ஆண்டுகளாக சுபாங் ஜெயா ஸ்ரீ வரதராஜு பெருமாள் ஆலயத்தில் புரட்டாசிமாதத்தில் பூஜைகள் நடைபெற்று, மாத இறுதியில் ரத ஊர்வலம் நடப்பது வழக்கம். அந்தநேரத்தில் அவ்வட்டார மக்கள் பொதுமக்களுக்கு அன்னதானம் வழங்கி, ரத ஊர்வலத்தில்கலந்துகொள்வது வழக்கம்.

ஆனால், இந்த முறை ரத ஊர்வலம் நடத்தப்படாது என்ற கடிதம் ஒன்று இப்போதுகிடைத்துள்ளதாகவும், அந்த முடிவை ஆலயத் தலைவர் எடுத்துள்ளதாகவும் ஆலயத்தின்நிர்வாகக் குழு உறுப்பினர் கணபதி தெரிவித்துள்ளார்.

இதனால் வட்டாரப் பொதுமக்கள் மிகுந்த அதிருப்தியில் இருப்பதாகக் கூறிய கணபதி, ஆலயத்தில் உள்ளகப் பிரச்சினைக்கு ரத ஊர்வலத்தை ரத்து செய்வது தவறான முடிவு எனத்தெரிவித்தார்.

நாளை ரத ஊர்வலம் நடைபெறும் நாள். மக்களுக்காக ஆலயத் திருப்பணி வேலைகளைசெய்த நாம், மக்களுக்கு பல வசதிகளை ஏற்படுத்தி, அவர்கள் நல்ல முறையில் வழிபடஉறுதுணையாக இருக்க வேண்டுமே தவிர, அவர்களுக்கு இடையூறு செய்யக்கூடாது.

எப்போதும் போல் ரத ஊர்வலம் நடைபெற ஆலயத் தலைவர் முடிவெடுக்க வேண்டும் எனகணபதி கேட்டுக்கொண்டார்.

மலேசியா

பிரிக்பீல்ட்ஸில் அமைதிப் போராட்டம்! ‘DIWALI’க்கு பதிலாக ‘DEEPAVALI’ எனப் பயன்படுத்த வேண்டும் — டத்தோ ராஜா சைமன் வலியுறுத்தல்

கோலாலம்பூர்,அக்.14-

தீபாவளி பண்டிகையின் பெயரை ‘DIWALI’ எனக் குறிப்பிடுவதற்குப் பதிலாக, ‘DEEPAVALI’ எனப் பயன்படுத்த வேண்டும் என்றும், தீபாவளி சந்தையின் நுழைவாயில் பதாகையில் தமிழ்மொழிக்கும் உரிய இடமளிக்க வேண்டும் என்றும் கூட்டரசுப் பிரதேச மஇகா தலைவர் டத்தோராஜா சைமன் வலியுறுத்தியுள்ளார்.

சமயம், மொழி மற்றும் கலாசாரத்தின் முக்கியத்துவத்தை வலியுறுத்தி, கோலாலம்பூர்பிரிக்பீல்ட்ஸில் நடைபெற்ற அமைதிப் போராட்டத்தில் அவர் இவ்வாறு தெரிவித்தார்.

அமைச்சர் ஹனா யோவின் ஏற்பாட்டில் அரசாங்கத்தால் அமைக்கப்பட்டுள்ள தீபாவளிசந்தையின் நுழைவாயிலில் வைக்கப்பட்டுள்ள பதாகையில், ‘DEEPAVALI’ என்பதற்குப்பதிலாக ‘DIWALI’ என்ற சொல் பயன்படுத்தப்பட்டிருப்பது இந்திய சமூகத்தினரிடையேஅதிருப்தியை ஏற்படுத்தியுள்ளதாக அவர் சுட்டிக்காட்டினார்.

தீபாவளி சந்தையின் நுழைவாயில் பதாகையில் ‘DEEPAVALI’ என்ற சொல்லைப்பயன்படுத்துவதுடன், தமிழ் மொழியையும் இணைக்க வேண்டும் என்பதே தங்களின்கோரிக்கை என டத்தோ ராஜா சைமன் குறிப்பிட்டார்.

மேலும், நுழைவாயிலில் அமைக்கப்பட்டுள்ள இரு தூண்களிலும் ‘DIWALI’ என்ற சொல்இடம்பெற்றிருந்த நிலையில், தற்போது ஒரு தூணில் மயில் படம் வைக்கப்பட்டு அந்தஎழுத்துகள் மறைக்கப்பட்டுள்ளது.இருப்பினும், மற்றொரு தூணில் ‘DIWALI’ என்ற சொல்இன்னமும் காணப்படுவதாக அவர் தெரிவித்தார்.

எனவே, பிரச்சினைக்கு முழுமையான தீர்வு காணும் வகையில், சம்பந்தப்பட்ட தரப்பினர்உரிய நடவடிக்கை எடுக்க வேண்டும் என்றும் அவர் கேட்டுக்கொண்டார்.

மொழி மற்றும் சொற்களின் பயன்பாடு தொடர்பான விவகாரத்தில் அதிகாரப்பூர்வமானவழிகாட்டுதல்களுக்கும் முக்கியத்துவம் அளிக்கப்பட வேண்டும் எனக் குறிப்பிட்ட டத்தோராஜா சைமன், மலேசிய மொழி மற்றும் நூலகக் கழகமான Dewan Bahasa dan Pustaka வெளியீடுகளிலும் ‘DEEPAVALI’ என்ற சொல்லே குறிப்பிடப்பட்டுள்ளதாகச் சுட்டிக்காட்டினார்.

ஆகவே, தீபாவளி பண்டிகையை அடையாளப்படுத்தும் வகையில் ‘DEEPAVALI’ என்றசொல்லைப் பயன்படுத்துவதுடன், தமிழ் மொழி மற்றும் இந்தியக் கலாசாரத்தின்தனித்துவத்தையும் மதிக்க வேண்டும் என அவர் வலியுறுத்தினார்.

இந்த அமைதிப் போராட்டத்தில் பொது அமைப்புகள், மக்கள் முற்போக்குக் கட்சியான பிபிபி(PPP) மற்றும் மலேசிய மக்கள் சக்தி கட்சியின் பிரதிநிதிகள் உள்ளிட்ட 100-க்கும்மேற்பட்டோர் கலந்துகொண்டனர்.

சமயம், மொழி, கலாசாரம் ஆகியவற்றின் அடையாளங்களைப் பாதுகாப்பதன் அவசியத்தைவலியுறுத்தும் நோக்கில் இந்த அமைதிப் போராட்டம் நடைபெற்றது.

மலேசியா

பட்ஜெட் 2027: முதல்முறை வீடு வாங்குவோருக்கு முத்திரை வரி விலக்கு உள்ளிட்ட பல்வேறு சலுகைகள்! மக்களுக்கு பயனளிக்கும் திட்டங்கள் – டத்தோ பி.வி. அப்துல் ஹமித்

கோலாலம்பூர், அக் 11-

பட்ஜெட் 2027இல் முதல்முறையாக வீடு வாங்குவோருக்கு முத்திரை வரி விலக்கு உள்ளிட்ட பல்வேறு சலுகைகள் அறிவிக்கப்பட்டிருப்பது மக்களுக்கு பெரும் பயனளிக்கும் என மிம்கோய்ன் தலைவர் டத்தோ பி.வி. அப்துல் ஹமித் தெரிவித்தார்.

2027ஆம் ஆண்டுக்கான வரவு செலவுத் திட்டத்தை மக்களவையில் தாக்கல் செய்த பிரதமர் டத்தோஸ்ரீ அன்வார் இப்ராஹிம், மக்களுக்கு பயனளிக்கும் பல்வேறு திட்டங்களை அறிவித்தார்.

அதன்படி, 500,000 ரிங்கிட் வரை மதிப்புள்ள வீடுகளை முதல்முறையாக வாங்குவோருக்கு கடன் ஒப்பந்தங்கள் மற்றும் சொத்து உரிமை மாற்ற ஆவணங்களுக்கான முத்திரை வரியிலிருந்து முழு விலக்கு வழங்கப்படும்.

மேலும், 750,000 ரிங்கிட் வரை மதிப்புள்ள வீடுகளுக்கும் இந்தச் சலுகை விரிவுபடுத்தப்படும். இதில் முதல் 500,000 ரிங்கிட் மதிப்புக்கு முழு விலக்கும், மீதமுள்ள தொகைக்கு 50 விழுக்காடு விலக்கும் வழங்கப்படும் என அறிவிக்கப்பட்டுள்ளது.

இந்த அறிவிப்பு, முதல் முறையாக வீடு வாங்குவோரின் நிதிச் சுமையைக் குறைக்க உதவும் என டத்தோ அப்துல் ஹமித் குறிப்பிட்டார்.

இதனிடையே, இந்தியச் சமுதாயத்தினருக்கான தெக்குன் மற்றும் அமானா இக்தியார் நிதி ஒதுக்கீடு தலா 150 மில்லியன் ரிங்கிட்டாக உயர்த்தப்பட்டுள்ளது. அதேபோல், இந்தியச் சமுதாயத்திற்கான மித்ரா நிதி ஒதுக்கீடும் 150 மில்லியன் ரிங்கிட்டாக அதிகரிக்கப்பட்டுள்ளது.

இத்தகைய திட்டங்கள் இந்தியச் சமுதாயம் உள்ளிட்ட மக்களின் பொருளாதார முன்னேற்றத்திற்கும் வாழ்வாதார மேம்பாட்டிற்கும் பெரிதும் உதவும் என டத்தோ அப்துல் ஹமித் தெரிவித்தார்.

மலேசியா

கப்பின் மலேசியாவின் நினைவு மலர் வெளியீடு! 9 பேருக்கு ‘கப்பின் பெர்டானா’ விருது வழங்கி கௌரவிப்பு!

கோலாலம்பூர்,அக்.10-

மலேசிய இந்தியர் சங்கங்களின் சம்மேளனமான கப்பின் மலேசியாவின் 9ஆம் ஆண்டுநிறைவு விழா மற்றும் நினைவு மலர் வெளியீட்டு நிகழ்வு சிறப்பாக நடைபெற்றது.

கப்பின் மலேசியாவின் தலைவர் டத்தோ தென்னரசு தலைமையில் நடைபெற்றஇந்நிகழ்வில், தாப்பா நாடாளுமன்ற உறுப்பினரும் மஇகா தேசியத் துணைத் தலைவருமானடத்தோஸ்ரீ எம். சரவணன் சிறப்பு விருந்தினராகக் கலந்து சிறப்பித்தார்.

இவ்விழாவின் முக்கிய நிகழ்வாக, சமுதாயத்திற்காக அர்ப்பணிப்புடன் சேவையாற்றியஒன்பது பேருக்கு ‘கப்பின் பெர்டானா’ விருதுகள் வழங்கி கௌரவிக்கப்பட்டன. சிறப்புவிருந்தினராகக் கலந்து கொண்ட டத்தோஸ்ரீ எம். சரவணன் விருதுகளை வழங்கிவிருதாளர்களைப் பாராட்டினார்.

சமுதாயத்தின் வளர்ச்சிக்காகவும், மக்களின் நலனுக்காகவும் தொடர்ந்து பங்களித்து வரும்சேவையாளர்களை அங்கீகரிக்கும் நோக்கில் இவ்விருதுகள் வழங்கப்பட்டதாகத்தெரிவிக்கப்பட்டது.

கப்பின் மலேசியா அமைப்பு கடந்த 2011ஆம் ஆண்டு ஜொகூர் மாநிலத்தில்தோற்றுவிக்கப்பட்டது. அதன் பின்னர், அமைப்பின் செயல்பாடுகளை நாடு முழுவதும்விரிவுபடுத்தும் வகையில் ஒவ்வொரு மாநிலத்திலும் ஒருங்கிணைப்பு அமைப்புகள்உருவாக்கப்பட்டன.

இதன் மூலம் மலேசிய இந்தியர் சங்கங்களை ஒருங்கிணைத்து, சமூகத்தின் நலன் மற்றும்மேம்பாட்டுக்காகச் செயல்படுவதில் கப்பின் மலேசியா தொடர்ந்து கவனம் செலுத்திவருகிறது.

இதற்கிடையில், கோலாலம்பூர், ஜாலான் காசிப்பிள்ளையில் சுமார் நான்கு லட்சம் ரிங்கிட்செலவில் கப்பின் மலேசியாவுக்கான அலுவலகக் கட்டடம் வாங்கப்பட்டுள்ளதாக அதன்தலைவர் டத்தோ தென்னரசு தெரிவித்தார்.

அமைப்பின் வளர்ச்சியில் இது ஒரு முக்கிய மைல்கல்லாக அமைவதுடன், எதிர்காலச்செயல்பாடுகளை மேலும் வலுப்படுத்துவதற்கும் அலுவலகக் கட்டடம் உதவும் எனஎதிர்பார்க்கப்படுகிறது.

கப்பின் மலேசியாவின் ஒன்பது ஆண்டுகாலப் பயணத்தைக் கொண்டாடும் வகையில்நடைபெற்ற இந்நிகழ்வு, அமைப்பின் சாதனைகளை நினைவுகூர்வதோடு, சமுதாயத்திற்குச்சேவையாற்றியவர்களைப் பாராட்டும் நிகழ்வாகவும் அமைந்தது.

மலேசியா

எண்ணெய் கலப்பு நடவடிக்கைகளைக் கட்டுப்படுத்த கடுமையான ஆவண நடைமுறைகள் அவசியம்: நிபுணர்

கோலாலம்பூர், அக்.10-

எண்ணெய் கலப்பு நடவடிக்கைகள் சட்டத்திற்கு உட்பட்டு, வெளிப்படைத்தன்மையுடன் நடைபெறுவதை உறுதிசெய்ய, தேவையான இடங்களில் சுங்கத்துறை தலைமை இயக்குநரின் எழுத்துப்பூர்வ ஒப்புதலைப் பெறுவதுடன், முழுமையான ஆவணங்களையும் பராமரிக்க வேண்டும் என்று கடல்சார் கொள்கை, சட்டம் மற்றும் எல்லை தாண்டிய வர்த்தக நிபுணர் டாக்டர் மட்ஸ்லி ஹருண் வலியுறுத்தினார்.

எண்ணெய் இறக்குமதி, சேமிப்பு, கலப்பு மற்றும் மறு ஏற்றுமதி ஆகிய ஒவ்வொரு நடவடிக்கையும் உரிமத்தின் வரம்புக்கும் அதிகாரிகள் விதித்துள்ள நிபந்தனைகளுக்கும் உட்பட்டு மேற்கொள்ளப்பட வேண்டும் என்றார்.

எண்ணெய் கலப்பு நடவடிக்கைகள் பொருளின் கலவை மற்றும் தரத்தை மாற்றக்கூடும் என்பதால், செயல்முறைக்கு முன்னும் பின்னும் அதன் அளவு, நகர்வு மற்றும் நிலை குறித்த தெளிவான பதிவுகள் அவசியம் என்றும் அவர் குறிப்பிட்டார்.

இதற்காக ஒப்பந்தங்கள், சரக்குச் சீட்டுகள், சரக்கு விவரப் பட்டியல்கள் உள்ளிட்ட தொடர்புடைய ஆவணங்கள் ஒன்றோடொன்று பொருந்துவதை உறுதிசெய்ய வேண்டும். இதன் மூலம் அறிவிக்கப்பட்ட தகவல்களுக்கும் சரக்கின் உண்மையான நிலைக்கும் இடையே முரண்பாடுகள் ஏற்படுவதைத் தவிர்க்க முடியும்.

சேமிப்புக்காக மட்டுமே அனுமதி வழங்கப்பட்டுள்ள வளாகங்களில் எண்ணெய் கலத்தல் அல்லது அதன் தரத்தை மாற்றுதல் போன்ற கூடுதல் நடவடிக்கைகள் மேற்கொள்ளப்படும்போது, அவை உரிமத்தின் வரம்பு மற்றும் நடைமுறையில் உள்ள விதிமுறைகளுக்கு ஏற்ப உள்ளனவா என்பதை ஆராய வேண்டும் என்றும் அவர் கூறினார்.

மேலும், பெறப்பட்ட, சேமிக்கப்பட்ட, கலக்கப்பட்ட மற்றும் ஏற்றுமதி செய்யப்பட்ட எண்ணெயின் அளவைக் கணக்கிட்டு, தொடர்புடைய ஆவணங்களுடன் ஒப்பிட்டுச் சரிபார்க்க விரிவான தணிக்கை அவசியம் என்றார்.

எல்லை தாண்டிய வர்த்தகத்தில், பொருட்களின் தோற்றம் மற்றும் தடையற்ற வர்த்தக ஒப்பந்தங்களின் கீழ் வரிச் சலுகைகளைப் பெறுவதற்கான தகுதி ஆகியவை, பொருட்களின் தோற்ற விதிகள் மற்றும் அதற்கான ஆதார ஆவணங்களின் அடிப்படையில் தீர்மானிக்கப்பட வேண்டும் என்றும் அவர் வலியுறுத்தினார்.

மேரிடைம் நெட்வொர்க் நிறுவனம், திரெங்கானு மலேசியா பல்கலைக்கழகத்துடன் இணைந்து நடத்திய, மலேசியாவின் பெட்ரோலிய மதிப்புச் சங்கிலியை வலுப்படுத்துதல்மற்றும் ஒழுங்குமுறைச் சூழலில் உள்ள இடைவெளிகளையும் அவற்றுக்கானகாரணிகளையும் கண்டறிதல் என்ற தலைப்பிலான கருத்தரங்கில் அவர் இவ்வாறு தெரிவித்தார்.

முறையான ஒப்புதல், தெளிவான ஆவண நடைமுறைகள் மற்றும் கடுமையான கண்காணிப்பு ஆகியவை சுங்க அமைப்பின் நேர்மையைப் பாதுகாப்பதுடன், தொழில் நிறுவனங்களுக்கும் அதிகாரிகளுக்கும் இடையிலான தகராறுகளைக் குறைக்க உதவும் என்றும் அவர் குறிப்பிட்டார்.

இதனிடையே, முறையான ஒப்புதல் மற்றும் ஆவணங்கள் இன்றி மேற்கொள்ளப்படும் எண்ணெய் கலப்பு நடவடிக்கைகள் தீவிரமாகக் கருதப்பட வேண்டும் என்று கடல்சார் தொழில் நிபுணர் நசாரி காலித் தெரிவித்தார்.

இத்தகைய நடவடிக்கைகள் சுகாதாரம், பாதுகாப்பு மற்றும் சுற்றுச்சூழலுக்கு அச்சுறுத்தலை ஏற்படுத்தக்கூடும் என்பதுடன், அவற்றைக் கண்காணிக்கும் அதிகாரிகளின் நேர்மை குறித்தும் கேள்விகளை எழுப்பக்கூடும் என்றார்.

இதுபோன்ற சம்பவங்கள் நிகழும்போது, பாதுகாப்பு நடைமுறைகள் பின்பற்றப்படுகின்றனவா, கண்காணிப்பு எவ்வாறு மேற்கொள்ளப்படுகிறது, விதிமுறைகள் முறையாக அமல்படுத்தப்படுகின்றனவா என்பது குறித்து கடுமையான கேள்விகள் எழும் என்றும் அவர் கூறினார்.

எனவே, எண்ணெய் கலப்பு நடவடிக்கைகள் அனைத்தும் உரிய ஒப்புதல், முறையான ஆவணப் பராமரிப்பு மற்றும் செயல்பாட்டு நிபந்தனைகளுக்கு இணங்க நடைபெறுவதை உறுதிசெய்ய வேண்டும். அத்துடன், சர்வதேச தரநிலைகள் மற்றும் சிறந்த நடைமுறைகளையும் பின்பற்றுவது அவசியம் என்று அவர் வலியுறுத்தினார்.

மலேசியா

‘DIWALI’ பெயரை DEEPAVALI என்று மாற்றுங்கள்; பிரிக்பீல்ட்ஸ் பதாகைகளுக்கு 3 நாள் கெடு விடுத்தார் டத்தோஸ்ரீ சரவணன்!

கோலாலம்பூர்,அக்.10-

பிரிக்பீல்ட்ஸ் பகுதியில் தீபாவளியை முன்னிட்டு அமைக்கப்பட்டுள்ள அலங்கார வளைவுகள்மற்றும் பதாகைகளில் இடம்பெற்றுள்ள ‘DIWALI’ என்ற சொல்லை ‘DEEPAVALI’ என மாற்றவேண்டும் என்று மஇகா தேசிய துணைத் தலைவர் டத்தோஸ்ரீ எம். சரவணன்வலியுறுத்தியுள்ளார்.

இந்தக் கோரிக்கையை மூன்று நாட்களுக்குள் நிறைவேற்றத் தவறினால், கூட்டரசுப் பிரதேசமஇகா சார்பில் கண்டன ஆர்ப்பாட்டம் நடத்தப்படும் என்றும் அவர் எச்சரித்துள்ளார்.

இவ்விவகாரம் தொடர்பாகப் பிரதமர் டத்தோஸ்ரீ அன்வார் இப்ராஹிம் மற்றும் கூட்டரசுப்பிரதேச அமைச்சர் ஹன்னா இயோ ஆகியோருக்குக் கடிதம் எழுதியுள்ள டத்தோஸ்ரீசரவணன், மலேசிய இந்திய சமூகத்தின் மொழி மற்றும் கலாச்சார அடையாளங்களுக்குஉரிய மதிப்பளிக்கப்பட வேண்டும் என்று வலியுறுத்தியுள்ளார்.

மலேசிய இந்தியர்களில் பெரும்பான்மையினர் தென்னிந்தியாவைப் பூர்வீகமாகக்கொண்டவர்கள் என்றும், அவர்களில் பெரும்பாலானோர் தமிழ்மொழியைப் பேசுபவர்கள்என்றும் அவர் தனது கடிதத்தில் குறிப்பிட்டுள்ளார்.

அந்த வகையில், ‘DEEPAVALI’ என்ற சொல் மலேசிய இந்திய சமூகத்தின் மொழி மற்றும்கலாச்சாரப் பின்னணிக்குப் பொருத்தமானது என்றும், ‘DIWALI’ என்பது இந்தி பேசும்வடஇந்திய சமூகத்தினரிடையே பொதுவாகப் பயன்படுத்தப்படும் சொல் என்றும் அவர்விளக்கியுள்ளார்.

மேலும், மலேசியாவில் தீபாவளிப் பண்டிகை ‘DEEPAVALI’ என்ற பெயரிலேயே அரசிதழில்வெளியிடப்பட்டுள்ளதைச் சுட்டிக்காட்டிய அவர், பிரிக்பீல்ட்ஸ் பகுதியில்பயன்படுத்தப்பட்டுள்ள சொல்லை மாற்றுவதற்கு சம்பந்தப்பட்ட அமைச்சு உடனடியாகநடவடிக்கை எடுக்க வேண்டும் என்றும் கேட்டுக்கொண்டுள்ளார்.

மலேசிய இந்திய சமூகத்தின் கலாச்சார அடையாளத்தையும் பாரம்பரியத்தையும் மதிக்கும்வகையில், ‘DIWALI’ என்ற சொல்லுக்குப் பதிலாக ‘DEEPAVALI’ பயன்படுத்தப்பட வேண்டும்என்பதே தமது நிலைப்பாடு என டத்தோஸ்ரீ சரவணன் தெரிவித்துள்ளார்.

இந்த விவகாரத்தில் அடுத்த மூன்று நாட்களுக்குள் உரிய நடவடிக்கை எடுக்கப்படாவிட்டால், கூட்டரசுப் பிரதேச மஇகா கண்டன ஆர்ப்பாட்டத்தில் ஈடுபடும் என்றும் அவர் திட்டவட்டமாகக்கூறியுள்ளார்.

இந்த விவகாரத்தில் கூட்டரசுப் பிரதேச அமைச்சரை நான் குறைக்கூறவில்லை. அவர் சீனர், அவருக்கு தமிழ் தெரியாது. ஆனால் அவரின் கட்சியில் தமிழர்கள் இருப்பதாக நான்நம்புகிறேன். ஆகையால் உடனடி மாற்றம் தேவை என அவர் சொன்னார்.

மலேசியா

முதலீட்டு நிறுவனத்தை நம்பி 3,000க்கும் மேற்பட்டவர்கள் பணத்தை இழந்தனர்! புக்கிட் அமான் காவல் தலைமையகத்தில் பாதிக்கப்பட்டவர்கள் மகஜர்!

கோலாலம்பூர், அக்.9 —

அதிக லாபம் கிடைக்கும் என்ற வாக்குறுதியை நம்பி முதலீடு செய்த ஏறக்குறைய 3,000 பேர், தங்களது முதலீட்டுத் தொகையைத் திரும்பப் பெற முடியாமல் பாதிக்கப்பட்டுள்ளதாகக் கூறி, இன்று தேசிய காவல் படை தலைமையகமான புக்கிட் அமானில் புகார் மனு அளித்தனர்.

தேசிய அளவில் செயல்படுவதாகக் கூறப்பட்ட முதலீட்டு நிறுவனத்தில் பணத்தை முதலீடுசெய்தவர்கள், தங்களுக்கு வழங்கப்பட்ட வாக்குறுதிகள் நிறைவேற்றப்படவில்லை என்றும், முதலீட்டுத் தொகையை மீட்டுத் தருவதற்கு போலீசார் உரிய நடவடிக்கை எடுக்க வேண்டும்என்றும் கோரிக்கை விடுத்துள்ளனர்.

குறிப்பிட்ட முதலீட்டு நிறுவனம், முதலீட்டாளர்களுக்கு அதிக லாப ஈவையும், முதலீட்டுத்தொகைக்கு ஏற்ப பல மடங்கு வருமானத்தையும் வழங்குவதாக உறுதியளித்ததாகக்கூறப்படுகிறது. இந்த வாக்குறுதிகளை நம்பி ஆயிரக்கணக்கானோர் நிறுவனத்தில்பணத்தை முதலீடு செய்துள்ளனர்.

அவர்களில் பலர் ஆயிரக்கணக்கான வெள்ளியையும், கணிசமான எண்ணிக்கையிலானோர்லட்சக்கணக்கான வெள்ளியையும் முதலீடு செய்துள்ளதாகத் தெரிவிக்கப்படுகிறது. இதில்ஒருவர் மட்டும் சுமார் 3 லட்சத்து 50 ஆயிரம் வெள்ளி வரை முதலீடு செய்துள்ளதாகவும்கூறப்படுகிறது.

முதலீட்டுத் திட்டத்தின் ஆரம்பக் கட்டத்தில், முதலீட்டாளர்களுக்கு வழக்கமாக லாப ஈவுவழங்கப்பட்டதாகக் கூறப்படுகிறது. இதனால் நிறுவனத்தின் மீது நம்பிக்கை கொண்ட பலர், தங்களது முதலீட்டுத் தொகையை அதிகரித்ததுடன், தொடர்ந்து பணத்தையும் முதலீடுசெய்துள்ளனர்.

ஆனால், கடந்த செப்டம்பர் மாதம் முதல் வழக்கமாக வழங்கப்பட்டு வந்த லாப ஈவு திடீரெனநிறுத்தப்பட்டதாகப் பாதிக்கப்பட்டவர்கள் தெரிவிக்கின்றனர்.

இதனால் சந்தேகமும் கவலையும் அடைந்த முதலீட்டாளர்கள், நிறுவனத்தின் தரப்பைத்தொடர்புகொண்டு விளக்கம் கேட்டுள்ளனர். அப்போது, இது சாதாரண தொழில்நுட்பக்கோளாறு என்றும், விரைவில் பிரச்சினை சரிசெய்யப்பட்டு வழக்கம்போல லாப ஈவு மற்றும்கூடுதல் வருமானம் முதலீட்டாளர்களின் வங்கிக் கணக்குகளில் வரவு வைக்கப்படும் என்றும்தெரிவிக்கப்பட்டதாகக் கூறப்படுகிறது.

எனினும், வாக்குறுதி அளிக்கப்பட்டபடி பணம் திரும்பக் கிடைக்காததால் முதலீட்டாளர்களின்கவலை நாளுக்கு நாள் அதிகரித்துள்ளது.

இது தொடர்பாக நிறுவனத்தின் பிரதிநிதிகளிடம் தொடர்ந்து விளக்கம் கேட்டபோது, நிறுவனத்தின் முக்கிய அதிகாரி ஒருவர் வெளிநாடு சென்றுள்ளதாகவும், அவர் திரும்பிவந்ததும் பிரச்சினைகள் அனைத்தும் சரிசெய்யப்படும் என்றும் தெரிவிக்கப்பட்டதாகமுதலீட்டாளர்கள் கூறுகின்றனர்.

அத்துடன், அதுவரை போலீசில் புகார் அளிக்க வேண்டாம் என்றும் நிறுவனத்தின் தரப்பில்கேட்டுக்கொள்ளப்பட்டதாகவும் அவர்கள் தெரிவித்துள்ளனர்.

ஆனால், காலம் கடந்தும் எந்தவொரு தீர்வும் எட்டப்படாத நிலையில், தங்களது பணத்தைஇழந்துவிடுவோமோ என்ற அச்சத்தில் முதலீட்டாளர்கள் ஒன்றிணைந்து போலீசில் புகார்அளிக்க முடிவு செய்துள்ளனர்.

இதன் தொடர்ச்சியாக, ஏறக்குறைய 3,000 முதலீட்டாளர்கள் பாதிக்கப்பட்டுள்ளதாகக்கூறப்படும் இந்த விவகாரம் தொடர்பில், இன்று புக்கிட் அமான் தேசிய காவல் படைதலைமையகத்தில் புகார் மனு அளிக்கப்பட்டது.

இந்த விவகாரத்தில் போலீசார் விரிவான விசாரணை மேற்கொண்டு, முதலீட்டாளர்களின்பணம் எவ்வாறு கையாளப்பட்டது என்பதைக் கண்டறிய வேண்டும் என்றும், பாதிக்கப்பட்டஅனைவருக்கும் அவரவர் முதலீட்டுத் தொகையை மீட்டுத் தருவதற்கான நடவடிக்கைகளைஎடுக்க வேண்டும் என்றும் அவர்கள் வலியுறுத்தினர்.

மேலும், அதிக லாபம் கிடைக்கும் என்ற வாக்குறுதியை நம்பி முதலீடு செய்த தாங்கள்தற்போது பெரும் நிதி நெருக்கடியையும் மன உளைச்சலையும் எதிர்கொள்வதாகக் கூறியமுதலீட்டாளர்கள், இந்த விவகாரத்தில் விரைவான தீர்வு கிடைக்க அதிகாரிகள் நடவடிக்கைஎடுக்க வேண்டும் எனச் செய்தியாளர்கள் வாயிலாகக் கோரிக்கை விடுத்தனர்.

மலேசியா

நாளை 6 மாநிலங்களில் பள்ளிகள் மூடல்: புகைமூட்டம் காரணமாக கல்வி நடவடிக்கைகளில் மாற்றம்!

கோலாலம்பூர், அக். 8-

தற்போது நிலவி வரும் புகைமூட்டம் நிலைமையைத் தொடர்ந்து, நாளை வெள்ளிக்கிழமை, அக்டோபர் 9, 2026 அன்று நாட்டின் பல பகுதிகளில் பள்ளிகள் மூடப்படுவதாக கல்விஅமைச்சர் பட்லினா சிடேக் தனது முகநூல் பக்கத்தில் அறிவிப்பை வெளியிட்டுள்ளார்.

அதன்படி, ஜொகூர், மலாக்கா, நெகிரி செம்பிலான், சிலாங்கூர் மற்றும் கோலாலம்பூர் ஆகியபகுதிகளில் உள்ள அனைத்து பள்ளிகளும் நாளை மூடப்படும்.

மேலும், பகாங் மாநிலத்தின் ரொம்பின் மாவட்டத்தில் உள்ள பள்ளிகளும் மூடப்படும். புத்ராஜெயா முழுவதும் உள்ள பள்ளிகளும் நாளை செயல்படாது என அறிவிக்கப்பட்டுள்ளது.

இதனிடையே, பெர்லிஸ், பேராக், பினாங்கு, சபா, சரவாக் மற்றும் லாபுவான் ஆகியபகுதிகளில் பள்ளிகள் வழக்கம்போல் செயல்படும்.

புகைமூட்டம் தொடர்பான நிலைமையை அனைத்து மாநில கல்வித் துறைகளும் (JPN), மாவட்ட கல்வி அலுவலகங்களும் (PPD) தொடர்ந்து கண்காணிக்குமாறுஅறிவுறுத்தப்பட்டுள்ளன. நிலைமைக்கு ஏற்ப தேவையான உடனடி நடவடிக்கைகள்மேற்கொள்ளப்படும் என்றும் அந்த அறிவிப்பில் தெரிவிக்கப்பட்டுள்ளது.

பள்ளிகளை மூடுவது பெற்றோர்களின் அன்றாட நடவடிக்கைகளில் தாக்கத்தை ஏற்படுத்தும்என்பதை கல்வி அமைச்சு புரிந்துகொள்வதாகவும், எதிர்காலத்தில் பள்ளிகள் மூடுவதுதொடர்பான முடிவுகள் முடிந்தவரை முன்கூட்டியே அறிவிக்கப்படும் என்றும் அவர்தெரிவித்துள்ளார்.

இதன் மூலம் பெற்றோர்கள் தங்களது குழந்தைகளுக்கான மாற்று ஏற்பாடுகளைச்செய்வதற்கு போதிய கால அவகாசம் கிடைக்கும் என எதிர்பார்க்கப்படுகிறது.

பெற்றோர்கள் தங்களது பிள்ளைகளின் பள்ளிகள், மாவட்ட கல்வி அலுவலகங்கள் மற்றும்மாநில கல்வித் துறைகளின் அதிகாரப்பூர்வ அறிவிப்புகளை தொடர்ந்து கவனிக்குமாறுகேட்டுக்கொள்ளப்பட்டுள்ளனர்.

மாணவர்கள் மற்றும் பள்ளி பணியாளர்களின் சுகாதாரமும் பாதுகாப்பும் தொடர்ந்துமுதன்மையான முன்னுரிமையாக இருக்கும் என அறிக்கையில் தெரிவிக்கப்பட்டுள்ளது.

மலேசியா

தீபாவளியை முன்னிட்டு இந்திய வர்த்தகர்களுக்கு RM30 மில்லியன் நிதியுதவி நிதி அறிவிப்பு வரவேற்பு; ஆனால் காலதாமதம் குறித்து வர்த்தக சபை கவலை

கோலாலம்பூர், அக்டோபர் 4:

தீபாவளியை முன்னிட்டு மலேசிய இந்திய தொழில்முனைவோர் மற்றும் வர்த்தகர்களுக்குஉதவும் வகையில் அரசாங்கம் அறிவித்துள்ள RM30 மில்லியன் “Berkat Deepavali” நிதியுதவி திட்டத்தை சிலாங்கூர் இந்திய வர்த்தக மற்றும் தொழில்முனைவோர் சபை(SICCE) வரவேற்றுள்ளது.

தொழில்முனைவோர் மேம்பாடு மற்றும் கூட்டுறவு அமைச்சகம் (KUSKOP) மூலம், TEKUN Nasional வாயிலாக இந்த நிதியுதவி திட்டம் செயல்படுத்தப்படுவதாக சபைதெரிவித்துள்ளது.

இந்தத் திட்டத்திற்காக தொழில்முனைவோர் மேம்பாடு மற்றும் கூட்டுறவு அமைச்சர் YB Steven Sim Chee Keong மேற்கொண்ட முயற்சிகளையும் SICCE பாராட்டியுள்ளது.

திட்டத்தின் முக்கிய அம்சங்கள்

மொத்த நிதி ஒதுக்கீடு – RM30 மில்லியன்

ஒவ்வொரு விண்ணப்பதாரருக்கும் அதிகபட்சம் – RM30,000

ஆண்டுக்கு 3% இலாப விகிதம்

அதிகபட்ச கடன் காலம் – 12 மாதங்கள்

விண்ணப்ப காலம் – 3 அக்டோபர் முதல் 8 நவம்பர் 2026 வரை

RM100,000-க்கும் குறைவான விண்ணப்பங்கள் தொடர்பான முடிவுகள் 7 நாட்களுக்குள்வழங்கப்படும்.

காலதாமதம் குறித்து கவலை

எனினும், தீபாவளிக்கு சுமார் ஒரு மாதத்திற்கு முன்புதான் இந்த நிதியுதவிஅறிவிக்கப்பட்டிருப்பது நடைமுறை ரீதியாக தாமதமானது என SICCE சுட்டிக்காட்டியுள்ளது.

அக்டோபர் மாதத்திற்குள் பல வர்த்தகர்கள் ஏற்கனவே விற்பனை மற்றும் செயல்பாட்டுநடவடிக்கைகளில் ஈடுபட்டிருப்பதுடன், தீபாவளிக்கான பொருட்களை கொள்முதல் செய்தோஅல்லது ஆர்டர் செய்தோ இருக்கக்கூடும் என சபை தெரிவித்துள்ளது.

மேலும், அக்டோபர் 15ஆம் தேதி விண்ணப்பிக்கும் தொழில்முனைவோருக்கு நிதி அக்டோபர்மாதத்தின் பிற்பகுதியில் மட்டுமே கிடைக்கும் சூழல் ஏற்பட்டால், அது தீபாவளி வணிகத்தயாரிப்புகளுக்கு போதுமான பயனை அளிக்காது என்றும் SICCE கவலை தெரிவித்துள்ளது.

ஆறு மாதங்களுக்கு முன்பே அறிவிக்க வேண்டும்

எதிர்காலத்தில் இதுபோன்ற பண்டிகைக்கால நிதியுதவிகள் குறைந்தது ஆறு மாதங்களுக்குமுன்பே அறிவிக்கப்பட வேண்டும் என SICCE முன்மொழிந்துள்ளது.

அத்துடன், இதுபோன்ற திட்டங்கள் குறுகியகால உதவியாக மட்டும் இல்லாமல், நீண்டகாலம்அளவிடக்கூடிய தொழில்முனைவோர் மேம்பாட்டு திட்டத்தின் ஒரு பகுதியாக இருக்கவேண்டும் என்றும் வலியுறுத்தியுள்ளது.

மைக்ரோ தொழில்முனைவோர், சிறு நிறுவனங்கள், நடுத்தர நிறுவனங்கள் மற்றும் பெரியமலேசிய நிறுவனங்கள் என வணிகங்களின் வளர்ச்சிக்கு ஏற்ப தெளிவான நிதியுதவி பாதைஉருவாக்கப்பட வேண்டும் என்றும் SICCE கோரியுள்ளது.

“Berkat Deepavali” திட்டத்தின் நோக்கம் வரவேற்கத்தக்கது. ஆனால், ஒவ்வொருதிட்டத்திற்கும் நீண்டகால நோக்கம் இருக்க வேண்டும்; மலேசிய இந்தியதொழில்முனைவோரை வலுப்படுத்துவதே முக்கிய இலக்காக இருக்க வேண்டும் என SICCE தலைவர் டத்தோ டாக்டர் வி. சண்முகநாதன் தெரிவித்துள்ளார்.

மலேசியா

பெர்காட் தீபாவளி முயற்சியை MAICCI பாராட்டுகிறது — இந்தியத் தொழில்முனைவோருக்கு மேலும் பல வாய்ப்புகள்

கோலாலம்பூர், 3 அக்டோபர் 2026 — மலேசிய இந்திய வர்த்தக மற்றும் தொழிலியல்சங்கங்களின் சம்மேளனம் (MAICCI), இந்தியச் சமூகத்தைச் சேர்ந்த தொழில்முனைவோர்பண்டிகைக் கால வணிகத் தேவைகளுக்குத் தயாராக உதவும் வகையில், ரிங்கிட் 30,000 வரை நிதியுதவி வழங்கும் பெர்காட் தீபாவளி (BERKAT Deepavali) திட்டத்தைஅறிமுகப்படுத்திய தொழில்முனைவோர் மற்றும் கூட்டுறவு மேம்பாட்டு அமைச்சகத்திற்கு(KUSKOP) தனது பாராட்டுகளைத் தெரிவித்துக் கொள்கிறது.

MAICCI தலைவர் டத்தோ ஸ்ரீ என். கோபாலகிருஷ்ணன், இந்தியச் சமூகத்தின்பொருளாதாரத்தை வலுப்படுத்தும் மடானி அரசாங்கத்தின் மற்றுமொரு அர்த்தமுள்ளநடவடிக்கையாக இத்திட்டத்தை வர்ணித்தார். குறிப்பாக, சிறு மற்றும் குறுந்தொழில்முனைவோர் சரக்குகளின் இருப்பை அதிகரிக்கவும், வணிகச் செயல்பாட்டுத் தேவைகளைப்பூர்த்தி செய்யவும், தீபாவளிக் காலத்தில் அதிகரிக்கும் வாடிக்கையாளர் தேவைகளைஎதிர்கொள்ளவும் தேவையான மூலதனத்தைப் பெற இத்திட்டம் உதவுகிறது.

“பெர்காட் தீபாவளி திட்டத்தின் அறிமுகத்தை MAICCI பெரிதும் பாராட்டுகிறது. அடித்தளத்தில்உள்ள தொழில்முனைவோரின் உண்மையான தேவைகளை இத்திட்டம் கவனத்தில்கொள்கிறது. சிறு வணிகர்களைப் பொறுத்தவரை, பண்டிகைக் காலத்திற்கு முன்பாகக்கிடைக்கும் கூடுதல் மூலதனம், வாடிக்கையாளர்களின் தேவைகளைப் பூர்த்தி செய்வதற்கும்குடும்ப வருமானத்தை அதிகரிப்பதற்கும் குறிப்பிடத்தக்க உதவியாக அமையும்.

“இத்திட்டம் நிதியுதவியை வழங்குவதோடு, தொழில்முனைவோர் அதிக நம்பிக்கையுடனும்முறையான திட்டமிடலுடனும் தயாராகுவதற்கான வாய்ப்பையும் வழங்குகிறது. அவர்களின்வணிகத் தொடர்ச்சியைச் சார்ந்துள்ள குடும்பங்கள், பணியாளர்கள் மற்றும் சமூகத்தினரும்இதன் பலனைப் பெறுவார்கள்,” என்று அவர் கூறினார்.

இந்தியத் தொழில்முனைவோரின் தேவைகளில் அக்கறை காட்டிய தொழில்முனைவோர்மற்றும் கூட்டுறவு மேம்பாட்டு அமைச்சர் மாண்புமிகு ஸ்டீவன் சிம் சீ கியோங்கிற்கும் அவர்தனது பாராட்டுகளைத் தெரிவித்தார்.

“முதன்முறையாக, இந்தியச் சமூகத்தைச் சேர்ந்த தொழில்முனைவோருக்குத் தீபாவளியைமுன்னிட்டு இத்தகைய சிறப்பு நிதியுதவி வாய்ப்பு, மாண்புமிகு ஸ்டீவன் சிம் சீ கியோங்கின்தலைமையில் KUSKOP மூலம் அறிமுகப்படுத்தப்பட்டுள்ளது. பண்டிகைக் கால வணிகத்தயாரிப்புகளை மேற்கொள்ள இந்தியத் தொழில்முனைவோருக்குப் புதிய வாய்ப்புகளைஉருவாக்கிய அவரது முயற்சியை MAICCI பெரிதும் பாராட்டுகிறது,” என்று அவர் கூறினார்.

“இந்த முயற்சியின் மூலம் இந்தியத் தொழில்முனைவோரின் தேவைகளைக் கவனத்தில்கொண்டதற்காக மாண்புமிகு ஸ்டீவன் சிம் மற்றும் KUSKOP ஆகியோருக்கு MAICCI நன்றிதெரிவிக்கிறது. குறிப்பாக, தங்களது வணிகத்தைத் தொடர்ந்து நடத்தவும் விரிவுபடுத்தவும்முயற்சி செய்து வரும் சிறு வணிகர்களுக்கு இத்தகைய ஆதரவு மிகவும் அர்த்தமுள்ளதாகும்.

“தீபாவளி பல வணிகங்களுக்குப் பொருளாதார வாய்ப்புகளை உருவாக்குகிறது. பொருத்தமான நிதியுதவியைப் பெறுவதன் மூலம், தொழில்முனைவோர் முன்கூட்டியேதயாராகி, அந்த வாய்ப்புகளை மேலும் சிறப்பாகப் பயன்படுத்திக் கொள்ள முடியும்,” என்றுஅவர் கூறினார்.

தகுதியுள்ள தொழில்முனைவோர், கிடைக்கக்கூடிய நிதியுதவி வசதிகளை அறிந்துகொள்வதை உறுதிப்படுத்தும் வகையில், தெளிவான மற்றும் எளிதில் புரிந்துகொள்ளக்கூடியதகவல்கள் வழங்கப்பட வேண்டியதன் அவசியத்தையும் டத்தோ ஸ்ரீ என். கோபாலகிருஷ்ணன் வலியுறுத்தினார்.

“போதுமான தகவல்கள் கிடைக்காத காரணத்தால், தகுதியுள்ள எந்தவொருதொழில்முனைவோரும் இந்த வாய்ப்பைத் தவறவிடக் கூடாது. விண்ணப்பத் தேவைகளைப்புரிந்துகொள்வதற்கும், அதிகாரப்பூர்வ வழிமுறைகள் மூலம் இந்த வசதியைப் பெறுவதற்கும்தொழில்முனைவோருக்கு உரிய வழிகாட்டுதல் கிடைக்க வேண்டும் என்பதே எங்களதுவிருப்பமாகும்,” என்று அவர் மேலும் கூறினார்.

பொருளாதார மேம்பாட்டிற்கான வாய்ப்புகளை விரிவுபடுத்துவதிலும், KUSKOP மூலம்இந்தியச் சமூகத்தின் தேவைகளுக்குக் கவனம் செலுத்துவதிலும் மடானி அரசாங்கத்தைவழிநடத்தி வரும் பிரதமர் மாண்புமிகு டத்தோ ஸ்ரீ அன்வார் இப்ராஹிமிற்கும் அவர் தனதுபாராட்டுகளைத் தெரிவித்தார்.

“இந்தியச் சமூகத்தின் நலனையும் பொருளாதார வலிமையையும் மேம்படுத்துவதற்காக, KUSKOP உள்ளிட்ட பல்வேறு அமைச்சகங்கள் மூலம் மேற்கொண்டு வரும் முயற்சிகளுக்கும்தலைமைத்துவத்திற்கும் பிரதமர் மாண்புமிகு டத்தோ ஸ்ரீ அன்வார் இப்ராஹிமிற்கு MAICCI தனது பாராட்டுகளைத் தெரிவித்துக் கொள்கிறது. இத்தகைய முயற்சிகள், இந்தியச்சமூகத்தின் தேவைகள் மீது மடானி அரசாங்கம் கொண்டுள்ள அக்கறையையும், இச்சமூகத்திற்கு மேலும் பல வாய்ப்புகளை உருவாக்குவதற்கான உறுதிப்பாட்டையும்வெளிப்படுத்துகின்றன,” என்று அவர் கூறினார்.

“சிறு தொழில்முனைவோருக்கு வளர்ச்சிக்கான வாய்ப்புகள் வழங்கப்படும்போது, அவர்கள்தங்களது குடும்பங்களின் வாழ்க்கையை மேம்படுத்துவதோடு, வேலைவாய்ப்புகளைஉருவாக்கி, உள்ளூர் பொருளாதார நடவடிக்கைகளை ஊக்குவித்து, நாட்டின் பொருளாதாரவளர்ச்சிக்கும் பங்களிக்கின்றனர்,” என்று அவர் கூறினார்.

தகுதியுள்ள இந்தியத் தொழில்முனைவோர் இந்த வாய்ப்பைப் பயன்படுத்திக் கொள்ளவும், அதிகாரப்பூர்வ வழிமுறைகள் மூலம் தகவல்களைப் பெறவும், தங்களது வணிகங்களைவலுப்படுத்தும் வகையில் நிதியுதவியை விவேகமாகப் பயன்படுத்தவும் அவர் கேட்டுக்கொண்டார்.

இத்திட்டம் குறித்த தகவல்களை மேலும் பரவலாகக் கொண்டு சேர்ப்பதற்கும், விண்ணப்பவழிமுறைகள் மற்றும் தேவைகளைத் தொழில்முனைவோர் புரிந்துகொள்ள உதவுவதற்கும், KUSKOP மற்றும் திட்டத்தைச் செயல்படுத்தும் அமைப்பான TEKUN Nasional உடன் MAICCI இணைந்து செயல்படும்.

மாநில வர்த்தகச் சங்கங்கள் மற்றும் வர்த்தக அமைப்புகளின் வலையமைப்பு மூலம், KUSKOP மற்றும் இந்திய வணிகச் சமூகத்திற்கு இடையிலான இணைப்புப் பாலமாக MAICCI செயல்படும். இதன் மூலம், தகுதியுள்ள மேலும் பல தொழில்முனைவோர் வழங்கப்படும்வாய்ப்புகளை அறிந்து பயன்பெற முடியும்.

மலேசியா

Damoxin ஆன்டிபயாடிக் குறித்து பியோன் பயோமெடிக் நிறுவனம் ஆராய்ச்சி

கோலாலம்பூர்:
பேராசிரியர் டாக்டர் ஆனந்த கிருஷ்ணனுக்கு சமர்ப்பணமாக Damoxin ஆன்டிபயாடிக் ஆராய்ச்சிக்கு உட்படுத்தப்பட்டுள்ளது.

பியோன் பயோமெடிக் நிறுவனத்தின் தலைமை இயக்குநர் எம். பரமேஸ்வரன் இதனை கூறினார்.

மறைந்த பேராசிரியர் டாக்டர் ஆனந்த கிருஷ்ணன் எளிதாக மறக்க முடியாத ஒரு நபர் ஆவார்.

மருத்துவத் துறையில் பல்வேறு ஆராய்ச்சிகளை செய்து பல மருந்துகளையும் அவர் கண்டுப்பிடித்துள்ளார்.

குறிப்பாக ஆயுர்வேதம் கொண்டு பல்வேறு மருந்துகளை அவர் கண்டுப்பிடித்துள்ளார்.

இந்நிலையில் தான் அவர் இறப்பதற்கு முன் Damoxin ஆன்டிபயாடிக்கை கண்டுப்பிடித்தார்.

ஆனால் இந்த ஆன்டிபயாடிக் முழுமையாக மக்களை சென்றடையவில்லை.

ஆகவே எங்கள் நிறுவனம், அனைத்துலக மானவ் ரச்னா ஆய்வகத்துடன் இணைந்து இந்த Damoxin ஆன்டிபயாடிக் ஆராய்ச்சி செய்து வருகிறோம்.

இந்த ஆராய்ச்சி வெற்றி பெற்றால் அது நிச்சயம் சுகாதார அமைச்சிடம் அனுப்பி அங்கீகாரத்திற்கு விண்ணப்பம் செய்யப்படும் என்று பரமேஸ்வரன் கூறினார்.

மலேசியா

முன்னுக்குப் பின் முரண்: ரிவர்ஸ் கியர் போட்ட எம்.ஏ.சி.சி.! பொம்மைக்குச் சாவி கொடுப்பது யார்?

கோலாலம்பூர், அக். 1-

கடந்த 25ஆம் தேதி எம்.ஏ.சி.சி. தலைவர் டத்தோ ஸ்ரீ அப்துல் அலிம் அமான்செய்தியாளர்களைச் சந்தித்தபோது, ம.இ.கா.வின் தேசியத் துணைத் தலைவர் டத்தோ ஸ்ரீசரவணன், அவரது மனைவி மற்றும் மூன்று பிள்ளைகளுக்கு சொத்து அறிவிப்பு நோட்டீஸ்வரும் திங்கட்கிழமை வழங்கப்படும் என ஒரு நிகழ்ச்சியில் தெரிவித்தார்.

அந்தக் காணொளியில் அவர்கள் அனைவரும் நேரில் வந்து அதனைப் பெற்றுக்கொள்ளவேண்டும் என்றும் குறிப்பிட்டிருந்தார்.

அதன் பின்னர், டத்தோ ஸ்ரீ சரவணன் ஒரு காணொளியை வெளியிட்டிருந்தார். அந்தக்காணொளியில், “என் 12 வயது மகனுக்கு நோட்டீஸ் வழங்க வேண்டும் என்றால், பெற்றோர்களான நாங்கள் இருக்கும்போது ஒரு சிறுவன் ஏன் எம்.ஏ.சி.சி. அலுவலகத்திற்குநேரடியாக வர வேண்டும் சிறுவர்களின் மனநிலை எம்.ஏ.சி.சி.க்குத் தெரியாதா?” என டத்தோ ஸ்ரீ சரவணன் கேள்விஎழுப்பினார்.

அப்போது எல்லாம் வாயில் ‘ஜிப்’ போட்டுக்கொண்டிருந்த எம்.ஏ.சி.சி.க்கு உத்தரவு ஏதும்கிடைக்கவில்லை போல. அதனால் மௌனமாக இருந்தார்கள்.

கடந்த 28ஆம் தேதி, டத்தோ ஸ்ரீ சரவணன் தனது குடும்பத்துடன் அந்த 12 வயதுசிறுவனையும் அழைத்துக்கொண்டு நோட்டீஸைப் பெறச் சென்றார்.

அப்போது சமூகத்தின் மத்தியில் இரண்டு வகையான கேள்விகள் எழுந்தன. பெற்றோர்இருக்கும்போது ஒரு சிறுவனை எம்.ஏ.சி.சி. அலுவலகத்திற்கு ஏன் அழைத்துச் செல்லவேண்டும்? சிறுவரின் மனநிலை இவர்களுக்குத் தெரியாதா? பள்ளியில் படிக்கும்மாணவன், அடுத்து பள்ளிக்குச் செல்லும்போது அவருக்கு பலவிதமான மன உளைச்சல்கள்ஏற்படும் என்பது இவர்களுக்குத் தெரியாதா? என்ற கருத்துகள் அதிகமாக வெளிப்பட்டன.

அதே நேரத்தில், “அப்பன் செய்த பாவத்தை மகன் அனுபவித்தே ஆக வேண்டும்; பலசொத்துகள் மகன் பெயரில் உள்ளன. பிள்ளையை கேள்வி கேட்டால் அப்பா மாட்டுவார்; அப்பனைப் போல் மகன்” என ஒரு சிறுவன் மீது வன்மமும் பாய்ந்துள்ளது.

இதற்கு மூல காரணம் யார்? எம்.ஏ.சி.சி. அவர்கள் கொடுத்த செய்தி அறிவிப்புதான்.

இது தொடர்பாக விமர்சனங்களும் கேள்விகளும் எழுந்த நிலையில், இன்று பல்டி அடித்தஎம்.ஏ.சி.சி., அந்தச் சிறுவனுக்கு நோட்டீஸ் கொடுக்கவில்லை எனக் கூறியதோடு, வீட்டில்சிறுவனைப் பார்த்துக்கொள்ள யாரும் இல்லாத காரணத்திற்காக அவர்கள் மகனை உடன்அழைத்து வந்திருக்கலாம் என யூகிப்பதாகவும் தெரிவித்துள்ளது.

இதைச் சொல்ல வேண்டியது டத்தோ ஸ்ரீ சரவணன். ஆனால், எம்.ஏ.சி.சி. சொல்கிறது. அன்று சரவணன், “பெற்றோர்களான நாங்கள் இருக்கும்போது ஏன் என் மகன் வரவேண்டும்?” எனக் கேள்வி எழுப்பியபோது இதே எம்.ஏ.சி.சி. மௌனமாக இருந்தது.

இந்த மூன்று நாட்களும் அந்தச் சிறுவன் விமர்சனத்திற்கு ஆளாகியுள்ளார். இதற்கு யார்பொறுப்பு ஏற்பது? இப்படி பொறுப்பற்ற முறையில் எம்.ஏ.சி.சி. கொடுத்த முன்னுக்குப் பின்முரணான தகவலால் ஒரு சிறுவன் பாதிக்கப்பட்டுள்ளான். இதற்கு யார் பொறுப்பு?

உண்மையில் எம்.ஏ.சி.சி. தாங்களாகவே முடிவு எடுக்கிறார்களா? அல்லது அரசியல்காரணமாக ஒரு பரபரப்பை ஏற்படுத்த, பின்னணியில் சாவி கொடுத்து பொம்மையைப் போலசெய்யச் சொன்னதைச் செய்து, மக்கள் விமர்சனத்திற்குப் பிறகு இப்போது மாட்டிக்கொண்டுபல்டி அடித்து முழிக்கிறார்களா? காலம் தான் பதில் !

செய்தி: வெற்றி விக்டர்

மலேசியா

நாகாஸ் உணவக உரிமையாளர் ‘ராஜா’ நாகராஜனுக்கு இறுதி அஞ்சலி

நாகாஸ் உணவகத்தின் உரிமையாளர் ‘ராஜா’ என அழைக்கப்படும் ரெ. நாகராஜன் மறைவையொட்டி, அவரது இறுதிச்சடங்கு இன்று நடைபெற்றது.

அவரது இறுதி ஊர்வலத்தில் நூற்றுக்கணக்கானோர் கலந்து கொண்டு, மலரஞ்சலி செலுத்தி இறுதி மரியாதை செலுத்தினர்.

ம.இ.கா. தேசியத் தலைவர் டான்ஸ்ரீ ச. விக்னேஸ்வரன், தேசியத் துணைத்தலைவர் டத்தோஸ்ரீ எம். சரவணன், லோட்டஸ் குழுமத்தின் நிர்வாகத் தலைவர் டான்ஸ்ரீ ரெனா துரைசிங்கம், நிர்வாக இயக்குநர் டத்தோ ரெனா இராமலிங்கம், டத்தோ ரெனா நாகசுந்தரம், டத்தோ கீதாஞ்சலி, டத்தோ ஆர். அருணாசலம் உள்ளிட்டோர், பத்திரிகையாளர்கள் மற்றும் இயக்கத் தலைவர்கள் கலந்து கொண்டு மறைந்த நாகராஜனுக்கு இறுதி அஞ்சலி செலுத்தினர்.

அவரது மறைவு குடும்பத்தினர், நண்பர்கள், தொழில் வட்டாரத்தினர் மற்றும் சமூகத்தினரிடையே பெரும் சோகத்தை ஏற்படுத்தியுள்ளது.

மலேசியா

மறைந்த ரெ. நாகராஜன் (ராஜா) அவர்களுக்கு டத்தோ ரெனா துரைசிங்கம், டத்தோ ரெனா ராமலிங்கம் பிள்ளை ஆழ்ந்த இரங்கல்

ஆழ்ந்த இரங்கல்

மலேசிய இந்திய உணவக உரிமையாளர்கள் சங்கமான PRIMAS-ன் முக்கிய உறுப்பினரும், உணவகத் தொழிலின் வளர்ச்சிக்காக பல்வேறு வகைகளில் பங்களிப்பு செய்தவருமான உயர்திரு. ரெ. நாகராஜன் (ராஜா) அவர்களின் மறைவுச் செய்தி அறிந்து ஆழ்ந்த அதிர்ச்சியும் வேதனையும் அடைந்தோம்.

அன்னார் இயற்கை எய்திய செய்தி, அவரது குடும்பத்தினர், நண்பர்கள், உறவினர்கள் மட்டுமின்றி, உணவகத் தொழில்துறையினரிடையேயும் பெரும் துயரத்தை ஏற்படுத்தியுள்ளது.

உணவகத் தொழிலின் வளர்ச்சிக்கும், தொழில்துறையினரின் நலனுக்கும் அன்னார் ஆற்றிய பங்களிப்புகள் என்றும் நினைவுகூரப்படும். குறிப்பாக, PRIMAS சங்கத்தின் செயல்பாடுகள் மற்றும் தொழில்துறை சார்ந்த முயற்சிகளில் அன்னார் காட்டிய அக்கறை பாராட்டுக்குரியது.

அன்னாரை இழந்து வாடும் குடும்பத்தினர் மற்றும் உறவினர்களுக்கு எங்களது ஆழ்ந்த இரங்கலையும் அனுதாபத்தையும் தெரிவித்துக் கொள்கிறோம். இத்துயரமான நேரத்தில் அவர்களது குடும்பத்தினருக்கு இறைவன் மனவலிமையையும் துயரைத் தாங்கும் சக்தியையும் வழங்க பிரார்த்திக்கிறோம்.

அன்னாரின் ஆன்மா சாந்தியடைய இறைவனைப் பிரார்த்திக்கிறோம்.

– டத்தோ ரெனா துரைசிங்கம்
டத்தோ ரெனா ராமலிங்கம் பிள்ளை

மலேசியா

இளையராஜாவின் 50 ஆண்டு இசைப் பயணத்தை முன்னிட்டு பெட்டாலிங் ஜெயாவில் இசை நிகழ்ச்சி

இசைஞானி இளையராஜாவின் 50 ஆண்டு இசைப் பயணத்தை முன்னிட்டு, ADR Music நிறுவனம் சார்பில் “இசைத் தமிழ்கோர் மணிமகுடம்” எனும் பிரம்மாண்ட இசை நிகழ்ச்சிஏற்பாடு செய்யப்பட்டுள்ளது.

கலை உணர்வுடன் கடந்த 50 ஆண்டுகளாக செயல்பட்டு வரும் அலை ஓசை டாக்டர் அப்புதலைமையில் ஏற்பாடு செய்யப்பட்டுள்ள இந்நிகழ்ச்சி, வரும் 20ஆம் தேதிஞாயிற்றுக்கிழமை பெட்டாலிங் ஜெயா சிவிக் மண்டபத்தில் நடைபெறவுள்ளது.

நிகழ்ச்சியில் சுமார் 300 இசைக் கலைஞர்கள் கலந்து கொள்ளவுள்ளனர். நண்பகல் 12 மணிமுதல் பிற்பகல் 2 மணி வரை மதிய உணவு வழங்கப்படுவதுடன், பிற்பகல் 2 மணி முதல்மாலை 7 மணி வரை இசை நிகழ்ச்சி நடைபெறும்.

மலேசியாவைச் சேர்ந்த 60 உள்ளூர் பாடகர்கள் இளையராஜாவின் படைப்புகளைவழங்கவுள்ளதுடன், 18 இசைக் கருவிக் கலைஞர்களும் தங்களது பங்களிப்பைவழங்கவுள்ளனர். சுமார் 1,000 பேர் பங்கேற்கும் வகையில் ஏற்பாடு செய்யப்பட்டுள்ளஇந்நிகழ்ச்சி பொதுமக்களுக்கு இலவசமாக நடத்தப்படுகிறது.

நிகழ்ச்சியில் கலந்து கொள்ளவுள்ள பாடகர் எம்.எஸ். பிரிட்டோ கூறுகையில், இந்நிகழ்ச்சியில் பங்கேற்பது தமக்கு பெருமையாக இருப்பதாகத் தெரிவித்தார். கடந்த 50 ஆண்டுகளாக இளையராஜாவின் பாடல்களை பாடி வருவதாகக் குறிப்பிட்ட அவர், இந்தஅற்புதமான இசை நிகழ்ச்சியில் பொதுமக்கள் திரளாக கலந்து கொள்ள வேண்டும் எனஅழைப்பு விடுத்தார்.

மேலும், மலேசியாவின் பல்வேறு உள்ளூர் கலைஞர்களை ஒரே மேடையில் காணவும், அவர்களின் குரல்களை கேட்டு ரசிக்கவும் இந்த நிகழ்ச்சி சிறந்த வாய்ப்பாக அமையும் என்றும்அவர் தெரிவித்தார்.

ஜெயதீஸ் குமார் கூறுகையில், இளையராஜாவின் 50 ஆண்டு இசைப் பயணத்திற்குவழங்கப்படும் மரியாதையாகவே இந்த இசை நிகழ்ச்சியை தாம் கருதுவதாக தெரிவித்தார்.

SD Harmoni Restoran உரிமையாளர் ஷர்மிலா, இந்நிகழ்ச்சியில் சிறப்பு விருந்தினராககலந்து கொள்ள வாய்ப்பு கிடைத்திருப்பது மகிழ்ச்சியளிப்பதாகக் கூறினார். அற்புதமானஇந்நிகழ்ச்சிக்கு தமது முழுமையான ஆதரவு இருப்பதாகவும், பொதுமக்கள் அனைவரும்திரளாக வந்து நிகழ்ச்சியை சிறப்பிக்க வேண்டும் என்றும் அவர் கேட்டுக்கொண்டார்.

சிந்து பைரவி இசைக்குழுவின் தலைவர் அசோகன் கூறுகையில், மலேசியஇசைத்துறையில் அலை ஓசை டாக்டர் அப்பு ஒரு முக்கியமான இசைக் கலைஞர் எனக்குறிப்பிட்டார். குறிப்பாக இளையராஜாவின் பாடல்களை மிகத் தெளிவாகவும் சிறப்பாகவும்இசைக்கக்கூடிய திறமை அப்புவுக்கு இருப்பதாக அவர் தெரிவித்தார்.

இசையின் மீது அதிக ஈடுபாடு கொண்ட டாக்டர் அப்பு, இளையராஜாவின் இசைக்கருவிஅமைப்புகளின் நுணுக்கங்களை உள்வாங்கி, அவற்றை இந்த நிகழ்ச்சியிலும்பயன்படுத்தியுள்ளதாக அசோகன் தெரிவித்தார்.

இசைஞானி இளையராஜாவின் அரை நூற்றாண்டு இசைப் பயணத்தை கொண்டாடும்வகையில் நடைபெறும் இந்நிகழ்ச்சியில் பொதுமக்கள் இலவசமாக கலந்து கொண்டுஉள்ளூர் கலைஞர்களின் இசைப் படைப்புகளை ரசிக்கலாம்.

மலேசியா

நிதி ஒதுக்கீடு இல்லை, அதனால் செய்ய முடியாது என்று காரணம் கூற மாட்டேன் என் மக்கள் என் பொறுப்பு !

நிதி ஒதுக்கீடு இல்லை, அதனால் செய்ய முடியாது என்று காரணம் கூற மாட்டேன் என்மக்கள் என் பொறுப்பு !

தாப்பாவில் விபத்து அதிகம் நடக்கும் இடங்களில் சோலார் LED விளக்குகள்!

இப்போது 20 கட்டம் கட்டமாக 200 திட்டம் வகுத்துவிட்டேன்

- டத்தோ ஸ்ரீ சரவணன்

தாப்பா: தாப்பா நாடாளுமன்றத் தொகுதியில் விபத்துகள் அடிக்கடி நிகழும் பகுதியாகஅடையாளம் காணப்பட்டுள்ள சாங்சாட் பெத்தாய் முதல் தாப்பா சிறைச்சாலை வரையிலானசுமார் நான்கு கிலோமீட்டர் சாலைப் பகுதியில், அடுத்த மாத தொடக்கத்தில் 20 உயர் திறன்கொண்ட சோலார் LED மின்விளக்குகள் பொருத்தப்பட உள்ளன.

இரவு நேரங்களில் போதிய வெளிச்சம் இல்லாததன் காரணமாக இந்தச் சாலைப் பகுதியில்அடிக்கடி விபத்துகள் ஏற்படுவதாக தாப்பா நாடாளுமன்ற உறுப்பினர் டத்தோஸ்ரீ எம். சரவணன் தெரிவித்தார்.

மக்களின் பாதுகாப்பை கருத்தில் கொண்டு, தாப்பா நாடாளுமன்ற உறுப்பினருக்கானஒதுக்கீட்டைப் பயன்படுத்தி இந்தப் பகுதிகளை வெளிச்சமயமாக்கும் நடவடிக்கைமுன்னெடுக்கப்படுவதாக அவர் கூறினார்.

“இது மூன்று ஆண்டுகளுக்கான திட்டமாகும் நிதி ஒதுக்கீடு இல்லை, அதனால் செய்யமுடியாது என்று காரணம் கூற விரும்பவில்லை.

“தாப்பாவை வெளிச்சமயமாக்குவதற்காக மக்கள் பிரதிநிதிக்கான ஒதுக்கீட்டைப்பயன்படுத்துகிறேன். இந்தச் சாலையின் பல பகுதிகள் இரவு நேரங்களில் இருளாகஇருப்பதுடன், அடிக்கடி விபத்துகளும் நிகழ்கின்றன. மக்களின் பாதுகாப்புக்கு முன்னுரிமைஅளிக்கப்பட வேண்டும்,” என்று அவர் தெரிவித்தார்.

தாப்பா மகாத்மா காந்தி மண்டபத்தில் இன்று நடைபெற்ற நிகழ்வில் பேசிய டத்தோஸ்ரீசரவணன், தாப்பா நாடாளுமன்றத் தொகுதி முழுவதும் அடுத்த மூன்று ஆண்டுகளில் கட்டம்கட்டமாக 200 சோலார் LED மின்விளக்குகள் பொருத்தப்பட உள்ளதாகத் தெரிவித்தார்.

இந்த நடவடிக்கை தாப்பா நாடாளுமன்றத் தொகுதி அழகுபடுத்தல் மற்றும்வெளிச்சமயமாக்கல் திட்டத்தின் கீழ் செயல்படுத்தப்பட உள்ளது.

மக்கள் அதிகமாகப் பயன்படுத்தும் சாலைகள் மற்றும் இரவு நேரங்களில் வெளிச்சம்குறைவாக காணப்படும் பகுதிகளுக்கு முன்னுரிமை வழங்கப்பட்டு, மின்விளக்குகள் கட்டம்கட்டமாக பொருத்தப்படும் என எதிர்பார்க்கப்படுகிறது.

இதனிடையே, தாப்பா நாடாளுமன்றத் தொகுதி அளவில் நடைபெற்ற 2026ஆம்ஆண்டுக்கான இயந்திரங்கள், உபகரணங்கள், இறுதிச்சடங்கு நல உதவி மற்றும் அரசு சாராஅமைப்புகளுக்கான (NGO) நன்கொடை வழங்கும் நிகழ்ச்சியில், டத்தோஸ்ரீ எம். சரவணன்மொத்தம் RM151,000 மதிப்பிலான நிதி மற்றும் உபகரணங்களை வழங்கினார்.

மக்களின் அன்றாட தேவைகள், சமூக நலன் மற்றும் பாதுகாப்பு சார்ந்த திட்டங்களுக்குதொடர்ந்து முக்கியத்துவம் வழங்கப்படும் என்றும் அவர் தெரிவித்தார்.

மலேசியா

பினாங்கு லீகா முஸ்லிம் சங்கத்தின்‌ புதிய அத்யாயம் 26 ஆண்டுகளுக்கு பின்னர் புதிய தலைவர்

பினாங்கு, செப்15-

பினாங்கு மாநில இந்திய‌‌ முஸ்லிம் வர்ககத்தினர்களுக்கு பல்வேறு சேவைகளை‌ நீட்டிக்காலமாக‌ ஆற்றி வரும் பினாங்கு லீகா முஸ்லிம் சங்கத்திற்கு 26 ஆண்டுகளுக்கு பின்னர்நேற்று புதிய தலைவராக டத்தோ டாக்டர் சாஹூல் ஹாமிட் போட்டியின்றி வெற்றி பெற்றார்.

கடந்த‌ 26 ஆண்டுகள் டத்தோஶ்ரீ ஹாஜா நஜ்முடின் சிறப்பாக வழிநடத்தினார்.

அவரின் துணைத் தலைவராக டத்தோ சாஹில் ஹாபிட் தேர்வு செய்யப்பட்டதை தொடர்த்து தொழிலதிபர் டாக்டர் நோர்‌ முகமட் எஸ்.பி.கே. முகமட் அப்துல்லா துணைத் தலைராகபோட்டியின்றி வெற்றி‌ பெற்றார்.

அதையடுத்து, முதல் உதவித் தலைவர்களாக் டத்தோ முகமட் மீரா சாஹிப், ராயிஸ் அகமட், கேப்டன் ஜாமில் நியமிக்கப்பட்டனர்.

தொடர்ந்து செயலாளராகஜ டாக்டர் சைட் நீசாம் , துணைத் செயலாளர்களாக ஹாஸ்வினி, முகமட் பிலால் நியமிக்கப்பட்டனர்.

மேலும், உமார்‌ பாருக் பொருளாளராக தேர்வு செய்யப்பட்டார்.தொடர்ந்து பினாங்கு லீகா‌‌ முஸ்லிம் சங்கத்தின்‌ இளைஞர் அணி தலைவராக நோர்ஹிஷாமுடின் நோர்‌ஸமுகமட், மகளிர் அணி தலைவராக சக்கினா மோனா முகமட் வெற்றிபெற்றனர்.

பினாங்கு லீகா முஸ்லிம் சங்கத்தின் 66 ஆண்டுக் கூட்டத்தில் புதிய செய்தவைஉறுப்பினர்கள்‌ தேர்வு‌ செய்யப்பட்டனர். பினாங்கு மாநில அரசாங்கத்தின்‌ முழு ஆதரவோடு பினாங்கு லீகா முஸ்லிம் சங்கத்தின்மேலும்‌ வெற்றி நடை‌ போடும் என‌ தலைவர்‌ டத்தோ சாஹூல் ஹாமிட் கூறினார்.

இந்த ஆண்டுக் கூட்டத்தை பினாங்கு மாநில ஆட்சிக்குழு உறுப்பினர் டத்தோஶ்ரீ சுந்தரராஜூதொடக்கி வைத்தார்.

மலேசியா

கடலோர மக்களின் வாழ்வியலையும் பாரம்பரியத்தையும் சொல்லும் ‘மண்டாடி’ திரைப்படம்!

கோலாலம்பூர், செப்.11-

கடலோர மீனவ மக்களின் வாழ்க்கை, பாரம்பரிய பாய்மரப் படகுப் போட்டி, நட்பு, காதல்மற்றும் பழிவாங்குதல் என பல்வேறு அம்சங்களை ஒன்றிணைத்து உருவாகியுள்ள புதியதிரைப்படம் ‘மண்டாடி’.

நடிகர் சூரி கதாநாயகனாக நடித்துள்ள இப்படத்தை மதிமாறன் புகழேந்தி இயக்கியுள்ளார். சத்யராஜ், மகிமா நம்பியார், சுஹாஸ் உள்ளிட்டோர் முக்கிய கதாபாத்திரங்களில்நடித்துள்ளனர்.

ராமநாதபுரம் அருகிலுள்ள கடலோர மீனவ கிராமத்தைப் பின்னணியாகக் கொண்டஇப்படத்தின் கதையில், அக்கிராம மக்களின் பாரம்பரிய அடையாளமாக விளங்கும் பாய்மரப்படகுப் போட்டி முக்கிய இடத்தைப் பிடித்துள்ளது.

படகுப் போட்டியில் சிறந்து விளங்கும் முத்துக்காளி என்ற காளி கதாபாத்திரத்தில் சூரிநடித்துள்ளார். கடந்த காலத்தில் ஏற்பட்ட சில பிரச்சினைகளால் சொந்த ஊரை விட்டுசென்னை செல்லும் காளி, அங்கு புதிய வாழ்க்கையைத் தொடங்குகிறார்.

இந்நிலையில், சொந்த ஊரில் பழைய பகை காரணமாக உருவாகும் பிரச்சினை ஒன்றால் பலஆண்டுகளுக்குப் பின்னர் மீண்டும் தனது கிராமத்திற்குத் திரும்ப வேண்டிய சூழல்அவருக்கு ஏற்படுகிறது.

கிராமத்திற்குத் திரும்பிய காளி, பழைய நண்பர்கள், கடந்த கால காதல் மற்றும் படகுப்போட்டி என தனது வாழ்க்கையுடன் பின்னிப் பிணைந்த பல சம்பவங்களை மீண்டும்எதிர்கொள்கிறார்.

ஒருகாலத்தில் சிறந்த படகுப் போட்டி வீரராக விளங்கிய காளி, மீண்டும் போட்டிக் களத்தில்இறங்க வேண்டிய கட்டாயம் ஏற்படுகிறது. குறிப்பாக, சுஹாஸ் ஏற்றுள்ளகதாபாத்திரத்துடனான பழைய நட்பு, மோதல் மற்றும் போட்டி ஆகியவை கதையைஅடுத்தடுத்த கட்டங்களுக்கு நகர்த்துகின்றன.

கடலில் நடைபெறும் பரபரப்பான பாய்மரப் படகுப் போட்டிக் காட்சிகளுடன், மீனவ மக்களின்அன்றாட வாழ்க்கைப் போராட்டம், தனிப்பட்ட பகை, நட்பு மற்றும் காதல் ஆகியவை கதையில்ஒன்றிணைக்கப்பட்டுள்ளன.

சூரியின் நடிப்பு படத்தின் முக்கிய பலமாக அமைந்துள்ளது. கடலோர கிராமத்து மனிதராகஅவரது உடல்மொழியும் கதாபாத்திரத்தை உள்வாங்கி நடித்த விதமும் கவனத்தைஈர்க்கின்றன.

கடலோர மக்களின் வாழ்வியலையும் அவர்களின் பாரம்பரியத்தையும் திரையில் பதிவுசெய்யும் வகையில் ‘மண்டாடி’ தனக்கென ஒரு இடத்தைப் பெறுகிறது.

உலகம் முழுவதும் நேற்று வெளியான இப்படம், மலேசியாவிலும் டாமான்சாரா பெவிலியன்வளாகத்தில் உள்ள திரையரங்கில் சிறப்பு காட்சி திரையிடப்பட்டது.

மலேசியாவில் இப்படத்தின் விநியோகப் பணிகளை 3 Dot Movie நிறுவனமும், சந்தைப்படுத்தல் பணிகளை DAK Evolution Trading நிறுவனமும் மேற்கொள்கின்றனஎன்பது குறிப்பிடத்தக்கது.

மலேசியா

சிறுவயது கனவை சொந்த தொழிலாக மாற்றிய விக்னேஸ்வரி: பென்சி அக்கடாமி மூலம் பேக்கரி துறையில் புதிய பயணம்!

கோலாலம்பூர்,செப்.11-

சிறுவயது முதலே பேக்கரி மற்றும் கேக் தயாரிப்பில் கொண்டிருந்த ஆர்வத்தை விடாமல்தொடர்ந்து வளர்த்து, இன்று அதே துறையில் சொந்த தொழிலை உருவாக்கியுள்ளார்விக்னேஸ்வரி நாராஜா.

அவரது முயற்சியின் அடுத்த கட்டமாக ‘பென்சி அக்கடாமி’ என்ற பெயரில் பேக்கரி பயிற்சிநிலையம் தற்போது தொடங்கப்பட்டுள்ளது. OUG Parklane பகுதியில் அமைந்துள்ள இந்தஅக்கடாமி, பேக்கரி துறையில் ஆர்வம் கொண்டவர்களுக்கு தங்களது திறமைகளைவளர்த்துக் கொள்ளும் வாய்ப்பை வழங்கும் நோக்கத்துடன் செயல்படத் தொடங்கியுள்ளது.

தனது பயணம் குறித்து விக்னேஸ்வரி நாராஜா கூறுகையில், சிறுவயது முதலே பேக்கரிதுறையில் தனக்கு அதிக ஆர்வம் இருந்ததாக தெரிவித்தார்.

அந்த ஆர்வத்தின் அடிப்படையில் ஆரம்பத்தில் சிறிய அளவில் கேக் தயாரித்து விற்பனைசெய்யும் தொழிலில் ஈடுபட்டதாகவும், பின்னர் தனது அனுபவத்தையும் திறமையையும்மற்றவர்களுடன் பகிர்ந்து கொண்டு சிலருக்கு கேக் தயாரிப்பு தொடர்பான பயிற்சிகளைவழங்கியதாகவும் கூறினார்.

கேக் விற்பனையில் தொடங்கிய தனது பயணம், தற்போது பயிற்சி வழங்கும் அக்கடாமியைதொடங்கும் அளவுக்கு வளர்ந்திருப்பது மகிழ்ச்சியளிப்பதாகவும் அவர் குறிப்பிட்டார்.

“சிறுவயதில் எனக்கு இருந்த விருப்பத்தை இன்று ஒரு சொந்த தொழிலாக மாற்றியுள்ளேன். ஆரம்பத்தில் சிறிய அளவில் கேக் வியாபாரத்தை மேற்கொண்டேன். அதன் பின்னர்என்னிடம் கற்றுக்கொள்ள விரும்பிய சிலருக்கு பயிற்சி வழங்கினேன். அந்த அனுபவத்தின்தொடர்ச்சியாகவே தற்போது பென்சி அக்கடாமியை ஆரம்பித்துள்ளேன்,” என விக்னேஸ்வரிதெரிவித்தார்.

அக்கடாமியின் திறப்பு விழா இன்று நடைப்பெறுகிறது. இதனை திறந்து வைக்ககோலாலம்பூர் சிலாங்கூர் இந்திய வர்த்தக சங்கத்தின் தலைவர் வி.கே.கே.ராஜாவருகையளித்திருந்தார். இந்த குறுகிய நிலையில், அதற்குள் 5 பேர் பயிற்சியில்இணைந்துள்ளதாகவும் அவர் தெரிவித்தார்.

இது தமது முயற்சிக்கு கிடைத்துள்ள ஆரம்பகட்ட வரவேற்பாக அமைந்துள்ளதாகவும் அவர்மகிழ்ச்சி தெரிவித்தார்.

மேலும், இந்த வார சனிக்கிழமை மற்றும் ஞாயிற்றுக்கிழமைகளில் பொதுமக்கள் பென்சிஅக்கடாமிக்கு நேரடியாக வந்து, அங்கு வழங்கப்படும் பயிற்சிகள், பாடத்திட்டங்கள் மற்றும்பேக்கரி துறை தொடர்பான முழுமையான விவரங்களை அறிந்து கொள்ளலாம் என்றும்அவர் அழைப்பு விடுத்துள்ளார்.

அக்கடாமியின் தொடக்கத்தை முன்னிட்டு, அடுத்த ஒரு வாரத்தில் பதிவு செய்யும் புதியபயிலாளர்களுக்கு சிறப்பு சலுகைகளும் வழங்கப்பட உள்ளதாக தெரிவிக்கப்பட்டுள்ளது.

பேக்கரி துறையில் ஆர்வம் கொண்டவர்கள், குறிப்பாக கேக் தயாரிப்பு மற்றும் அதனைதொழிலாக முன்னெடுக்க விரும்புவோர், இந்த வாய்ப்பை பயன்படுத்திக் கொண்டு பென்சிஅக்கடாமியை அணுகலாம் என விக்னேஸ்வரி நாராஜா தெரிவித்தார்.

சிறுவயது விருப்பத்தை விடாமுயற்சியுடன் வளர்த்து, சிறிய அளவிலான கேக்வியாபாரத்திலிருந்து பயிற்சி அக்கடாமி வரை தனது பயணத்தை முன்னெடுத்துள்ளவிக்னேஸ்வரி நாராஜாவின் இந்த முயற்சி, பேக்கரி துறையில் ஆர்வமுள்ளவர்களுக்கு புதியவாய்ப்பை உருவாக்கும் என எதிர்பார்க்கப்படுகிறது.

மலேசியா

2030க்குள் வாரியத்தில் 30% இளைஞர்களை இணைக்க திட்டம்! கேகேபி தொழிலாளர் கூட்டுறவு நாணயச் சங்கம் சொத்துடமைகளை பெருக்க புதிய திட்டங்கள்!

கோலாலம்பூர்,செப்.10-

கேகேபி தொழிலாளர் கூட்டுறவு நாணயச் சங்கத்தின் வாரியத்தில் 2030ஆம் ஆண்டுக்குள்30 விழுக்காடு இளைஞர்களை இணைத்து, சங்கத்தின் எதிர்கால நிர்வாகத்தில் இளையதலைமுறையினருக்கு அதிக வாய்ப்புகளை வழங்க திட்டமிட்டுள்ளதாக அதன் தலைவர்என்.எஸ். தங்கராஜ் தெரிவித்தார்.

சங்கத்தின் செயல்பாடுகள், நிர்வாக நடைமுறைகள் மற்றும் எதிர்காலத் திட்டங்கள் குறித்துதென் கொரியாவைச் சேர்ந்த கூட்டுறவுச் சங்கப் பிரதிநிதிகளுடன் நடைபெற்றசந்திப்பின்போது அவர் இதனைத் தெரிவித்தார்.

இந்தச் சந்திப்பின்போது இரு தரப்பினரும் தங்களது கூட்டுறவு நிறுவனங்களின்செயல்பாடுகள், நிர்வாக முறைகள் மற்றும் உறுப்பினர்களுக்காக முன்னெடுக்கப்படும்திட்டங்கள் குறித்து விரிவான விளக்கங்களைப் பரிமாறிக் கொண்டனர்.

கேகேபி தொழிலாளர் கூட்டுறவு நாணயச் சங்கம் எவ்வாறு நிர்வகிக்கப்படுகிறது, உறுப்பினர்களின் பங்களிப்பு எவ்வாறு உறுதி செய்யப்படுகிறது, சங்கத்தின் திட்டங்கள்எவ்வாறு செயல்படுத்தப்படுகின்றன என்பது உள்ளிட்ட பல்வேறு கேள்விகளை தென்கொரியக் கூட்டுறவுச் சங்கப் பிரதிநிதிகள் கேட்டறிந்தனர்.

அவர்களின் கேள்விகளுக்கு சங்கத்தின் தலைவர் மற்றும் நிர்வாகிகள் விளக்கங்களைவழங்கியதுடன், சங்கத்தின் தற்போதைய செயல்பாடுகள் மற்றும் எதிர்கால வளர்ச்சித்திட்டங்கள் குறித்தும் எடுத்துரைத்தனர்.

கூட்டுறவுச் சங்கத்தின் எதிர்கால வளர்ச்சியில் இளைஞர்களின் பங்களிப்பு மிகவும்முக்கியமானது என்பதை வலியுறுத்திய தங்கராஜ், புதிய தலைமுறையினரை நிர்வாகத்தில்கொண்டு வருவதற்கான திட்டம் முன்னெடுக்கப்பட்டு வருவதாகக் கூறினார்.

அதன்படி, 2030ஆம் ஆண்டுக்குள் சங்கத்தின் வாரியத்தில் 30 விழுக்காடு இளைஞர்களைஇணைப்பதை இலக்காகக் கொண்டுள்ளதாக அவர் தெரிவித்தார்.

இளைஞர்களின் புதிய சிந்தனைகள், தொழில்நுட்ப அறிவு மற்றும் நிர்வாகத் திறன்களைகூட்டுறவுத் துறையின் வளர்ச்சியுடன் இணைப்பதன் மூலம் சங்கத்தின் எதிர்காலசெயல்பாடுகளை மேலும் வலுப்படுத்த முடியும் என்றும் அவர் குறிப்பிட்டார்.

அதேவேளை, சங்கத்தின் நிதி அடித்தளத்தை வலுப்படுத்தும் வகையில் சொத்துடமைகளைஅதிகரிப்பதற்கும் பல்வேறு திட்டங்கள் பரிசீலிக்கப்பட்டு வருவதாக தங்கராஜ் தெரிவித்தார்.

குறிப்பாக, எதிர்காலத்தில் நிலங்களை வாங்குவதற்கான திட்டம் இருப்பதாகவும், சங்கத்தின்சொத்து மதிப்பை அதிகரிக்கும் வகையில் நீண்டகால முதலீடுகளை மேற்கொள்ளநடவடிக்கை எடுக்கப்படும் என்றும் அவர் கூறினார்.

மேலும், அங்கத்தினர்களின் கூட்டுப் பங்களிப்பின் மூலம் கட்டடங்கள் மற்றும் பிறசொத்துகளை வாங்கி, அதன் மூலம் அங்கத்தினர்களையே அந்தச் சொத்துகளின்உரிமையாளர்களாக மாற்றும் வகையிலான திட்டமும் இருப்பதாக அவர் தெரிவித்தார்.

இதன் மூலம் சங்கத்தின் வளர்ச்சியுடன் அங்கத்தினர்களும் நேரடியாகப் பயனடையும்வாய்ப்பை உருவாக்க முடியும் என அவர் நம்பிக்கை தெரிவித்தார்.

மேலும், கூட்டுறவு என்பது அங்கத்தினர்களின் ஒற்றுமை மற்றும் பங்களிப்பைஅடிப்படையாகக் கொண்ட அமைப்பு என்பதால், சங்கத்தின் அனைத்து திட்டங்களிலும்அங்கத்தினர்கள் தீவிரமாகப் பங்கேற்க வேண்டும் என்றும் தங்கராஜ் கேட்டுக்கொண்டார்.

சங்கத்தின் வளர்ச்சி நிர்வாகிகளின் முயற்சியால் மட்டும் சாத்தியமில்லை என்றும், ஒவ்வொரு அங்கத்தினரின் ஆதரவு, பங்களிப்பு மற்றும் ஈடுபாடும் அவசியம் என்றும் அவர்வலியுறுத்தினார்.

எதிர்காலத்தில் சங்கத்தை மேலும் வலுவான பொருளாதார அடித்தளத்தைக் கொண்டகூட்டுறவு நிறுவனமாக உருவாக்குவதுடன், அதன் வளர்ச்சியின் பயன்கள் அனைத்துஅங்கத்தினர்களையும் சென்றடையும் வகையில் திட்டங்கள் முன்னெடுக்கப்படும் என்றும்அவர் தெரிவித்தார்.

மலேசியா

கோலாலம்பூரில் செப்டம்பர் 12ஆம் தேதி ‘முத்தமிழ் விழா ’26’

கோலாலம்பூர்,செப்.9-

மலேசிய முத்தமிழ்ச்சங்கத்தின் ஏற்பாட்டில் ‘முத்தமிழ் விழா ’26’ எதிர்வரும் செப்டம்பர்12ஆம் தேதி சனிக்கிழமை மாலை 6 மணிக்கு கோலாலம்பூர் விஸ்மா துன் சம்பந்தனில்உள்ள டான்ஸ்ரீ கே.ஆர். சோமா அரங்கில் நடைபெறவுள்ளது.

தேசிய நில நிதி கூட்டுறவு சங்கத்தின் நிர்வாக இயக்குநரும், மலேசிய முத்தமிழ்ச்சங்கத்தின்ஆலோசகருமான முத்தமிழ்க்காவலர் தமிழ்வேள் டத்தோ பா. சகாதேவன் சிறப்புவிருந்தினராகக் கலந்து கொண்டு விழாவைத் தொடக்கி வைத்து சிறப்புரையாற்றவுள்ளார்.

இவ்விழாவில் தமிழ்நாடு மற்றும் மலேசியாவைச் சேர்ந்த இலக்கியவாதிகள் கலந்துகொண்டு பல்வேறு தலைப்புகளில் சிறப்பான இலக்கிய உரைகளை வழங்கவுள்ளனர். மேலும், தமிழ்நாடு திண்டிவனம் கம்பன் கழக அறக்கட்டளையின் பொறுப்பாளர்களும்விழாவில் பங்கேற்கவுள்ளனர்.

இதனிடையே, தமிழ்நாட்டைச் சேர்ந்த ‘கலைமகள்’ இதழின் ஆசிரியர் கீழாம்பூர்சங்கரசுப்ரமணியன் தொகுத்துள்ள ‘மலேசிய சிறுகதைகள்’ நூல் வெளியீடும் விழாவில்நடைபெறவுள்ளது. தேசிய நில நிதி கூட்டுறவு சங்கத்தின் இலக்கியப் போட்டிகளில் வெற்றிபெற்ற சிறுகதைகளைத் தொகுத்து இந்நூல் வெளியிடப்பட்டுள்ளது.

விழாவில் இலக்கிய உரையாற்றவுள்ள சிறப்பு உரையாளர்களுக்கு மலேசியாவின் சோழன்உலக சாதனை புத்தக நிறுவனம் சார்பில் சிறப்பு இலக்கிய விருதுகளும் வழங்கப்படவுள்ளன.

மேலும், பத்துமலை கவிஞர் வைரகவி ‘மலேசியத் தமிழர்கள்’ என்ற தலைப்பில் கவிதைவழங்கவுள்ளார்.

விழாவில் இடம்பெறும் சிறப்பு இலக்கிய உரைகளும் உரையாளர்களும் வருமாறு:

- மேனாள் காவல்துறை ஆணையாளர் டத்தோஸ்ரீ ஆ. தெய்வீகன் – தமிழர் வாழ்வியலில்இலக்கிய மாண்புகள்

- தமிழ்நாடு பேராசிரியர் முனைவர் ஞானஜோதி சரவணன் – தமிழர் தம் அகவாழ்வு

- தமிழ்நாடு பேராசிரியர் முனைவர் கா. வேலம்மாள் – திருக்குறள் காமத்துப்பால் – வாழ்வியல் மருந்து

- கலைமாமணி கீழாம்பூர் சங்கரசுப்ரமணியன் – பாரதியின் அகன்ற பார்வை

- பேராசிரியர் முனைவர் ரவி – உலக வரலாற்றில் தமிழ்ப்பண்பாடு – ஒரு தொல்லியல்பார்வை

- மலேசியா கரு கார்த்தி – கவிஞர் கண்ணதாசன் நினைவலைகள்

தமிழ் இலக்கிய மாண்புகளையும் மரபுகளையும் அறிந்துகொள்வதுடன், தமிழர்களின்வேர்கள் மற்றும் வரலாறுகளைப் புரிந்துகொள்ளும் வகையில் சங்க இலக்கியங்கள் முதல்இக்கால இலக்கியங்கள் வரையிலான பல்வேறு இலக்கிய உரைகளை வழங்குவதேஇவ்விழாவின் நோக்கம் என ஏற்பாட்டாளர்கள் தெரிவித்துள்ளனர்.

இதையொட்டி, இலக்கிய ஆர்வலர்கள் அனைவரும் விழாவில் கலந்து கொண்டுசிறப்பிக்குமாறு மலேசிய முத்தமிழ்ச்சங்கம் அன்புடன் அழைப்பு விடுத்துள்ளது.

மேலதிக தகவல்களுக்கு மலேசிய முத்தமிழ்ச்சங்கத்தின் பொதுச்செயலாளர் கருபன்னீர்செல்வத்தை 012-3056799 என்ற எண்ணில் தொடர்புகொள்ளலாம்.