இடைக்கால பிரதமர் துன் டாக்டர் மகாதீர் முகமட் பெர்சத்து அதிபர் முகைதீன் யாசினுடன் தாம் பேசியதாகவும், பெர்சத்து வேட்பாளராக அடுத்த பிரதமராக வருவதற்கான சாத்தியக்கூறுகள் குறித்து இந்த விவாதம் இருந்ததாகவும் தெரிவித்துள்ளார்.
மகாதீரின் இந்தக் கூற்று மக்களிடையே கடும் அதிருப்தியை ஏற்படுத்தியுள்ளது.
பெரும்பான்மையான எம்.பி.க்கள் முகைதீனைத் தேர்ந்தெடுத்தால் தாமும் ஏற்றுக்கொள்வதாக மகாதீர் கூறியுள்ளார்.
அம்னோவுடன் பணியாற்றுவதில் தனக்கும் முகைதீனுக்கும் மாறுபட்ட கருத்துகள் இருப்பதாக ஒப்புக்கொண்ட மகாதீர், அம்னோவை ஒரு கூட்டணிக் கட்சியாக ஏற்றுக்கொள்ள மாட்டேன் என்றும் தெரிவித்தார்.
மேலும், பெர்சத்து தலைவராக நீடிக்க ஒப்புக் கொண்டதையும் மகாதீர் உறுதிப்படுத்தியுள்ளார்.மூன்று நாட்களுக்கு முன்பே கட்சி, தம்மைத் தலைவராகத் திரும்புமாறு கேட்டுக்கொண்டதாக மகாதீர் கூறினார்.
பக்காத்தான் ஹராப்பானில் மீண்டும் பெர்சத்து சேர வாய்ப்புள்ளதா என்ற கேள்விக்கு, அது குறித்து மகட்சியுடன் விவாதிக்க வேண்டும் என்றார்!
0 Comments